San Marcos 13:33 - Triqui de San Juan Copala

³³ ꞌO̱ ni̱ꞌyaj soj, ne̱ se̱ guun coto̱j soj maꞌ. ꞌO̱ se ne neꞌen uxrá soj me güii me caꞌna̱j maꞌ.

San Marcos 13:33 ပူးပေါင်းရင်းမြစ်များ

Efesios 6:18

Ne̱ niga̱nj cachi̱nj niꞌya̱j uxrá soj rihaan Yaꞌanj, ne̱ ra̱cuíj Nimán Yaꞌanj man soj nacu̱nj soj ne̱ cachi̱nj niꞌya̱j soj ado̱nj. Se̱ caꞌneꞌ rá soj maꞌ. Tana̱nj ꞌo̱ cachi̱nj niꞌya̱j uxrá soj cheꞌé ta̱ranꞌ nij síí noco̱ꞌ man Cristó na̱nj á.

San Lucas 12:40

Dan me se taꞌngaꞌ da̱nj vaa gue̱e̱ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ a. ꞌO̱ se ne neꞌen soj me orá caꞌna̱ꞌ uún ꞌu̱nj maan ado̱nj. Cheꞌé dan ꞌo̱ ni̱ꞌyaj soj á ―taj Jesús rihaan nij síí tucuꞌyón snana̱ soꞌ a.

Apocalipsis 16:15

Ne̱ nihánj me snana̱ Síí ꞌNi̱j Raꞌa man níꞌ a: “Dan me se ase vaa ꞌnaꞌ yuve̱ síí itu̱u̱ roꞌ, da̱nj ga̱a̱ cuchi̱ꞌ ꞌu̱nj rihaan soj ado̱nj. Ne̱ cavi̱i̱ sa̱ꞌ síí ne otoj, ne̱ niꞌya̱j ranga̱ꞌ nij soꞌ, ne̱ tumé sa̱ꞌ nij soꞌ saga̱nꞌ nij soꞌ yatzéj catzi̱i̱ ado̱nj. Dan me se se̱ gaa ca̱nj nij soꞌ cache̱e̱ nij soꞌ, ne̱ se̱ cunó chrej naꞌa̱j rihaan nij soꞌ ni̱ꞌyaj yuvii̱ man nij soꞌ maꞌ.” Da̱nj taj Síí ꞌNi̱j Raꞌa man níꞌ niꞌya̱j soꞌ man nij síí ne tumé cacunꞌ a.

1 Pedro 5:8

Ga̱a̱ sca̱ꞌ rá soj, ne̱ tu̱mé soj man soj da̱j quiꞌya̱j soj á. ꞌO̱ se vaa síí ta̱j riꞌyunj niꞌya̱j man soj, ne̱ Síí Chre̱e me soꞌ, ne̱ ase ꞌyaj chuvaa̱ aguáj chéé nanoꞌ xcuu cha̱ roꞌ, da̱nj ꞌyaj Síí Chre̱e, chéé soꞌ nanoꞌ soꞌ man síí caꞌve̱e tiri̱ꞌ soꞌ man chugua̱nj.

1 Pedro 4:7

Nichrunꞌ nu̱ꞌ caꞌa̱nj niꞌya̱ chumii̱ na̱nj á. Cheꞌé dan ga̱a̱ chij ina̱nj rá soj, ne̱ ꞌo̱ xca̱j soj cuentá, ga̱a ne̱ caꞌve̱e cachi̱nj niꞌya̱j soj rihaan Yaꞌanj chugua̱nj.

San Mateo 25:13

’Cheꞌé dan tu̱mé uxrá nij soj man soj á. ꞌO̱ se ne neꞌen soj me güii caꞌna̱ꞌ ꞌu̱nj ne neꞌen soj me orá caꞌna̱ꞌ ꞌu̱nj ne neꞌen soj maꞌ.

Apocalipsis 3:2

Dan me se nari̱i̱ soj nej rihaan soj rugua̱nj. Tu̱mé soj man maꞌa̱n soj, ne̱ nari̱ꞌ nucua̱j nimán tinúú soj nij síí da̱j doj cavi̱ꞌ nimán quiꞌya̱j soj á. ꞌO̱ se xcaj ꞌu̱nj cuentá se vaa nu̱ꞌ se ꞌyaj soj roꞌ, né se aranꞌ rá Yaꞌanj me nij yoꞌ maꞌ.

1 Corintios 16:13

ꞌO̱ tu̱mé soj man soj á. Raan canoco̱ꞌ soj man Jesucristó á. Ga̱a̱ nucua̱j nimán soj, ne̱ ꞌo̱ caꞌne̱j nimán soj quiꞌya̱j soj se‑su̱u̱n Yaꞌanj á.

San Marcos 13:23

Ta̱dó uxrá soj á. Nihánj me se a̱j cataj xnaꞌanj ꞌu̱nj rihaan soj da̱j gu̱un rihaan chumii̱ nihánj vaa güii na̱nj á.

Hebreos 12:15

Ne̱ tu̱mé soj man soj, ga̱a ne̱ se̱ gaa na̱nj ta̱náj ꞌo̱ tinúú soj se lu̱j quiꞌyaj Yaꞌanj ga̱ níꞌ á. Dan me se se̱ guun nachri̱ꞌ ꞌo̱ tinúú soj ni̱ꞌyaj soꞌ tinúú soꞌ maꞌ. Ta̱dó uxrá soj cheꞌé se ꞌo̱ síí nachriꞌ niꞌya̱j tinúú roꞌ, quiꞌya̱j quiri̱ꞌ rá queꞌe̱e̱ tinúú soj na̱nj ado̱nj.

Romanos 13:14

Se̱ guun rá níꞌ quiꞌya̱j níꞌ nda̱a vaa me rá nee̱ man níꞌ maꞌ. Tana̱nj tu̱cuꞌyón níꞌ nda̱a vaa quiꞌyaj Jesucristó Si̱j ꞌNi̱j Raꞌa man níꞌ, ne̱ ase vaa quiꞌyaj soꞌ roꞌ, da̱nj ga̱a̱ quiꞌya̱j gue̱e̱ níꞌ na̱nj ado̱nj.

Colosenses 4:2

Dan me se se̱ caꞌneꞌ rá soj ga̱ suun cachi̱nj niꞌya̱j rihaan Yaꞌanj maꞌ. Ne̱ ta̱dó soj cuma̱n soj, ne̱ niga̱nj cata̱j soj guun niꞌya̱j níꞌ rihaan Yaꞌanj á.