San Marcos 14:19 - Triqui de San Juan Copala

¹⁹ Ga̱a ne̱ guun cheꞌe̱ nij síí tucuꞌyón snana̱ soꞌ quinanó ndoꞌo rá nij soꞌ, ne̱ xnáꞌanj ꞌo̱ ꞌo̱ nij soꞌ man Jesús, cataj ꞌo̱ ꞌo̱ nij soꞌ a: ―ꞌU̱nj me síí quiꞌya̱j da̱nj naꞌ ―taj ꞌo̱ ꞌo̱ nij soꞌ a.

San Marcos 14:19 ပူးပေါင်းရင်းမြစ်များ

San Mateo 26:22

Ga̱a ne̱ quinanó ndoꞌo rá nij síí tucuꞌyón snana̱ Jesús, ne̱ guun cheꞌe̱ nij soꞌ nda̱a ꞌo̱ ꞌo̱ nij soꞌ xnáꞌanj man Jesús, cataj ꞌo̱ ꞌo̱ nij soꞌ a: ―Señor, ꞌu̱nj me síí quiꞌya̱j da̱nj naꞌ ―taj ꞌo̱ ꞌo̱ nij soꞌ a.

San Marcos 14:18

Dan me se yáán nij soꞌ rihaan mesá, chá nij soꞌ, ne̱ cataj Jesús a: ―Ya̱ ya̱ cata̱j xnaꞌanj ꞌu̱nj rihaan soj cuano̱ se vaa ꞌo̱ nij soj me síí ta̱cuachén manj rihaan nij síí ta̱j riꞌyunj manj, ne̱ síí chá ga̱ ꞌu̱nj cuano̱ me síí quiꞌya̱j da̱nj ado̱nj ―taj Jesús a.

San Marcos 14:20

Ga̱a ne̱ cataj Jesús rihaan nij soꞌ a: ―ꞌO̱ nij tuvi̱ꞌ chuvi̱j nij soj si̱j tucuꞌyón snana̱j me síí ta̱cuachén manj rihaan nij síí ta̱j riꞌyunj manj, ne̱ síí tiguíj rachrúún ga̱ ꞌu̱nj rá coꞌoo me soꞌ ado̱nj.

San Juan 13:22

Ga̱a ne̱ niꞌya̱j ta̱ranꞌ nij soꞌ man tuviꞌ nij soꞌ a. ꞌO̱ se ne queneꞌe̱n nij soꞌ me síí cheꞌe̱ caꞌmii Jesús nana̱ vaa da̱nj a̱ maꞌ.