San Marcos 14:11 - Triqui de San Juan Copala

¹¹ Ne̱ ga̱a cuno nij xrej ata̱ suun noco̱o, ne̱ guun niha̱ꞌ uxrá rá nij soꞌ, ne̱ cataꞌ tuꞌva nij soꞌ se vaa rque̱ nij soꞌ saꞌanj man Judas a. Ga̱a ne̱ guun cheꞌe̱ Judas nuchruj ra̱a̱ soꞌ aman caꞌve̱e ra̱cuíj soꞌ man nij soꞌ ta̱ꞌaa nij soꞌ man Jesús a.

San Marcos 14:11 ပူးပေါင်းရင်းမြစ်များ

San Mateo 26:14

Ga̱a ne̱ cavii síí cuꞌna̱j Judas Iscariote, caꞌanj soꞌ rihaan nij xrej ata̱ suun noco̱o a. Dan me se ꞌo̱ chuvi̱j nij síí tucuꞌyón snana̱ Jesús me Judas yoꞌ a.

San Mateo 26:15

Dan me se cataj soꞌ rihaan nij xrej a: ―A̱ me se rque̱ soj manj, ne̱ ra̱cuíj ꞌu̱nj man soj ta̱cuachén ꞌu̱nj man Jesús rihaan soj ga̱ ―taj soꞌ, xnáꞌanj soꞌ man nij xrej a. Ne̱ rqué nij soꞌ ico̱ chi̱ꞌ (30) saꞌanj platá catzi̱i̱ man Judas yoꞌ a.

San Marcos 14:10

Ga̱a ne̱ Judas Iscariote ꞌo̱ chuvi̱j nij síí tucuꞌyón snana̱ Jesús me se caꞌanj soꞌ rihaan nij xrej ata̱ suun noco̱o, cheꞌé rej ra̱cuíj soꞌ man nij soꞌ ta̱ꞌaa nij soꞌ man Jesús a.

San Marcos 14:12

Dan me se quisíj güii guun cheꞌe̱ Chaꞌanj Pascuá ga̱a chá nij yuvii̱ israelitá rachrúún ne atúj levadura, ne̱ güii ticaviꞌ nij soꞌ matzinj leꞌe̱j rihaan Yaꞌanj cheꞌé Pascuá me yoꞌ a. Ne̱ dan me se xnáꞌanj nij síí tucuꞌyón snana̱ Jesús man soꞌ a: ―Me rej caꞌa̱nj núj quiꞌya̱j chuvi̱i núj cha̱ xtiꞌno̱ níꞌ Chaꞌanj Pascuá, rá so̱ꞌ ga̱ ―taj nij soꞌ a.

San Lucas 22:3

Dan me se catúj Síí Chre̱e nimán síí cuꞌna̱j Judas Iscariote, ne̱ soꞌ me se ꞌo̱ nij chuvi̱j nij síí tucuꞌyón snana̱ Jesús me soꞌ a.

1 Timoteo 6:10

Ma̱an cheꞌé se uun ndoꞌo rá yuvii̱ ga̱a̱ ndoꞌo saꞌanj rihaan nij soꞌ roꞌ, cheꞌé dan ꞌnaꞌ da̱j a̱ sayuun ado̱nj. Nij yuvii̱ aranꞌ rá saꞌanj roꞌ, quiriꞌíj nij soꞌ stucua̱nj Yaꞌanj tucuáán canocoꞌ nij soꞌ asi̱j rque̱ doj, ga̱a ne̱ quiranꞌ ndoꞌo nij soꞌ sayuun, ne̱ quinanó ndoꞌo rá nij soꞌ ado̱nj.

Judas 1:11

Nique̱ nij soꞌ cheꞌé sayuun quira̱nꞌ nij soꞌ na̱nj ado̱nj. ꞌO̱ se ase vaa quiꞌyaj síí cuꞌna̱j Caín ga̱a ticaviꞌ soꞌ man tinúú soꞌ ga̱a naá roꞌ, da̱nj vaa ꞌyaj nij soꞌ a. Ne̱ ase vaa quiꞌyaj síí cuꞌna̱j Balaam ga̱a naá roꞌ, da̱nj vaa ꞌyaj nij soꞌ, ne̱ me ndoꞌo rá nij soꞌ quiꞌya̱j canaán nij soꞌ saꞌanj, ne̱ cheꞌé dan tihaꞌ yuꞌunj nij soꞌ man tuviꞌ nij soꞌ a. Ne̱ ase vaa quiꞌyaj síí cuꞌna̱j Coré ga̱a naá roꞌ, da̱nj vaa ꞌyaj nij soꞌ, ne̱ dan me se tucuáá Coré rihaan Moisés, ne̱ cheꞌé dan chumánj yoꞌóó man nij tuvi̱ꞌ nij soꞌ, quiꞌyaj Yaꞌanj a. Ne̱ da̱nj quira̱nꞌ gue̱e̱ nij síí narqué tucuáán ne̱, quira̱nꞌ uxrá nij soꞌ sayuun vaa güii, quiꞌya̱j Yaꞌanj ado̱nj.