San Marcos 12:10 - Triqui de San Juan Copala

¹⁰ Ne naya̱a̱ nij soj nana̱ nihánj nana̱ no̱ rihaan Danj Yaꞌanj naꞌ: Yuvej quiriꞌíj nij síí cuneꞌ veꞌ roꞌ, guun yuvej sa̱ꞌ vaa se uun doj rihaan cunuda̱nj nij yuvej ma̱n tacóó veꞌ yoꞌ na̱nj ado̱nj.

San Marcos 12:10 ပူးပေါင်းရင်းမြစ်များ

San Mateo 12:3

Ga̱a ne̱ cataj Jesús rihaan nij soꞌ a: ―Me cheꞌé, ne̱ ne naya̱a̱ soj rihaan Danj Yaꞌanj da̱j quiꞌyaj síí cuꞌna̱j David ga̱a naá ga̱. Ga̱a naꞌaan rque nij tuvi̱ꞌ nij soꞌ,

San Mateo 19:4

Ga̱a ne̱ cataj Jesús a: ―A̱j nayaa soj nana̱ no̱ rihaan Danj Yaꞌanj nana̱ taj se vaa asi̱j quiꞌyaj Yaꞌanj chumii̱, ne̱ quiꞌyaj Yaꞌanj snóꞌo, ne̱ quiꞌyaj Yaꞌanj chana̱ a.

San Mateo 21:16

ne̱ cataj nij soꞌ a: ―Unó so̱ꞌ nana̱ aguáj nij xnii nihánj naꞌ. Me cheꞌé aꞌvej so̱ꞌ cagua̱j xnii da̱nj ga̱ ―taj nij soꞌ, xnáꞌanj nij soꞌ man Jesús a. Ne̱ cataj Jesús a: ―Ya̱ unó ꞌu̱nj a. Me cheꞌé ne naya̱a̱ nij soj nana̱ no̱ rihaan Danj Yaꞌanj ga̱. Ga̱a naá, ne̱ caꞌmii ꞌo̱ soꞌ rihaan Yaꞌanj, cataj soꞌ se vaa niꞌndaj ya̱ veꞌé caꞌmii xnii do̱ꞌ, neꞌej utzii too do̱ꞌ, cheꞌé Yaꞌanj, quiꞌyaj maꞌa̱n Yaꞌanj, taj nana̱ no̱ rihaan Danj Yaꞌanj a ―taj Jesús rihaan nij soꞌ a.

San Mateo 21:42

Ga̱a ne̱ cataj Jesús a: ―Me cheꞌé ne naya̱a̱ nij soj nana̱ nihánj nana̱ no̱ rihaan Danj Yaꞌanj ga̱: Yuvej quiriꞌíj nij síí cuneꞌ veꞌ roꞌ, guun yuvej sa̱ꞌ vaa se uun doj rihaan cunuda̱nj nij yuvej ma̱n tacóó veꞌ yoꞌ na̱nj ado̱nj. Maꞌa̱n Yaꞌanj Si̱j ꞌNi̱j Raꞌa man níꞌ quiꞌyaj da̱nj, ne̱ cuna̱j uxrá vaa yoꞌ, rá níꞌ ado̱nj, taj Danj Yaꞌanj a.

San Mateo 22:31

Tza̱j ne̱ cata̱j xnaꞌanj ꞌu̱nj rihaan soj da̱j ga̱a̱ queneꞌe̱n soj se vaa ya̱ ya̱ cunu̱u iꞌna̱ꞌ uún yuvii̱ asa̱ꞌ caviꞌ yuvii̱ ado̱nj. Ataa naya̱a̱ soj nana̱ nihánj nana̱ caꞌmii maꞌa̱n Yaꞌanj naꞌ. Dan me se snana̱ Yaꞌanj taj a:

San Marcos 12:26

Cata̱j xnaꞌanj ꞌu̱nj rihaan soj da̱j ga̱a̱ queneꞌe̱n soj se vaa ya̱ ya̱ cunu̱u iꞌna̱ꞌ uún yuvii̱ asa̱ꞌ caviꞌ yuvii̱ ado̱nj. Ataa naya̱a̱ soj nana̱ nihánj nana̱ no̱ rihaan danj Moisés nana̱ cheꞌé coj acoꞌ yaꞌan raa̱ naꞌ. Ne̱ dan me se ga̱a queneꞌen Moisés coj yoꞌ, ne̱ cataj Yaꞌanj rihaan Moisés a: “Yaꞌanj noco̱ꞌ nij síí ma̱n ga̱a naá síí cuꞌna̱j Abraham do̱ꞌ, Isaac do̱ꞌ, Jacob do̱ꞌ, mej a.” Da̱nj cataj Yaꞌanj cheꞌé nij síí ma̱n ga̱a naá yoꞌ a.

San Marcos 12:9

’Ne̱ da̱j quiꞌya̱j síí xna̱a̱ man nij síí tumé xnaa̱ soꞌ, rá soj ga̱. Dan me se caꞌna̱ꞌ soꞌ, ne̱ ticavi̱ꞌ soꞌ man nij soꞌ, ne̱ ta̱cuachén soꞌ xnaa̱ soꞌ rihaan ꞌó nij síí tu̱mé xnaa̱ soꞌ a.

San Marcos 13:14

Ne̱ soj si̱j nayaa nana̱ nihánj roꞌ, xca̱j uxrá soj cuentá me se me raj cata̱a nana̱ nihánj nana̱ caꞌmii Jesús cheꞌé se chiꞌi̱i̱ á. Dan me se cataj uún Jesús a: ―A̱j neꞌen soj se vaa vaa ꞌo̱ se chiꞌi̱i̱ quiꞌya̱j ndoꞌo sayuun man yuvii̱, nda̱a vaa cataj Daniel síí nataꞌ snana̱ Yaꞌanj ga̱a naá, ne̱ dan me se güii queneꞌe̱n soj man se chiꞌi̱i̱ yoꞌ rej ne nó xcúún yoꞌ canicu̱nꞌ yoꞌ, ne̱ ꞌo̱ cuna̱nj nij síí ma̱n estadó Judea caꞌa̱nj nij soꞌ raa̱ quij á.

San Marcos 2:25

Ga̱a ne̱ cataj Jesús rihaan nij soꞌ a: ―Me cheꞌé, ne̱ ne naya̱a̱ soj rihaan Danj Yaꞌanj da̱j quiꞌyaj síí cuꞌna̱j David ga̱a naá a. Ga̱a quinaꞌaan rque nij tuvi̱ꞌ soꞌ,

San Lucas 6:3

Tza̱j ne̱ cataj maꞌa̱n Jesús rihaan nij síí fariseo a: ―Me cheꞌé, ne̱ ne naya̱a̱ soj rihaan Danj Yaꞌanj da̱j quiꞌyaj síí cuꞌna̱j David ga̱a naá naꞌ. Ga̱a quinaꞌaan rque nij tuvi̱ꞌ nij soꞌ,

Romanos 9:33

ꞌO̱ cuya̱a̱n vaa nana̱ aꞌmij ga̱ nana̱ aꞌmii Danj Yaꞌanj cheꞌé Jesucristó, ne̱ dan me se ga̱a naá cataj Yaꞌanj a: Ni̱ꞌyaj so̱ꞌ á. A̱j cunéꞌ ꞌu̱nj ꞌo̱ yuvii̱ chumanꞌ Sion, ne̱ ase vaa ꞌo̱ yuvej vaa soꞌ, nucua̱j ndoꞌo soꞌ a. Naxru̱ꞌ yuvii̱, quiꞌya̱j yuvej yoꞌ, ne̱ gu̱un naꞌa̱j nij yuvii̱ queneꞌe̱n nij yuvii̱ man soꞌ, tza̱j ne̱ sese cuchuma̱n rá ꞌo̱ soꞌ queneꞌe̱n soꞌ man síí cunéꞌ ꞌu̱nj, ne̱ se̱ guun naꞌa̱j soꞌ maꞌ. Tana̱nj cavi̱i̱ sa̱ꞌ soꞌ ado̱nj. Da̱nj caꞌmii Yaꞌanj cheꞌé Jesucristó a.