San Marcos 14:54 - Triqui de San Juan Copala

⁵⁴ Ne̱ ga̱nꞌ ga̱nꞌ canocoꞌ Pedró xcó Jesús, ne̱ cuchiꞌ soꞌ catúj soꞌ rihaan veꞌ ya̱nj xrej ata̱ suun noco̱o doj yoꞌ, ne̱ cayáán soꞌ ga̱ nij se‑mo̱zó xrej ma̱n rá veꞌ, nuguu̱n soꞌ rihaan yaꞌan a.

San Marcos 14:54 ပူးပေါင်းရင်းမြစ်များ

San Mateo 26:3

Ga̱a ne̱ cunuu chre̱ꞌ nij xrej ata̱ suun noco̱o do̱ꞌ, nij síí uun chij do̱ꞌ, rihaan veꞌ xi̱j tucuá xrej ata̱ suun noco̱o doj síí cuꞌna̱j Caifás a.

San Mateo 26:58

Ne̱ ga̱nꞌ ga̱nꞌ canocoꞌ síí cuꞌna̱j Pedró xcó Jesús, ne̱ cuchiꞌ soꞌ rihaan chingá rej ya̱nj Caifás yoꞌ, ne̱ catúj soꞌ rá chingá ne̱ caꞌanj ca̱yáán soꞌ ga̱ nij se‑mo̱zó xrej ma̱n rá chingá, queneꞌe̱n soꞌ da̱j quira̱nꞌ Jesús a.

San Marcos 14:38

Ma̱an se ni̱ꞌyaj soj, ne̱ cachi̱nj niꞌya̱j soj rihaan Yaꞌanj se vaa ca̱ráán Yaꞌanj rihaan Síí Chre̱e se̱ caxríj Síí Chre̱e chrej chiꞌi̱i̱ rque soj á. ꞌO̱ se me rá nimán soj quiꞌya̱j soj se sa̱ꞌ, tza̱j ne̱ ne uun nucua̱j soj maꞌ ―taj Jesús a.

San Marcos 14:66

Veé dan, ne̱ ya̱nj Jesús ga̱ ꞌó nij soꞌ rá veꞌ, ne̱ ya̱nj Pedró rej rque̱ doj rej rihaan veꞌ yoꞌ a. Ga̱a ne̱ caꞌnaꞌ ꞌo̱ mozó cha̱na̱ nu̱u̱ rihaan xrej ata̱ suun noco̱o doj,

San Lucas 22:44

Ne̱ nanó ndoꞌo rá nimán soꞌ, ne̱ nucua̱j ndoꞌo cachíín niꞌya̱j soꞌ rihaan Yaꞌanj, ne̱ cavii ndoꞌo nihaa̱ rihaan soꞌ, ne̱ ase vaa ton vaa nihaa̱ cavii rihaan soꞌ cayanj rihaan yoꞌóó a.

San Lucas 22:54

Dan me se taꞌaa nij soꞌ man Jesús, ne̱ caꞌanj nica̱j nij soꞌ man Jesús rá veꞌ tucuá xrej ata̱ suun noco̱o doj, ne̱ ga̱nꞌ ga̱nꞌ canocoꞌ síí cuꞌna̱j Pedró rej xco̱ Jesús, ꞌnaꞌ soꞌ a.

San Juan 18:18

Ne̱ nicu̱nꞌ nij mozó do̱ꞌ, nij tanuu do̱ꞌ, rej nachráj nii yaꞌan a. ꞌO̱ se acoj tihaꞌ rej ma̱n nij soꞌ, ne̱ cunuu gu̱u̱n nij soꞌ yaꞌan a. Ne̱ caꞌanj Pedró uún cunu̱u gu̱u̱n maꞌa̱n soꞌ yaꞌan a.

San Juan 18:25

Dan me se nicu̱nꞌ Simón Pedró cunuu gu̱u̱n soꞌ yaꞌan a. Ga̱a ne̱ cataj ꞌo̱ yuvii̱ rihaan soꞌ a: ―Né ꞌo̱ síí tucuꞌyón snana̱ soꞌ mé so̱ꞌ naꞌ ―taj yuvii̱, xnáꞌanj yuvii̱ man soꞌ a. Ne̱ cataj Pedró a: ―Taj maꞌ ―taj soꞌ a.