San Marcos 14:26 - Triqui de San Juan Copala

²⁶ Ga̱a ne̱ cachráá ta̱ranꞌ nij soꞌ ꞌo̱ chraꞌ rihaan Yaꞌanj, ne̱ cavii nij soꞌ, caꞌanj nij soꞌ tacaan cuꞌna̱j Tacaan ma̱n Chruun Olivó a.

San Marcos 14:26 ပူးပေါင်းရင်းမြစ်များ

San Mateo 21:1

Ga̱a ne̱ cuchiꞌ Jesús cuchiꞌ nij síí tucuꞌyón snana̱ soꞌ cuchiꞌ tuꞌva chumanꞌ cuꞌna̱j Betfagé a. Na̱j chumanꞌ yoꞌ tacóó tacaan cuꞌna̱j Tacaan ma̱n Chruun Olivó, ne̱ nichru̱nꞌ naj chumanꞌ Jerusalén ga̱ chumanꞌ cuꞌna̱j Betfagé yoꞌ a. Ga̱a ne̱ caꞌnéé Jesús man vi̱j nij síí tucuꞌyón snana̱ soꞌ caꞌa̱nj ro̱j soꞌ rque chumanꞌ yoꞌ,

San Mateo 26:30

Ga̱a ne̱ cachráá ta̱ranꞌ nij soꞌ chraꞌ rihaan Yaꞌanj, ne̱ cavii nij soꞌ, caꞌanj nij soꞌ tacaan cuꞌna̱j Tacaan ma̱n Chruun Olivó a.

San Marcos 14:25

Ne̱ cata̱j yá yá ꞌu̱nj rihaan soj cuano̱ se vaa se̱ coꞌo uún ꞌu̱nj na vinó nihánj nda̱a quisi̱j güii coꞌo̱ naca̱ ꞌu̱nj rej uun chij Réé ꞌu̱nj ado̱nj ―taj Jesús a.

San Lucas 22:39

Ga̱a ne̱ cavii soꞌ rque chumanꞌ caꞌanj soꞌ tacaan cuꞌna̱j Tacaan ma̱n Chruun Olivó, nda̱a vaa uꞌyón ina̱nj soꞌ ꞌyaj soꞌ a. Ne̱ canocoꞌ nij síí tucuꞌyón snana̱ soꞌ rej xco̱ soꞌ a.

San Juan 18:1

Ga̱a quisíj caꞌmii Jesús nu̱ꞌ nana̱ vaa da̱nj, ga̱a ne̱ cavii soꞌ ga̱ nij síí tucuꞌyón snana̱ soꞌ a. Ne̱ caꞌanj nij soꞌ rej xco̱ chráá catu̱u̱n cuꞌna̱j Cedrón, ne̱ cuchiꞌ nij soꞌ ꞌo̱ naa̱ chruun, ne̱ catúj ta̱ranꞌ nij soꞌ a.

Hechos 16:25

Dan me se rej nii̱ ya̱nꞌ achíín niꞌya̱j ndoꞌo Pabló ga̱ Silas ne̱ achráá ro̱j soꞌ chraꞌ rihaan Yaꞌanj, ne̱ uno nij síí ma̱n tagaꞌ se vaa ꞌyaj ro̱j soꞌ a.

1 Corintios 14:15

ꞌO̱ se me se no̱ xcúún ꞌu̱nj qui̱ꞌyáj ga̱. ꞌO̱ se no̱ xcúún ꞌu̱nj asino ya̱a̱n cachi̱nj ni̱ꞌyáj rihaan Yaꞌanj ga̱ nimanj, ga̱a ne̱ cachi̱nj niꞌya̱j cúú ya̱vej uún rihaan Yaꞌanj, ne̱ asino ya̱a̱n cachra̱a̱ ꞌu̱nj chraꞌ rihaan Yaꞌanj ga̱ nimanj, ga̱a ne̱ nu̱ꞌ cúú ya̱vej cachra̱a̱ chraꞌ uún rihaan Yaꞌanj ado̱nj.

Colosenses 3:16

Cu̱nuû uxrá snana̱ Cristó nimán soj, ne̱ cavi̱i̱ nana̱ sa̱ꞌ cu̱u raa̱ soj, ne̱ tu̱cuꞌyón soj nana̱ sa̱ꞌ rihaan tuviꞌ soj, ne̱ nago̱ꞌ soj chrej sa̱ꞌ man tuviꞌ soj á. Cachra̱a̱ soj chraꞌ salmó do̱ꞌ, chraꞌ nataꞌ cheꞌé Yaꞌanj do̱ꞌ, chraꞌ rqué Nimán Yaꞌanj do̱ꞌ, ne̱ cata̱j soj guun niꞌya̱j níꞌ rihaan Yaꞌanj na̱nj á.

Santiago 5:13

Sese vaa ꞌo̱ tuviꞌ soj ranꞌ sayuun, ne̱ cachi̱nj niꞌya̱j soꞌ rihaan Yaꞌanj á. Sese vaa ꞌo̱ tuviꞌ soj niha̱ꞌ rá, ne̱ cachra̱a̱ soꞌ chraꞌ taj se vaa veꞌé uxrá quiꞌyaj Yaꞌanj á.

Apocalipsis 5:9

Ga̱a ne̱ achráá nij soꞌ chraꞌ naca̱ rihaan Matzinj Leꞌe̱j, cataj nij soꞌ a: No̱ xcúún so̱ꞌ ni̱caj so̱ꞌ yanj ne̱ caꞌne̱e̱ so̱ꞌ nij selló yánj aráán tuꞌva yanj yoꞌ á. ꞌO̱ se ticaviꞌ nii mán so̱ꞌ, ne̱ dan me se nica̱j so̱ꞌ ton mán so̱ꞌ quiránj so̱ꞌ yuvii̱ ma̱n da̱j a̱ xꞌneꞌ yuvii̱ ino̱ vaa stucua̱nj do̱ꞌ, yuvii̱ ma̱n da̱j a̱ xꞌneꞌ yuvii̱ aꞌmii ꞌo̱ ꞌo̱ xnaꞌánj do̱ꞌ, yuvii̱ ma̱n da̱j a̱ chumanꞌ do̱ꞌ, yuvii̱ ma̱n da̱j a̱ yoꞌóó noco̱o do̱ꞌ, cheꞌé Yaꞌanj ado̱nj.