San Marcos 14:22 - Triqui de San Juan Copala

²² Ne̱ ga̱a chá nij soꞌ, ne̱ taꞌaa Jesús ꞌo̱ rachrúún, ne̱ cataj soꞌ guun niꞌya̱j níꞌ rihaan Yaꞌanj, ne̱ cuxraꞌ taꞌa̱j soꞌ rachrúún, ne̱ rqué soꞌ rihaan nij síí tucuꞌyón snana̱ soꞌ, ne̱ cataj soꞌ a: ―Ta̱ꞌaa soj rachrúún nihánj á. Nee̱ manj me rachrúún nihánj ado̱nj ―taj soꞌ a.

San Marcos 14:22 ပူးပေါင်းရင်းမြစ်များ

San Mateo 14:19

Ga̱a ne̱ caꞌneꞌ Jesús suun rihaan nij yuvii̱ ri̱i̱ caꞌa̱nj ca̱yáán nij yuvii̱ rihaan coj chri̱nꞌ, ga̱a ne̱ coro̱ꞌ soꞌ ꞌu̱nꞌ nij rachrúún ga̱ vi̱j ro̱j xcuaj, ne̱ niꞌya̱j soꞌ rej xta̱ꞌ, ne̱ cataj soꞌ guun niꞌya̱j níꞌ rihaan Yaꞌanj, ga̱a ne̱ cuxraꞌ taꞌa̱j soꞌ man rachrúún yoꞌ, ne̱ caxríj soꞌ ston nij síí tucuꞌyón snana̱ soꞌ, ne̱ caxríj nij soꞌ ston nij yuvii̱ a.

San Marcos 10:16

Ga̱a ne̱ naꞌya̱a̱n Jesús man nij xnii leꞌe̱j, ne̱ utaꞌ soꞌ raꞌa soꞌ raa̱ nij xnii leꞌe̱j, ne̱ achíín niꞌya̱j soꞌ rihaan Yaꞌanj quiꞌya̱j Yaꞌanj se lu̱j cheꞌé nij soꞌ a.

San Marcos 14:21

ꞌO̱ se taj Danj Yaꞌanj se vaa caꞌa̱nj ꞌu̱nj cavi̱ꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱, ne̱ ya̱ da̱nj qui̱ránꞌ ꞌu̱nj ado̱nj. Tza̱j ne̱ nique̱ ndoꞌo síí ta̱cuachén manj rihaan nij síí ta̱j riꞌyunj manj na̱nj á. Quira̱nꞌ uxrá soꞌ sayuun na̱nj á. Snóꞌo yoꞌ me se sese ne caꞌnga̱a̱ soꞌ, ne̱ cavii sa̱ꞌ soꞌ doj tza̱j ado̱nj ―taj Jesús a.

San Marcos 14:23

Ga̱a ne̱ taꞌaa Jesús agaꞌ tazá nu̱u̱ na vinó, ne̱ cataj soꞌ guun niꞌya̱j níꞌ rihaan Yaꞌanj, ne̱ tacuachén soꞌ agaꞌ nu̱u̱ na vinó rihaan nij soꞌ, ne̱ coꞌo cunuda̱nj nij soꞌ a.

San Marcos 14:24

Ga̱a ne̱ cataj Jesús rihaan nij soꞌ a: ―Ton manj me na nihánj, ne̱ cheꞌé ton manj roꞌ, cataꞌ tuꞌva Yaꞌanj rihaan soj da̱j quiꞌya̱j Yaꞌanj ga̱ soj a. Dan me se caya̱nj ton manj cheꞌé rej tinavi̱j Yaꞌanj cacunꞌ cheꞌé ri̱i̱ yuvii̱ ado̱nj.

San Marcos 6:41

Ga̱a ne̱ taꞌaa Jesús ꞌu̱nꞌ nij rachrúún ne̱ vi̱j ro̱j xcuaj, ga̱a ne̱ niꞌya̱j soꞌ rej xta̱ꞌ, ne̱ cataj soꞌ guun niꞌya̱j níꞌ rihaan Yaꞌanj, ga̱a ne̱ cuxraꞌ taꞌa̱j soꞌ man rachrúún yoꞌ, ne̱ caxríj soꞌ ston nij síí tucuꞌyón snana̱ soꞌ, cheꞌé rej caxri̱i̱ nij soꞌ ston nij yuvii̱ a. Ga̱a ne̱ cuxraꞌ taꞌa̱j soꞌ nee̱ xcuaj cha̱ cunuda̱nj nij yuvii̱ a.

San Lucas 22:17

Ga̱a ne̱ nica̱j soꞌ ꞌo̱ agaꞌ tazá na vinó, ne̱ cataj soꞌ guun niꞌya̱j níꞌ rihaan Yaꞌanj, ga̱a ne̱ cataj soꞌ a: ―Ta̱ꞌaa soj na nihánj, cuxra̱ꞌ taꞌa̱j soj, ne̱ coꞌo̱ cunuda̱nj soj á.

San Lucas 24:30

Dan me se yáán nij soꞌ cha̱ xtiꞌno̱ nij soꞌ, ne̱ nica̱j Jesús rachrúún, ne̱ cataj soꞌ guun niꞌya̱j níꞌ rihaan Yaꞌanj cheꞌé rachrúún, ga̱a ne̱ cuxraꞌ taꞌa̱j soꞌ rachrúún, rqué soꞌ cha̱ ro̱j soꞌ a.

San Juan 6:23

Tza̱j ne̱ caꞌnaꞌ do̱j rihoo cavii chumanꞌ Tiberias tuꞌva na laguaná nichru̱nꞌ rej chá nij yuvii̱ rachrúún ga̱a quisíj cataj Jesús Si̱j ꞌNi̱j Raꞌa man níꞌ guun niꞌya̱j níꞌ rihaan Yaꞌanj cheꞌé rachrúún yoꞌ a.

1 Corintios 10:4

ne̱ vaa na rqué Cristó rihaan nij soꞌ coꞌo cunuda̱nj nij soꞌ ado̱nj. Dan me se cachéé Cristó ga̱ nij soꞌ me rej maꞌa̱n va̱j nij soꞌ, ne̱ ase vaa yuvej quixraꞌ cavii na coꞌo nij yuvii̱ israelitá roꞌ, da̱nj vaa Cristó rihaan nimán nij soꞌ, rqué Cristó nu̱ꞌ se vaa cachiin man nimán nij soꞌ ado̱nj.

Gálatas 4:25

Da̱j se vaa quij Sinaí nicu̱nꞌ rej Arabia vaa Agar, ne̱ da̱j se vaa chumanꞌ Jerusalén na̱j cuano̱ vaa Agar uún, cheꞌé se nij síí chiha̱nj chuman' Jerusalén me se mozó me nij soꞌ a.