San Marcos 14:39 - Triqui de San Juan Copala

³⁹ Ga̱a ne̱ cavii uún Jesús, caꞌanj soꞌ, ne̱ cachíín niꞌya̱j soꞌ rihaan Yaꞌanj, ne̱ cuya̱a̱n vaa nana̱ caꞌmii soꞌ cachíín niꞌya̱j uún soꞌ a.

San Marcos 14:39 ပူးပေါင်းရင်းမြစ်များ

San Mateo 6:7

’Ne̱ ga̱a achíín niꞌya̱j soj rihaan Yaꞌanj, ne̱ se̱ quiꞌyaj soj se vaa ꞌyaj nij síí ne neꞌen da̱j vaa Yaꞌanj maꞌ. Dan me se aꞌmii rmaꞌa̱n nij soꞌ nana̱, tza̱j ne̱ ne neꞌen nij soꞌ me taj nana̱ yoꞌ maꞌ. Ma̱an cheꞌé se aꞌmii aꞌmii nij soꞌ, cheꞌé dan gu̱un niha̱ꞌ rá Yaꞌanj ne̱ cuno̱ Yaꞌanj nu̱ꞌ nana̱ aꞌmii nij soꞌ, rá nij soꞌ na̱nj ado̱nj.

San Marcos 14:38

Ma̱an se ni̱ꞌyaj soj, ne̱ cachi̱nj niꞌya̱j soj rihaan Yaꞌanj se vaa ca̱ráán Yaꞌanj rihaan Síí Chre̱e se̱ caxríj Síí Chre̱e chrej chiꞌi̱i̱ rque soj á. ꞌO̱ se me rá nimán soj quiꞌya̱j soj se sa̱ꞌ, tza̱j ne̱ ne uun nucua̱j soj maꞌ ―taj Jesús a.

San Marcos 14:40

Ga̱a ne̱ canica̱j uún soꞌ caꞌnaꞌ soꞌ, ne̱ queneꞌen soꞌ se vaa cotoj uún vaꞌnu̱j nij síí tucuꞌyón snana̱ soꞌ a. ꞌO̱ se caꞌnaꞌ ndoꞌo nej rihaan nij soꞌ a. Ne̱ ne nari̱ꞌ nij soꞌ nana̱ cata̱j nij soꞌ rihaan soꞌ a̱ maꞌ.

San Lucas 18:1

Ne̱ nanó Jesús cuentó nihánj rihaan nij síí tucuꞌyón snana̱ soꞌ, cheꞌé se guun rá soꞌ xca̱j nij síí tucuꞌyón snana̱ soꞌ cuentá se vaa no̱ xcúún nij soꞌ niga̱nj cachi̱nj niꞌya̱j nij soꞌ rihaan Yaꞌanj, ne̱ se̱ guun rmi̱i̱ nij soꞌ maꞌ.

2 Corintios 12:8

Ne̱ quisíj vaꞌnu̱j ya̱ cachíín ni̱ꞌyáá ꞌu̱nj rihaan Síí ꞌNi̱j Raꞌa man níꞌ se vaa caꞌne̱e̱ soꞌ sayuun yoꞌ rihanj a.

Hebreos 5:7

Dan me se ga̱a chéé Jesús rihaan chumii̱ nihánj, ne̱ nacúún soꞌ rihaan Yaꞌanj ne̱ cachíín niꞌya̱j uxrá soꞌ se vaa ti̱nanii Yaꞌanj man soꞌ se̱ caviꞌ soꞌ, ne̱ cheꞌé dan nda̱a taꞌvee maꞌa̱n soꞌ a. Cheꞌé se si̱j aráj cochro̱j ya̱ rihaan Yaꞌanj me soꞌ, cheꞌé dan cuno ya̱ Yaꞌanj caꞌmii soꞌ,