San Marcos 15:19 - Triqui de San Juan Copala

¹⁹ Ga̱a ne̱ goꞌ uxrá nij soꞌ vará raa̱ Jesús, ne̱ quirii talúj nij soꞌ man soꞌ, ne̱ cayáán ru̱j nij soꞌ rihaan soꞌ, ne̱ quiꞌyaj nij soꞌ nda̱a vaa ꞌyaj yuvii̱ aráj gue̱e̱ rihaan ꞌo̱ yaꞌanj a.

San Marcos 15:19 ပူးပေါင်းရင်းမြစ်များ

San Mateo 27:30

Ga̱a ne̱ quirii talúj nij soꞌ man Jesús, ne̱ nacaj nij soꞌ vará noco̱ꞌ raꞌa Jesús, ne̱ goꞌ nij soꞌ vará raa̱ Jesús a.

San Marcos 10:34

ne̱ caꞌnga̱ꞌ naco̱o̱ nij síí yaníj ni̱ꞌyaj nij soꞌ manj, ne̱ go̱ꞌ nij soꞌ cuartá xráj, ne̱ quiri̱i̱ talúj nij soꞌ rihanj, ne̱ ticavi̱ꞌ nij soꞌ manj a. Tza̱j ne̱ cache̱n vaꞌnu̱j güii, ga̱a ne̱ cunu̱u iꞌna̱ꞌ uún ꞌu̱nj, quiꞌya̱j Yaꞌanj ado̱nj ―taj Jesús rihaan chuvi̱j nij síí tucuꞌyón snana̱ soꞌ a.

San Marcos 14:65

Ga̱a ne̱ guun cheꞌe̱ taꞌa̱j nij soꞌ quirii talúj nij soꞌ man Jesús, ne̱ caráán nij soꞌ yatzéj rihaan Jesús, ne̱ goꞌ nij soꞌ man Jesús, ne̱ cataj nij soꞌ a: ―Sese ya̱ síí nataꞌ snana̱ Yaꞌanj mé so̱ꞌ, ne̱ cata̱j xnaꞌanj so̱ꞌ rihaan núj me síí goꞌ mán so̱ꞌ vi̱j ―taj nij soꞌ, tihaꞌ yuꞌunj nij soꞌ man Jesús a. Ne̱ nica̱j nij tanuu man soꞌ, ne̱ goꞌ nij tanuu man soꞌ a.

San Marcos 15:18

Ga̱a ne̱ guun cheꞌe̱ nij tanuu caguáj nij tanuu rihaan Jesús, cataj nij soꞌ a: ―Ya̱ ya̱ si̱j nica̱j suun rey rii taꞌngaꞌ rihaan nij yuvii̱ israelitá mé so̱ꞌ na̱nj ado̱nj ―taj nij soꞌ, tihaꞌ nij soꞌ man Jesús a.

San Marcos 15:20

Síj caꞌngaꞌ naco̱o̱ nij soꞌ niꞌya̱j nij soꞌ man Jesús, ga̱a ne̱ quirii uún nij soꞌ saga̱nꞌ rey yatzéj tintá nu̱u̱ Jesús, ne̱ naꞌnéé uún nij soꞌ saga̱nꞌ Jesús man soꞌ a. Ga̱a ne̱ nica̱j nij soꞌ man Jesús cavii nij soꞌ caꞌanj nij soꞌ yan cachro̱n nij soꞌ man Jesús rihaan rcutze̱ a.

San Marcos 9:12

Ga̱a ne̱ cataj Jesús rihaan nij soꞌ a: ―Ya̱ aꞌmii nij síí naquiꞌyaj cu̱u stucua̱nj Moisés, taj nij soꞌ se vaa asino caꞌna̱ꞌ Elías, ga̱a ne̱ naquiꞌya̱j sa̱ꞌ soꞌ nimán yuvii̱ yan caꞌna̱ꞌ Síí Caꞌne̱j Yaꞌanj a. Ne̱ me cheꞌé taj Danj Yaꞌanj se vaa Síí Caꞌnéé Yaꞌanj Ni̱caj Yuꞌunj man Yuvii̱ me se quira̱nꞌ ndoꞌo soꞌ sayuun ne̱ nachri̱ꞌ nij yuvii̱ ni̱ꞌyaj nij yuvii̱ man soꞌ, rá soj ga̱.

San Lucas 22:63

Ga̱a ne̱ nij síí taꞌaa man Jesús roꞌ, tihaꞌ ndoꞌo nij soꞌ man soꞌ, ne̱ goꞌ nij soꞌ xráá soꞌ a.

San Lucas 23:11

Ga̱a ne̱ nachriꞌ Herodes do̱ꞌ, nij tanuu nu̱u̱ rihaan soꞌ do̱ꞌ, niꞌya̱j nij soꞌ man Jesús, ne̱ caꞌngaꞌ naco̱o̱ nij soꞌ niꞌya̱j nij soꞌ man Jesús a. Ga̱a ne̱ naꞌnéé nij soꞌ yatzíj sedá man Jesús quiꞌyaj Herodes, ne̱ veé dan naꞌnéé uún Herodes man soꞌ rihaan Pilató a.

San Lucas 23:36

Ne̱ nij tanuu me se caꞌngaꞌ naco̱o̱ uún nij tanuu niꞌya̱j nij tanuu man Jesús, ne̱ ruꞌmaan nij tanuu na vinó yu̱u̱ tuꞌva Jesús,

Romanos 11:4

Ga̱a ne̱ caꞌmii uún Yaꞌanj rihaan soꞌ, cataj Yaꞌanj a: “Taj maꞌ. Né o̱ruún so̱ꞌ quináj maꞌ. Tana̱nj vaa ꞌó chi̱j ya̱ míj yuvii̱ israelitá noco̱ꞌ manj, ne̱ a̱ ꞌó nij soꞌ ne cara̱a̱ gue̱e̱ rihaan yaꞌanj cuꞌna̱j Baal maꞌ.” Da̱nj caꞌmii Yaꞌanj rihaan Elías a.

Filipenses 2:10

Cheꞌé dan vaa güii, ne̱ caꞌa̱nj ca̱yáán ru̱j cunuda̱nj nij síí ma̱n xta̱ꞌ do̱ꞌ, nij síí ma̱n rihaan chumii̱ do̱ꞌ, nij síí ma̱n rej rque yoꞌóó do̱ꞌ, cheꞌé se‑chuvi̱i Jesús,

Hebreos 13:13

Cheꞌé dan cuano̱ nihánj me se no̱ xcúún níꞌ cu̱riha̱nj níꞌ ne̱ cuchi̱ꞌ níꞌ rihaan soꞌ tuꞌva chumanꞌ a. Dan me se ase quiꞌyaj soꞌ caꞌvej rá soꞌ nachri̱ꞌ yuvii̱ ni̱ꞌyaj yuvii̱ man soꞌ roꞌ, da̱nj quiꞌya̱j níꞌ caꞌve̱j rá níꞌ nachri̱ꞌ yuvii̱ ni̱ꞌyaj yuvii̱ man maꞌa̱n níꞌ á.