San Marcos 15:24 - Triqui de San Juan Copala

²⁴ Veé dan, ne̱ cachrón nij tanuu man Jesús rihaan rcutze̱, ne̱ tico tixaj nij soꞌ cheꞌé saga̱nꞌ Jesús me síí quiꞌya̱j canaán ꞌo̱ ꞌo̱ taꞌa̱j saga̱nꞌ soꞌ a.

San Marcos 15:24 ပူးပေါင်းရင်းမြစ်များ

San Lucas 23:34

Ga̱a ne̱ cachíín niꞌya̱j Jesús rihaan Yaꞌanj, cataj soꞌ a: ―Ti̱navíí so̱ꞌ cacunꞌ tumé nij soꞌ, Ata̱j Chij. ꞌO̱ se ne neꞌen nij soꞌ da̱j ꞌyaj nij soꞌ maꞌ ―taj soꞌ, cachíín niꞌya̱j soꞌ rihaan Rej soꞌ Yaꞌanj a. Ga̱a ne̱ tico tixaj nij tanuu cheꞌé saga̱nꞌ Jesús a.

Hechos 2:23

Dan me se tacuachén nii man soꞌ rihaan nij síí ta̱j riꞌyunj man soꞌ, ne̱ cachrón nij síí ne nocoꞌ man Yaꞌanj man soꞌ rihaan rcutze̱, ne̱ caviꞌ soꞌ, quiꞌyaj maꞌa̱n soj a. Ne̱ nu̱ꞌ nihánj me se vaa ꞌo̱ guun rá Yaꞌanj quira̱nꞌ soꞌ, ne̱ a̱j queneꞌen Yaꞌanj se vaa quira̱nꞌ soꞌ da̱nj na̱nj ado̱nj.

Hechos 5:30

ꞌO̱ se nij soj me síí tocoꞌ man Jesús rihaan rcutze̱, ne̱ caviꞌ soꞌ, quiꞌyaj soj a. Tza̱j ne̱ Yaꞌanj noco̱ꞌ xi̱i níꞌ asi̱j naá roꞌ, me síí quiꞌyaj cunuu iꞌna̱ꞌ uún soꞌ ado̱nj.

2 Corintios 5:21

A̱ ꞌó cacunꞌ ne tumé Cristó maꞌ. Tza̱j ne̱ naraa Yaꞌanj nu̱ꞌ cacunꞌ tumé níꞌ xráá maꞌa̱n Cristó, ne̱ quiranꞌ Cristó sayuun cheꞌé cacunꞌ yoꞌ, ne̱ cheꞌé dan caꞌve̱e cunu̱u sa̱ꞌ ya̱ níꞌ rihaan Yaꞌanj cheꞌé se si̱j noco̱ꞌ man Cristó me níꞌ ado̱nj.

Gálatas 3:13

Ga̱a naá cataj Yaꞌanj se vaa cano̱ uxrá sayuun xráá nij síí ne uno nu̱ꞌ stucua̱nj Moisés, tza̱j ne̱ tinanii Cristó man níꞌ rihaan sayuun yoꞌ cheꞌé se cata̱ soꞌ cacunꞌ tumé níꞌ do̱ꞌ, sayuun no̱ xráá níꞌ do̱ꞌ, ga̱a caviꞌ soꞌ rihaan rcutze̱ a. No̱ nana̱ nihánj rihaan Danj Yaꞌanj a: “Daj a̱ yuvii̱ noco̱ꞌ va̱j rihaan ꞌo̱ chruun me síí quiriꞌ nimán rihaan Yaꞌanj a.”

1 Pedro 2:24

Cacunꞌ tumé níꞌ roꞌ, nataꞌ xráá Cristó ga̱a caviꞌ soꞌ rihaan rcutze̱, cheꞌé rej caꞌne̱ꞌ rá níꞌ ga̱ suun ꞌyaj cacunꞌ ne̱ ina̱nj tucuáán sa̱ꞌ canoco̱ꞌ níꞌ a. Ne̱ cheꞌé se goꞌ nii cuartá xráá soꞌ roꞌ, cheꞌé dan nahuun sa̱ꞌ nimán soj a.