San Marcos 15:15 - Triqui de San Juan Copala

¹⁵ Ne̱ Pilató me se guun rá soꞌ quiꞌya̱j soꞌ se vaa gu̱un niha̱ꞌ rá nij yuvii̱, ne̱ cheꞌé dan quirii soꞌ man Barrabás tagaꞌ, ne̱ goꞌ nij tanuu cuartá xráá Jesús, quiꞌyaj soꞌ, ne̱ tacuachén soꞌ man Jesús rihaan nij tanuu cheꞌé rej cachro̱n nij tanuu man Jesús rihaan rcutze̱ a.

San Marcos 15:15 ပူးပေါင်းရင်းမြစ်များ

San Mateo 20:19

Ga̱a ne̱ nago̱ꞌ nij soꞌ manj rihaan nij síí yaníj, ne̱ caꞌnga̱ꞌ naco̱o̱ nij síí yaníj queneꞌe̱n nij soꞌ manj, ne̱ go̱ꞌ nij soꞌ cuartá xráj, ne̱ cachro̱n nij soꞌ manj rihaan rcutze̱ a. Tza̱j ne̱ cache̱n vaꞌnu̱j güii, ga̱a ne̱ cunu̱u iꞌna̱ꞌ uún ꞌu̱nj, quiꞌya̱j Yaꞌanj ado̱nj ―taj Jesús a.

San Mateo 27:26

Ga̱a ne̱ quirii Pilató man Barrabás tagaꞌ cheꞌé nij yuvii̱ a. Ne̱ goꞌ nij tanuu cuartá xráá Jesús, quiꞌyaj Pilató, ne̱ tacuachén Pilató man soꞌ rihaan nij tanuu se vaa cachro̱n nij tanuu man soꞌ rihaan rcutze̱ a.

San Marcos 10:34

ne̱ caꞌnga̱ꞌ naco̱o̱ nij síí yaníj ni̱ꞌyaj nij soꞌ manj, ne̱ go̱ꞌ nij soꞌ cuartá xráj, ne̱ quiri̱i̱ talúj nij soꞌ rihanj, ne̱ ticavi̱ꞌ nij soꞌ manj a. Tza̱j ne̱ cache̱n vaꞌnu̱j güii, ga̱a ne̱ cunu̱u iꞌna̱ꞌ uún ꞌu̱nj, quiꞌya̱j Yaꞌanj ado̱nj ―taj Jesús rihaan chuvi̱j nij síí tucuꞌyón snana̱ soꞌ a.

San Marcos 15:14

Ga̱a ne̱ cataj Pilató rihaan nij yuvii̱ a: ―Tza̱j ne̱ me cacunꞌ tumé soꞌ ga̱ ―taj Pilató a. Tza̱j ne̱ doj a̱ caguáj nij yuvii̱, cataj nij yuvii̱ a: ―Cavi̱ꞌ soꞌ rihaan rcutze̱, qui̱ꞌyáá so̱ꞌ cuaj á ―taj nij yuvii̱ caguáj nij soꞌ a.

San Lucas 18:33

ne̱ go̱ꞌ nij soꞌ cuartá xráj, ga̱a ne̱ ticavi̱ꞌ nij soꞌ manj a. Tza̱j ne̱ cache̱n vaꞌnu̱j güii, ga̱a ne̱ cunu̱u iꞌna̱ꞌ uún ꞌu̱nj, quiꞌya̱j Yaꞌanj ado̱nj ―taj Jesús rihaan nij soꞌ a.

San Lucas 23:16

Cheꞌé dan qui̱ꞌyáj do̱j sayuun man soꞌ, ne̱ caꞌa̱nj u̱u̱n soꞌ, quiꞌya̱j níꞌ na̱nj á ―taj Pilató rihaan ta̱ranꞌ nij yuvii̱ a.

San Juan 19:1

Dan me se nica̱j Pilató man Jesús, ne̱ goꞌ nij tanuu cuartá xráá soꞌ, quiꞌyaj Pilató yoꞌ a.

San Juan 19:16

Ga̱a ne̱ tacuachén Pilató man Jesús rihaan nij soꞌ cachro̱n nij soꞌ man soꞌ rihaan rcutze̱ a. Dan me se caꞌanj nica̱j nij soꞌ man Jesús,

Hechos 24:27

Dan me se quisíj vi̱j ya̱ yoꞌ ꞌni̱j Pabló tagaꞌ, ga̱a ne̱ xꞌnéj suun raꞌa Félix, ne̱ catúj síí cuꞌna̱j Porcio Festo a. Ne̱ guun rá Félix quiꞌya̱j soꞌ se lu̱j cheꞌé nij yuvii̱ israelitá, ne̱ cheꞌé dan tanáj soꞌ man Pabló tagaꞌ a.

Hechos 25:9

Dan me se guun rá Festo quiꞌya̱j soꞌ se lu̱j cheꞌé nij síí ata̱ suun rihaan nij yuvii̱ israelitá, ne̱ cheꞌé dan cataj soꞌ rihaan Pabló a: ―Caꞌve̱j rá so̱ꞌ cavi̱i̱ so̱ꞌ nda̱a chumanꞌ Jerusalén ne̱ nda̱a tiꞌyaj caꞌne̱ꞌ ꞌu̱nj cacunꞌ cheꞌé so̱ꞌ cheꞌé nij rasu̱u̱n nihánj naꞌ ―taj soꞌ, xnáꞌanj soꞌ man Pabló a.

Gálatas 1:19

Ne̱ dan me se ga̱a caránꞌ ꞌu̱nj veꞌ tucuá soꞌ me se queneꞌenj man síí cuꞌna̱j Jacobo tinúú Jesucristó Si̱j ꞌNi̱j Raꞌa man níꞌ uún a. Tza̱j ne̱ ne que̱neꞌén ꞌu̱nj man ꞌó nij síí cuneꞌ Jesucristó maꞌ.

1 Pedro 2:24

Cacunꞌ tumé níꞌ roꞌ, nataꞌ xráá Cristó ga̱a caviꞌ soꞌ rihaan rcutze̱, cheꞌé rej caꞌne̱ꞌ rá níꞌ ga̱ suun ꞌyaj cacunꞌ ne̱ ina̱nj tucuáán sa̱ꞌ canoco̱ꞌ níꞌ a. Ne̱ cheꞌé se goꞌ nii cuartá xráá soꞌ roꞌ, cheꞌé dan nahuun sa̱ꞌ nimán soj a.