San Marcos 13:32 - Triqui de San Juan Copala

³² ’Nihánj me cata̱j xnaꞌanj ꞌu̱nj rihaan soj se vaa a̱ ꞌó síí ne neꞌen me güii ne̱ me orá caꞌna̱ꞌ uún ꞌu̱nj rihaan chumii̱ nihánj maꞌ. Caꞌve̱e se nda̱a se‑mo̱zó Yaꞌanj ma̱n rej xta̱ꞌ, caꞌve̱e se nda̱a ma̱ꞌanj Taꞌni̱j Yaꞌanj, tza̱j ne̱ ne neꞌen núj me güii me yoꞌ maꞌ. O̱rúnꞌ Réj me síí neꞌen na̱nj ado̱nj.

San Marcos 13:32 ပူးပေါင်းရင်းမြစ်များ

San Mateo 25:13

’Cheꞌé dan tu̱mé uxrá nij soj man soj á. ꞌO̱ se ne neꞌen soj me güii caꞌna̱ꞌ ꞌu̱nj ne neꞌen soj me orá caꞌna̱ꞌ ꞌu̱nj ne neꞌen soj maꞌ.

San Mateo 25:19

’Veé dan, ne̱ guun ra̱a̱n uxrá, ne̱ namán se‑ruꞌve̱e̱ vaꞌnu̱j nij mozó, ne̱ xnáꞌanj ruꞌvee man ꞌo̱ ꞌo̱ nij soꞌ da̱j quiꞌyaj nij soꞌ ga̱ saꞌanj caxríj ruꞌvee ston nij soꞌ a.

San Mateo 25:6

Guun ya̱nꞌ, ne̱ caguáj yuvii̱ cataj yuvii̱ a: “ꞌNaꞌ síí naraꞌa̱a ga̱ chana̱ ya̱a̱n na̱nj á. Caꞌna̱ꞌ soj nari̱ꞌ tuviꞌ soj ga̱ soꞌ á”, cataj nij yuvii̱ rihaan chi̱ꞌ nij chana̱ ya̱a̱n yoꞌ a.

San Marcos 13:31

Vaa güii caꞌa̱nj niꞌya̱ chumii̱ ga̱ xta̱ꞌ, tza̱j ne̱ snana̱j me se daj chiha̱a̱ míj se̱ caꞌanj niꞌya̱ yoꞌ maꞌ.

Hechos 1:7

Ga̱a ne̱ cataj Jesús rihaan nij soꞌ a: ―Yaꞌanj roꞌ, me síí no̱ xcúún cachro̱n güii quiꞌya̱j soꞌ se vaa quiꞌya̱j soꞌ ado̱nj. Né se‑su̱u̱n soj me suun yoꞌ maꞌ.

2 Pedro 3:10

Tza̱j ne̱ ta̱j niꞌyo̱n quisi̱j güii caꞌne̱ꞌ Yaꞌanj cacunꞌ cheꞌé yuvii̱ ado̱nj. Dan me se ca̱ri̱i̱n ndoꞌo caꞌa̱nj niꞌya̱ xta̱ꞌ, ne̱ navi̱j nu̱ꞌ nij se ma̱n rej xta̱ꞌ caca̱a̱, ne̱ caꞌa̱nj niꞌya̱ chumii̱ ga̱ nu̱ꞌ se ma̱n rihaan chumii̱ ado̱nj.

Apocalipsis 1:1

Nihánj me nij rasu̱u̱n tihaa̱n naca̱ Jesucristó rihaan nij síí nu̱u̱ rihaan soꞌ, nda̱a vaa cataj xnaꞌanj maꞌa̱n Yaꞌanj rihaan soꞌ, ne̱ rasu̱u̱n gu̱un raꞌya̱nj ya̱ vaa güii me nij rasu̱u̱n yoꞌ ado̱nj. Ne̱ Jesucristó roꞌ, soꞌ me síí caꞌnéé se‑mo̱zó soꞌ rihaan síí cuꞌna̱j Juan síí nu̱u̱ rihaan soꞌ, ne̱ dan me se xcaj Juan cuentá cheꞌé nu̱ꞌ nij rasu̱u̱n nihánj, quiꞌyaj Jesucristó ado̱nj.

Apocalipsis 3:3

’Cheꞌé dan nanu̱j rá soj nana̱ sa̱ꞌ tucuꞌyón nii man soj do̱ꞌ, nana̱ sa̱ꞌ cuno soj do̱ꞌ, ne̱ ꞌo̱ quiꞌya̱j soj nda̱a vaa taj nana̱ sa̱ꞌ yoꞌ, ne̱ ca̱nica̱j nimán soj canoco̱ꞌ soj chrej sa̱ꞌ á. Sese se̱ tumé soj man soj, ne̱ ase vaa ꞌnaꞌ síí itu̱u̱ roꞌ, da̱nj ga̱a̱ cuchi̱j rihaan nij soj, ne̱ se̱ queneꞌen uxrá soj me orá me cuchi̱j rihaan soj maan ado̱nj.