San Marcos 14:14 - Triqui de San Juan Copala

¹⁴ Ne̱ rihaan síí tucua̱ veꞌ catu̱u̱ soꞌ me se cata̱j ro̱j so̱j a: “Xnáꞌanj se‑maestro̱ níꞌ mán so̱ꞌ me rej ne veꞌ cha̱ xtiꞌno̱ maestró ga̱ nij síí tucuꞌyón snana̱ soꞌ cheꞌé Chaꞌanj Pascuá, taj soꞌ a”, cata̱j ro̱j so̱j rihaan síí tucua̱ veꞌ yoꞌ á.

San Marcos 14:14 ပူးပေါင်းရင်းမြစ်များ

San Marcos 10:17

Dan me se ga̱a nayón Jesús chrej, ne̱ dan me se cunánj ꞌo̱ síí tachru̱u̱ caꞌnaꞌ soꞌ rihaan Jesús, ne̱ caꞌanj ca̱yáán ru̱j síí tachru̱u̱ yoꞌ rihaan Jesús, ne̱ xnáꞌanj soꞌ man Jesús a: ―Maestro, síí sa̱ꞌ ina̱nj mé so̱ꞌ ado̱nj. Da̱j qui̱ꞌyáj ga̱a ne̱ caꞌve̱e ca̱yánj ga̱ Yaꞌanj nu̱ꞌ cavii nu̱ꞌ caꞌanj ga̱ ―taj síí tachru̱u̱ yoꞌ a.

San Marcos 11:3

Ne̱ sese xna̱ꞌanj nii man ro̱j so̱j me cheꞌé ꞌyaj ro̱j so̱j da̱nj ga̱ burró, ne̱ cata̱j ro̱j so̱j a: “Síí ꞌNi̱j Raꞌa man níꞌ achiin xcuu nihánj rihaan chugua̱nj. Ne̱ rque do̱j nanica̱j uún xoꞌ, quiꞌya̱j soꞌ na̱nj á”, cata̱j ro̱j so̱j á ―taj Jesús a.

San Marcos 14:13

Ga̱a ne̱ caꞌnéé Jesús man vi̱j nij síí tucuꞌyón snana̱ soꞌ, ne̱ cataj soꞌ rihaan ro̱j soꞌ a: ―Cavi̱i̱ ro̱j so̱j, ne̱ catu̱u̱ ro̱j so̱j chumanꞌ Jerusalén nihánj, ne̱ nari̱ꞌ tuviꞌ ro̱j so̱j ga̱ ꞌo̱ síí ata̱ ꞌo̱ cacuaj na, ne̱ canoco̱ꞌ ro̱j so̱j man soꞌ a.

San Marcos 14:15

Ga̱a ne̱ ti̱haa̱n soꞌ ꞌo̱ cuartó xi̱j vaa rej xta̱ꞌ rque veꞌ nataꞌ rihaan ro̱j so̱j, ne̱ a̱j vaa chuvi̱i chruun rá cuartó yoꞌ a. Yoꞌ me rej quiꞌya̱j chuvi̱i ro̱j so̱j cha̱ níꞌ á ―taj Jesús rihaan ro̱j soꞌ a.

San Lucas 22:11

Ne̱ cata̱j ro̱j so̱j rihaan síí tucua̱ veꞌ yoꞌ a: “Xnáꞌanj maestró mán so̱ꞌ me rej yáán cuartó cha̱ xtiꞌno̱ maestró ga̱ nij síí tucuꞌyón snana̱ soꞌ cheꞌé Chaꞌanj Pascuá, taj soꞌ a”, cata̱j ro̱j so̱j rihaan síí tucua̱ veꞌ yoꞌ a.

San Juan 11:28

Dan me se quisíj caꞌmii noꞌ da̱nj, ga̱a ne̱ caꞌanj noꞌ, ne̱ canacúún yuve̱ noꞌ man chuꞌvij noꞌ Mariá, cataj noꞌ a: ―A̱j caꞌnaꞌ maestró, ne̱ nacúún soꞌ mán so̱ꞌ a ―taj noꞌ rihaan Mariá a.

San Juan 13:13

Xa̱ꞌ soj, tza̱j ne̱ aꞌmii soj rihanj, ne̱ taj soj Maestro do̱ꞌ, Señor do̱ꞌ, ne̱ cuna̱j ꞌyaj soj cheꞌé se veé dan mé ꞌu̱nj a.

Apocalipsis 3:20

Nihánj me se ase vaa ꞌo̱ síí nicu̱nꞌ taꞌyaa ne̱ ticaꞌmii taꞌyaa roꞌ, vaa ꞌu̱nj a. Ne̱ sese vaa ꞌo̱ soꞌ cuno̱ snana̱j, ne̱ sese caꞌnu̱u̱ soꞌ taꞌyaa, ne̱ catu̱u̱ ꞌu̱nj rihaan soꞌ, ne̱ cha̱j ga̱ soꞌ, ne̱ soꞌ cha̱ ga̱ ꞌu̱nj a.