San Marcos 12:31 - Triqui de San Juan Copala

³¹ Ne̱ vaa ꞌó suun nihánj suun me rá Yaꞌanj cuno̱ uún níꞌ a: “Adi̱ꞌ se ꞌe̱e̱ rá so̱ꞌ man ma̱ꞌán so̱ꞌ roꞌ, da̱nj ga̱a̱ ꞌe̱e̱ rá so̱ꞌ man tuvíꞌ so̱ꞌ á.” Taj va̱j ꞌó suun noco̱o doj rihaan ro̱j suun nihánj suun caꞌneꞌ Yaꞌanj no̱ xcúún níꞌ cuno̱ níꞌ a̱ maan ado̱nj ―taj Jesús a.

San Marcos 12:31 ပူးပေါင်းရင်းမြစ်များ

San Mateo 22:39

Ne̱ ase vaa suun yoꞌ, da̱nj vaa ꞌó suun nihánj suun me rá Yaꞌanj cuno̱ uún níꞌ a: “Adi̱ꞌ se ꞌe̱e̱ rá so̱ꞌ man ma̱ꞌán so̱ꞌ roꞌ, da̱nj ga̱a̱ ꞌe̱e̱ rá so̱ꞌ man tuvíꞌ so̱ꞌ á.”

San Mateo 7:12

’Dan me se da̱j se uun rá soj quiꞌya̱j sa̱ꞌ yuvii̱ rihaan soj roꞌ, taꞌngaꞌ da̱nj quiꞌya̱j sa̱ꞌ soj rihaan tuviꞌ soj á. Sese da̱nj quiꞌya̱j soj rihaan tuviꞌ soj, ne̱ síí uno nu̱ꞌ stucua̱nj Moisés do̱ꞌ, nu̱ꞌ snana̱ nij síí nataꞌ snana̱ Yaꞌanj ga̱a naá do̱ꞌ, me soj ado̱nj.

San Marcos 12:32

Ga̱a ne̱ cataj síí naquiꞌyaj cu̱u stucua̱nj Moisés yoꞌ rihaan Jesús a: ―Cuna̱j uxrá caꞌmii so̱ꞌ, maestro, ne̱ ya̱ uxrá vaa nana̱ caꞌmii so̱ꞌ, se vaa o̱rúnꞌ Yaꞌanj, ne̱ taj va̱j tuviꞌ Yaꞌanj, ma̱an se o̱rúnꞌ soꞌ nicunꞌ a.

San Lucas 10:27

Ga̱a ne̱ cataj soꞌ rihaan Jesús a: ―“Nda̱a nimán yá so̱ꞌ gu̱un rá so̱ꞌ ni̱ꞌyaj so̱ꞌ man Yaꞌanj Si̱j ꞌNi̱j Raꞌa man níꞌ, ne̱ nda̱a nu̱ꞌ se nucua̱j yá so̱ꞌ cara̱a̱ cochro̱j rihaan Yaꞌanj, ne̱ ꞌo̱ nda̱a cúú yave̱ yá so̱ꞌ cuchuma̱n rá ni̱ꞌyaj man Yaꞌanj na̱nj ado̱nj.” Ne̱, “Adi̱ꞌ se ꞌe̱e̱ rá so̱ꞌ man ma̱ꞌán so̱ꞌ roꞌ, da̱nj ga̱a̱ ꞌe̱e̱ rá so̱ꞌ man tuvíꞌ so̱ꞌ á”, taj stucua̱nj Moisés ado̱nj ―taj síí naquiꞌyaj cu̱u stucua̱nj Moisés yoꞌ a.

Gálatas 5:14

Dan me se ꞌo̱ cuya̱a̱n ya̱ vaa nu̱ꞌ stucua̱nj Moisés ga̱ o̱rúnꞌ nana̱ nihánj chugua̱nj: “Adi̱ꞌ se ꞌe̱e̱ rá so̱ꞌ man ma̱ꞌán so̱ꞌ roꞌ, taꞌngaꞌ da̱nj ga̱a̱ ꞌe̱e̱ rá so̱ꞌ man tuvíꞌ so̱ꞌ á.” A̱ ꞌó nana̱ se̱ cachiin cuno̱ uún níꞌ, sese da̱nj quiꞌya̱j níꞌ a̱ maꞌ.

1 Juan 4:21

Ne̱ nihánj me suun caꞌneꞌ Cristó rihaan níꞌ cuno̱ níꞌ, se vaa síí aráj cochro̱j rihaan Yaꞌanj roꞌ, no̱ xcúún soꞌ ga̱a̱ ꞌe̱e̱ rá soꞌ man tuviꞌ soꞌ uún ado̱nj, taj Cristó a.