San Marcos 12:25 - Triqui de San Juan Copala

²⁵ ꞌO̱ se asa̱ꞌ cunuu iꞌna̱ꞌ uún nij síí caviꞌ, ne̱ se̱ xcaj tuviꞌ nij soꞌ a̱ maꞌ. ꞌO̱ se ase vaa nij se‑mo̱zó Yaꞌanj ma̱n rej xta̱ꞌ roꞌ, da̱nj ga̱a̱ nij soꞌ na̱nj ado̱nj.

San Marcos 12:25 ပူးပေါင်းရင်းမြစ်များ

San Mateo 22:30

ꞌO̱ se asa̱ꞌ cunuu iꞌna̱ꞌ uún nij síí caviꞌ, ne̱ se̱ xcaj tuviꞌ nij soꞌ a̱ maꞌ. ꞌO̱ se ase vaa nij se‑mo̱zó Yaꞌanj rej xta̱ꞌ roꞌ, da̱nj ga̱a̱ nij soꞌ na̱nj ado̱nj.

San Marcos 12:24

Ga̱a ne̱ cataj Jesús rihaan nij soꞌ a: ―Tuná uxrá soj se vaa nuchruj ra̱a̱ soj, cheꞌé se ne neꞌen soj me taj snana̱ Yaꞌanj do̱ꞌ, da̱j vaa snucua̱j Yaꞌanj do̱ꞌ maꞌ.

San Marcos 12:26

Cata̱j xnaꞌanj ꞌu̱nj rihaan soj da̱j ga̱a̱ queneꞌe̱n soj se vaa ya̱ ya̱ cunu̱u iꞌna̱ꞌ uún yuvii̱ asa̱ꞌ caviꞌ yuvii̱ ado̱nj. Ataa naya̱a̱ soj nana̱ nihánj nana̱ no̱ rihaan danj Moisés nana̱ cheꞌé coj acoꞌ yaꞌan raa̱ naꞌ. Ne̱ dan me se ga̱a queneꞌen Moisés coj yoꞌ, ne̱ cataj Yaꞌanj rihaan Moisés a: “Yaꞌanj noco̱ꞌ nij síí ma̱n ga̱a naá síí cuꞌna̱j Abraham do̱ꞌ, Isaac do̱ꞌ, Jacob do̱ꞌ, mej a.” Da̱nj cataj Yaꞌanj cheꞌé nij síí ma̱n ga̱a naá yoꞌ a.

1 Juan 3:2

Tinu̱j, nocoj, cuano̱ nihánj me se taꞌni̱j Yaꞌanj me níꞌ, ne̱ ataa xca̱j níꞌ cuentá da̱j si̱j ga̱a̱ níꞌ quiꞌya̱j Yaꞌanj vaa güii ado̱nj. Ma̱an se neꞌen níꞌ se vaa asa̱ꞌ caꞌnaꞌ Cristó, ne̱ ase vaa soꞌ roꞌ, da̱nj ga̱a̱ maꞌa̱n níꞌ uún ado̱nj. ꞌO̱ se queneꞌe̱n níꞌ man soꞌ, ne̱ xca̱j ya̱ níꞌ cuentá da̱j vaa xa̱ꞌ soꞌ na̱nj ado̱nj.