San Marcos 12:24 - Triqui de San Juan Copala

²⁴ Ga̱a ne̱ cataj Jesús rihaan nij soꞌ a: ―Tuná uxrá soj se vaa nuchruj ra̱a̱ soj, cheꞌé se ne neꞌen soj me taj snana̱ Yaꞌanj do̱ꞌ, da̱j vaa snucua̱j Yaꞌanj do̱ꞌ maꞌ.

San Marcos 12:24 ပူးပေါင်းရင်းမြစ်များ

San Mateo 22:29

Ga̱a ne̱ cataj Jesús rihaan nij soꞌ a: ―Ne neꞌen uxrá soj maꞌ. ꞌO̱ se ne neꞌen soj me taj Danj Yaꞌanj, ne̱ ne neꞌen soj se vaa nucua̱j ndoꞌo Yaꞌanj maꞌ.

San Marcos 10:27

Niꞌya̱j Jesús man nij soꞌ, ne̱ cataj soꞌ a: ―Se̱ guun nucua̱j yuvii̱ nani̱i̱ maꞌa̱n nij yuvii̱ rihaan sayuun maꞌ. Sayu̱u̱n uxrá vaa rihaan nij soꞌ na̱nj ado̱nj. Tza̱j ne̱ xa̱ꞌ rihaan Yaꞌanj me se ne sayu̱u̱n a̱ doj vaa rihaan soꞌ a̱ maꞌ. Me maꞌa̱n rasu̱u̱n caꞌve̱e quiꞌya̱j soꞌ na̱nj ado̱nj ―taj Jesús a.

San Marcos 12:23

ne̱ dan me se asa̱ꞌ cunuu iꞌna̱ꞌ uún nij síí caviꞌ, ga̱a ne̱ me nij soꞌ ni̱caj man chana̱ yoꞌ, rá so̱ꞌ ga̱. ꞌO̱ se ga̱a vaa iꞌna̱ꞌ nij soꞌ, ne̱ nica̱ ta̱ranꞌ nij tinu̱j nij soꞌ guun noꞌ a ―taj nij síí saduceo, xnáꞌanj nij soꞌ man Jesús a.

San Marcos 12:25

ꞌO̱ se asa̱ꞌ cunuu iꞌna̱ꞌ uún nij síí caviꞌ, ne̱ se̱ xcaj tuviꞌ nij soꞌ a̱ maꞌ. ꞌO̱ se ase vaa nij se‑mo̱zó Yaꞌanj ma̱n rej xta̱ꞌ roꞌ, da̱nj ga̱a̱ nij soꞌ na̱nj ado̱nj.

San Lucas 1:37

ꞌO̱ se Yaꞌanj me síí aꞌvee ꞌyaj cunuda̱nj a ―taj se‑mo̱zó Yaꞌanj rihaan Mariá a.

San Juan 20:9

ꞌO̱ se ataa nari̱ꞌ ro̱j soꞌ nana̱ no̱ rihaan Danj Yaꞌanj se vaa cavi̱ꞌ Jesús ga̱a ne̱ cunu̱u iꞌna̱ꞌ uún soꞌ a.

San Juan 5:39

Dan me se ya̱nj uxrá nayaa soj Danj Yaꞌanj, cheꞌé se me rá soj xca̱j soj cuentá da̱j quiꞌya̱j soj ne̱ caꞌve̱e ca̱yáán soj ga̱ Yaꞌanj nu̱ꞌ cavii nu̱ꞌ caꞌanj na̱nj á. Ne̱ veé maꞌa̱n Danj Yaꞌanj taj xnaꞌanj cheꞌé ꞌu̱nj a.

Hechos 17:11

Ne̱ nij síí israelitá ya̱nj chumanꞌ Berea me se sa̱ꞌ doj vaa nimán nij soꞌ rihaan nij síí israelitá ya̱nj chumanꞌ Tesalónica a. ꞌO̱ se aranꞌ rá nij soꞌ cuno̱ nij soꞌ snana̱ Yaꞌanj, ne̱ da̱j a̱ nij güii ya̱nj ndoꞌo nayaa nij soꞌ Danj Yaꞌanj, cheꞌé se guun rá nij soꞌ xca̱j nij soꞌ cuentá sese ya̱ ya̱ cuya̱a̱n vaa snana̱ Pabló ga̱ nana̱ no̱ rihaan Danj Yaꞌanj a.

Romanos 15:4

Ga̱a naá me se cachrón nii nana̱ rihaan Danj Yaꞌanj yan nari̱ꞌ maꞌa̱n níꞌ da̱j quiꞌya̱j níꞌ ga̱a ne̱ gu̱un nucua̱j níꞌ quiꞌya̱j canaán níꞌ rihaan sayuun ne̱ nari̱ꞌ nucuaj nimán níꞌ ga̱a ne̱ caꞌve̱e gu̱un ya̱ rá níꞌ se vaa vaa güii cavi̱i̱ sa̱ꞌ níꞌ a.

Efesios 1:19

ne̱ queneꞌe̱n soj se vaa niꞌndaj ya̱ veꞌé gu̱un nucua̱j ya̱ Yaꞌanj ra̱cuíj Yaꞌanj man níꞌ si̱j amán rá niꞌya̱j man soꞌ a. Nucua̱j ndoꞌo Yaꞌanj ado̱nj.

Filipenses 3:21

ne̱ ni̱caj soꞌ man níꞌ, ne̱ nda̱ꞌ se ninaj uxrá nee̱ man níꞌ cuano̱, tza̱j ne̱ natuna̱ soꞌ man yoꞌ, ne̱ ase vaa nee̱ man soꞌ nee̱ niꞌndaj ya̱ sa̱ꞌ roꞌ, da̱nj ina̱nj ga̱a̱ nee̱ man níꞌ, quiꞌya̱j soꞌ ado̱nj. Dan me se cheꞌé se me soꞌ síí gu̱un nucua̱j quiꞌya̱j canaán rihaan cunuda̱nj rasu̱u̱n, ne̱ quiri̱i̱ taꞌngaꞌ soꞌ rihaan cunuda̱nj rasu̱u̱n roꞌ, cheꞌé dan neꞌen níꞌ se vaa gu̱un nucua̱j soꞌ natuna̱ soꞌ man nee̱ man níꞌ ado̱nj.