San Marcos 12:9 - Triqui de San Juan Copala

⁹ ’Ne̱ da̱j quiꞌya̱j síí xna̱a̱ man nij síí tumé xnaa̱ soꞌ, rá soj ga̱. Dan me se caꞌna̱ꞌ soꞌ, ne̱ ticavi̱ꞌ soꞌ man nij soꞌ, ne̱ ta̱cuachén soꞌ xnaa̱ soꞌ rihaan ꞌó nij síí tu̱mé xnaa̱ soꞌ a.

San Marcos 12:9 ပူးပေါင်းရင်းမြစ်များ

San Mateo 12:45

Ga̱a ne̱ ꞌanj uún nana̱ chre̱e yoꞌ, ne̱ nica̱j soꞌ ꞌó chi̱j tuviꞌ nana̱ chre̱e yoꞌ síí chiꞌi̱i̱ doj, ne̱ ꞌnaꞌ nique uún soꞌ nimán snóꞌo yoꞌ, ga̱a ne̱ ca̱yáán ta̱ranꞌ nij nana̱ chre̱e yoꞌ a. Dan me se ga̱a naá ga̱a cayáán o̱rúnꞌ nana̱ chre̱e yoꞌ, ne̱ ma̱an taꞌngaꞌ qui̱j vaa nimán snóꞌo yoꞌ, tza̱j ne̱ ga̱a namán ꞌó chi̱j nana̱ chre̱e yoꞌ, ga̱a ne̱ doj a̱ tico nana̱ chre̱e man soꞌ, ne̱ doj a̱ qui̱j vaa nimán snóꞌo yoꞌ, ꞌyaj nij nana̱ chre̱e yoꞌ na̱nj ado̱nj. ’Ne̱ ase vaa ranꞌ snóꞌo yoꞌ roꞌ, taꞌngaꞌ da̱nj quira̱nꞌ soj si̱j vaa iꞌna̱ꞌ cuano̱ si̱j naꞌvej rá cuno̱ snana̱ ꞌu̱nj ado̱nj ―taj Jesús rihaan nij síí naquiꞌyaj cu̱u stucua̱nj Moisés do̱ꞌ, rihaan nij síí fariseo do̱ꞌ a.

San Mateo 21:34

’Ga̱a quisíj yavii cuta̱ nii chruj uvá, ne̱ caꞌnéé síí xna̱a̱ yoꞌ man ꞌó taꞌa̱j nij se‑mo̱zó soꞌ rihaan nij síí nu̱u̱ tumé xnaa̱ soꞌ cuxra̱ꞌ taꞌa̱j nij soꞌ nda̱a vaa quiri̱ꞌ ꞌo̱ ꞌo̱ nij soꞌ, ne̱ caꞌna̱ꞌ ni̱caj ꞌó nij mozó taꞌa̱j uvá rihaan síí xna̱a̱ a.

San Mateo 21:43

Cheꞌé dan cuano̱ nihánj me se cata̱j xnaꞌanj ꞌu̱nj rihaan nij soj se vaa caꞌne̱ꞌ rá Yaꞌanj ga̱ yan uun chij soꞌ rihaan nij soj, ne̱ cune̱ꞌ soꞌ man ꞌó nij yuvii̱ gu̱un chij soꞌ rihaan, ne̱ veꞌé quiꞌya̱j ꞌó nij yuvii̱ yoꞌ nu̱ꞌ se vaa me rá Yaꞌanj quiꞌya̱j nij soꞌ na̱nj á.

San Mateo 22:7

Ga̱a ne̱ caꞌmaan ndoꞌo rá síí nica̱j suun rey yoꞌ, ne̱ caꞌnéé soꞌ man nij se‑tanu̱u soꞌ caꞌa̱nj ticavi̱ꞌ nij soꞌ man síí ticaviꞌ man se‑mo̱zó soꞌ do̱ꞌ, caꞌa̱nj caxri̱i̱ yaꞌan nij tanuu man se‑chuma̱nꞌ nij soꞌ do̱ꞌ a.

San Marcos 12:10

Ne naya̱a̱ nij soj nana̱ nihánj nana̱ no̱ rihaan Danj Yaꞌanj naꞌ: Yuvej quiriꞌíj nij síí cuneꞌ veꞌ roꞌ, guun yuvej sa̱ꞌ vaa se uun doj rihaan cunuda̱nj nij yuvej ma̱n tacóó veꞌ yoꞌ na̱nj ado̱nj.

San Marcos 12:8

Ga̱a ne̱ taꞌaa nij soꞌ man soꞌ, ne̱ ticaviꞌ nij soꞌ man soꞌ, ne̱ quiriꞌíj nij soꞌ man soꞌ xeꞌ a.

San Lucas 19:27

Ga̱a ne̱ cataj uún soꞌ a: “Tza̱j ne̱ xa̱ꞌ nij síí ta̱j riꞌyunj manj síí ne caꞌve̱j rá gu̱un chij ꞌu̱nj rihaan, tza̱j ne̱ ni̱caj soj man nij soꞌ caꞌna̱ꞌ soj rihanj, ga̱a ne̱ ticavi̱ꞌ soj man nij soꞌ rihanj nihánj á”, taj uún soꞌ a ―taj Jesús a.

Romanos 10:20

Ne̱ ꞌo̱ cuya̱a̱n vaa nana̱ nihánj ga̱ ꞌó nana̱ cachrón síí cuꞌna̱j Isaías rihaan yanj ga̱a naá, ne̱ dan me se quisíj rá soꞌ cataj soꞌ se vaa nij yuvii̱ yaníj me se ne nanoꞌ nij soꞌ man Yaꞌanj, tza̱j ne̱ nariꞌ nij yuvii̱ yaníj man Yaꞌanj, ne̱ nda̱ꞌ se ne gu̱un rá nij soꞌ queneꞌe̱n nij soꞌ me rej va̱j Yaꞌanj, tza̱j ne̱ curuviꞌ Yaꞌanj rihaan nij soꞌ a. Da̱nj cataj Isaías ga̱a naá a.