San Marcos 15:45 - Triqui de San Juan Copala

⁴⁵ Ga̱a ne̱ cataj tanuu capitán yoꞌ se vaa ya̱ ya̱ caviꞌ Jesús, ne̱ cheꞌé dan caꞌvej rá Pilató ni̱caj José cúú man Jesús caꞌa̱nj cachi̱nj soꞌ a.

San Marcos 15:45 ပူးပေါင်းရင်းမြစ်များ

San Mateo 27:58

Dan me se caꞌanj soꞌ rihaan síí cuꞌna̱j Pilató, ne̱ cachíín niꞌya̱j soꞌ rihaan Pilató se vaa caꞌve̱j Pilató cachi̱nꞌ soꞌ man Jesús a. Ne̱ Pilató roꞌ, cataj se vaa caꞌve̱e quiꞌya̱j soꞌ da̱nj a.

San Marcos 15:39

Veé dan, ne̱ nicunꞌ tanuu capitán romanó ꞌni̱j raꞌa cientó tanuu rihaan Jesús, ne̱ queneꞌen soꞌ nu̱ꞌ se vaa guun ga̱a caviꞌ Jesús, ga̱a ne̱ cataj soꞌ a: ―Ya̱ ya̱ Taꞌni̱j Yaꞌanj me snóꞌo nihánj asânj ―taj soꞌ a.

San Marcos 15:44

Dan me se caráyaꞌa̱nj ndoꞌo Pilató ga̱a cuno soꞌ nana̱ se vaa a̱j caviꞌ Jesús, ga̱a ne̱ canacúún soꞌ caꞌna̱ꞌ tanuu capitán ꞌni̱j raꞌa cientó tanuu rihaan soꞌ, ne̱ xnáꞌanj soꞌ man tanuu yoꞌ sese ya̱ ya̱ caviꞌ Jesús a.

San Marcos 15:46

Ga̱a ne̱ xcaj José yatzéj mantá, ga̱a ne̱ tananij soꞌ man Jesús, ne̱ nacutáj soꞌ yatzéj mantá xráá Jesús, ne̱ cuchruj soꞌ cúú man Jesús rque yuꞌuj gáán nii rque yuvej, ne̱ caráán soꞌ yuvej xi̱j caxra̱ꞌ tuꞌva yuꞌuj yoꞌ a.

San Juan 19:38

Quisíj quiꞌyaj nij tanuu da̱nj, ga̱a ne̱ cachíín niꞌya̱j síí cuꞌna̱j José síí cavii chumanꞌ Arimatea rihaan síí cuꞌna̱j Pilató se vaa caꞌve̱j rá Pilató quiri̱i̱ yaníj soꞌ cúú man Jesús a. Ne̱ xa̱ꞌ José, tza̱j ne̱ si̱j tucuꞌyón snana̱ Jesús me soꞌ, tza̱j ne̱ ma̱an se nocoꞌ yuve̱ soꞌ man Jesús, cheꞌé se cuchuꞌviꞌ soꞌ niꞌya̱j soꞌ man nij síí uun chij rihaan nij yuvii̱ israelitá a. Dan me se caꞌvej rá Pilató, ne̱ cheꞌé dan quirii yaníj José cúú man Jesús a.