San Marcos 12:17 - Triqui de San Juan Copala

¹⁷ Ga̱a ne̱ cataj Jesús a: ―Rque̱ soj siꞌyaj síí nica̱j suun rihaan maꞌa̱n soꞌ, ne̱ rque̱ soj siꞌyaj Yaꞌanj rihaan Yaꞌanj á ―taj Jesús a. Ga̱a ne̱ caꞌanj ndoꞌo rá nij síí me rá tiha̱ꞌ yuꞌunj yoꞌ niꞌya̱j nij soꞌ man Jesús a.

San Marcos 12:17 ပူးပေါင်းရင်းမြစ်များ

San Mateo 22:21

Ga̱a ne̱ cataj nij yuvii̱ yoꞌ a: ―César a ―taj nij soꞌ a. Ga̱a ne̱ cataj Jesús a: ―Cheꞌé dan go̱ꞌ soj siꞌyaj síí nica̱j suun cuꞌna̱j César rihaan maꞌa̱n soꞌ, ne̱ rque̱ soj siꞌyaj Yaꞌanj rihaan Yaꞌanj á ―taj Jesús a.

San Mateo 22:22

Dan me se cuno nij soꞌ nana̱ caꞌmii Jesús, ne̱ caꞌanj rá nij soꞌ, ne̱ tanáj nij soꞌ man Jesús, ne̱ caꞌanj nij soꞌ a.

San Mateo 22:33

Dan me se cuno nij yuvii̱ nana̱ caꞌmii Jesús, ga̱a ne̱ caráyaꞌa̱nj uxrá nij soꞌ cheꞌé stucua̱nj soꞌ a.

San Mateo 22:46

Ne̱ a̱ ꞌó nij soꞌ ne gu̱un nucua̱j cata̱j xnaꞌanj ꞌo̱ nana̱ rihaan Jesús, ne̱ güii yoꞌ rej rihaan me se a̱ ꞌó nij soꞌ ne quisi̱j rá xna̱ꞌanj doj nana̱ man Jesús a̱ maꞌ.

San Mateo 8:10

Dan me se, ga̱a cuno Jesús nana̱ caꞌmii tanuu capitán yoꞌ, ne̱ caráyaꞌa̱nj Jesús, ne̱ cataj soꞌ rihaan nij síí noco̱ꞌ rej xco̱ soꞌ a: ―Ya̱ ya̱ cata̱j xnaꞌanj ꞌu̱nj rihaan soj se vaa taj va̱j a̱ ꞌó rej ne nari̱j man ꞌo̱ síí israelitá síí cuchumán ndoꞌo rá nana̱ aꞌmii ꞌu̱nj nda̱a vaa amán rá tanuu capitán síí yaníj nihánj a̱ maꞌ.

San Marcos 12:16

Ne̱ tihaa̱n nij soꞌ ꞌo̱ saꞌanj aga̱ꞌ rihaan soꞌ, ne̱ xnáꞌanj soꞌ man nij soꞌ a: ―Me síí no̱ rihaan saꞌanj aga̱ꞌ nihánj ga̱. Ne̱ me síí se‑chuvi̱i no̱ rihaan saꞌanj aga̱ꞌ nihánj ga̱ ―taj Jesús a. Ga̱a ne̱ cataj nij soꞌ rihaan Jesús a: ―Síí nica̱j suun César me nó rihaan saꞌanj aga̱ꞌ yoꞌ, ne̱ nó se‑chuvi̱i soꞌ rihaan saꞌanj a ―taj nij soꞌ a.

San Marcos 12:30

ne̱ nda̱a nimán yá so̱ꞌ gu̱un rá so̱ꞌ ni̱ꞌyaj so̱ꞌ man Yaꞌanj Si̱j ꞌNi̱j Raꞌa man níꞌ, ne̱ ꞌo̱ nda̱a cúú yave̱ yá so̱ꞌ cuchuma̱n ya̱ rá ni̱ꞌyaj man Yaꞌanj, ne̱ nda̱a nu̱ꞌ snucua̱j yá so̱ꞌ cara̱a̱ cochro̱j rihaan Yaꞌanj na̱nj ado̱nj.” Ne̱ nihánj me ya̱ suun noco̱o vaa se uun doj na̱nj á.

San Lucas 20:25

Ga̱a ne̱ cataj Jesús rihaan nij soꞌ a: ―Cheꞌé dan go̱ꞌ soj siꞌyaj César rihaan maꞌa̱n soꞌ, ne̱ rque̱ soj siꞌyaj Yaꞌanj rihaan Yaꞌanj á ―taj Jesús a.

Romanos 12:1

Tinu̱j, nocoj, cheꞌé se nuu ꞌe̱e̱ ndoꞌo rá Yaꞌanj man níꞌ, cheꞌé dan rquee̱ ndoꞌo ꞌu̱nj rihaan soj se vaa rque̱ soj man maꞌa̱n soj rihaan Yaꞌanj ya̱j ga̱a vaa iꞌna̱ꞌ soj, da̱j se vaa ticaviꞌ yuvii̱ xcuu ne̱ rqué yuvii̱ rihaan Yaꞌanj á. Sese da̱nj quiꞌya̱j soj, ne̱ ꞌo̱ rasu̱u̱n gue̱e̱ do̱ꞌ, ꞌo̱ rasu̱u̱n cara̱nꞌ rá Yaꞌanj do̱ꞌ, me yoꞌ, ne̱ suun no̱ xcúún soj quiꞌya̱j soj me yoꞌ uún ado̱nj.

Romanos 13:7

ne̱ dan me se no̱ xcúún soj go̱ꞌ soj saꞌanj ataꞌ do̱ꞌ, impuestó do̱ꞌ á. Veꞌé caꞌmi̱i̱ soj cheꞌé nij síí nica̱j suun, ne̱ cara̱a̱ cochro̱j soj rihaan nij soꞌ á.

1 Pedro 2:17

Dan me se veꞌé caꞌmi̱i̱ soj ga̱ da̱j a̱ yuvii̱, ne̱ ga̱a̱ ꞌe̱e̱ rá soj man nu̱ꞌ nij síí noco̱ꞌ man Cristó, ne̱ cuno̱ soj rihaan Yaꞌanj, ne̱ veꞌé cara̱a̱ cochro̱j soj rihaan síí nica̱j suun emperador na̱nj á.