San Marcos 15:4 - Triqui de San Juan Copala

⁴ Ga̱a ne̱ xnáꞌanj uún Pilató man Jesús a: ―Me cheꞌé ne aꞌmii so̱ꞌ ga̱. Nihánj me se utaꞌ uxrá nii cacunꞌ xráá so̱ꞌ asânj ―taj Pilató a.

San Marcos 15:4 ပူးပေါင်းရင်းမြစ်များ

San Mateo 26:62

Ga̱a ne̱ canicunꞌ xrej ata̱ suun noco̱o doj, ne̱ xnáꞌanj soꞌ man Jesús, cataj soꞌ a: ―Me cheꞌé ne aꞌmii so̱ꞌ ga̱. Da̱j vaa nana̱ nihánj nana̱ aꞌmii ro̱j síí nihánj cheꞌé so̱ꞌ ga̱ ―taj soꞌ, xnáꞌanj soꞌ man Jesús a.

San Mateo 27:13

Ga̱a ne̱ xnáꞌanj uún Pilató man Jesús, cataj soꞌ a: ―A̱j cunó so̱ꞌ cataj nij soꞌ se vaa tumé ndoꞌo so̱ꞌ cacunꞌ naꞌ. Me cheꞌé ne aꞌmii so̱ꞌ ga̱ ―taj soꞌ, xnáꞌanj soꞌ man Jesús a.

San Marcos 15:3

Ne̱ cutaꞌ ndoꞌo nij xrej ata̱ suun noco̱o cacunꞌ xráá Jesús a.

San Marcos 15:5

Tza̱j ne̱ yu̱u̱n cheꞌe̱ ne caꞌmi̱i̱ Jesús a̱ doj nana̱ rihaan soꞌ, ne̱ caráyaꞌa̱nj uxrá Pilató cheꞌé yan quiꞌyaj soꞌ da̱nj a.

San Juan 19:10

Cheꞌé dan cataj Pilató rihaan soꞌ a: ―Me cheꞌé ne aꞌmii so̱ꞌ ga̱. Ne neꞌén so̱ꞌ sese ꞌu̱nj roꞌ, me síí no̱ xcúún quiri̱i̱ mán so̱ꞌ tagaꞌ, ne̱ vej nó xcúún quiꞌya̱j cachro̱n nij tanuu mán so̱ꞌ rihaan rcutze̱ á ―taj Pilató, xnáꞌanj soꞌ man Jesús a.