San Marcos 11:31 - Triqui de San Juan Copala

³¹ Ga̱a ne̱ nuchruj ra̱a̱ ndoꞌo nij soꞌ ga̱ tuviꞌ nij soꞌ, ne̱ cataj nij soꞌ a: ―Sese cata̱j níꞌ se vaa Yaꞌanj caꞌneꞌ suun rihaan Juan cuta̱ꞌ ne soꞌ man yuvii̱, ne̱ cata̱j Jesús rihaan níꞌ me cheꞌé ne cuchuma̱n rá níꞌ nana̱ caꞌmii Juan a.

San Marcos 11:31 ပူးပေါင်းရင်းမြစ်များ

San Mateo 16:7

Ne̱ nuchruj ra̱a̱ ndoꞌo nij síí tucuꞌyón snana̱ Jesús cheꞌé nana̱ caꞌmii soꞌ, ne̱ cataj nij soꞌ a: ―Cheꞌé se taj rachrúún nica̱j níꞌ, ne̱ cheꞌé dan aꞌmii soꞌ cheꞌé levadura se ꞌyaj naraa nana̱ rque rachrúún na̱nj ado̱nj ―taj nij soꞌ rihaan tuviꞌ nij soꞌ a.

San Marcos 11:30

Dan me se me síí caꞌneꞌ suun rihaan Juan síí cuta̱ꞌ ne man yuvii̱, rá soj ga̱. Yaꞌanj naꞌ. Ase nij yuvii̱ xa̱ꞌ. Cata̱j xnaꞌanj nij soj rihanj á ―taj Jesús a.

San Marcos 11:32

Tza̱j ne̱ a̱ doj se̱ caꞌvee cata̱j níꞌ se vaa ma̱an yuvii̱ caꞌneꞌ suun rihaan Juan quiꞌya̱j soꞌ da̱nj maꞌ ―taj nij soꞌ rihaan tuviꞌ nij soꞌ, cheꞌé se cuchuꞌviꞌ nij soꞌ niꞌya̱j nij soꞌ man nij yuvii̱ a. ꞌO̱ se síí caꞌnéé Yaꞌanj nata̱ꞌ snana̱ Yaꞌanj rihaan yuvii̱ me ya̱ Juan, rá cunuda̱nj nij yuvii̱ a.

San Juan 1:15

Ne̱ síí cuꞌna̱j Juan me síí cataj xnaꞌanj rihaan yuvii̱ cheꞌé Jesús, ne̱ nucua̱j caꞌmii soꞌ, cataj soꞌ a: ―Síí nihánj roꞌ, a̱j cataj xnaꞌanj ꞌu̱nj rihaan soj cheꞌé soꞌ ga̱a rque̱ á. ꞌO̱ se cataj xnaꞌanj ꞌu̱nj rihaan soj se vaa nda̱ꞌ se síí caꞌna̱ꞌ rej rihanj me soꞌ, tza̱j ne̱ ꞌo̱ se si̱j noco̱o doj me soꞌ rihanj na̱nj á. ꞌO̱ se asi̱j ataa caꞌnga̱a̱ ꞌu̱nj, ne̱ a̱j nicunꞌ soꞌ na̱nj ado̱nj ―taj Juan a.

San Juan 1:29

Dan me se ꞌó güii, ne̱ queneꞌen síí cuꞌna̱j Juan se vaa caꞌnaꞌ Jesús rihaan soꞌ, ne̱ cataj soꞌ a: ―Ni̱ꞌyaj soj á. Daán Yaꞌanj Matzinj Leꞌe̱j cavi̱ꞌ cheꞌé yuvii̱ me síí nihánj, ne̱ dan me se síí nihánj me síí caꞌne̱e̱ cacunꞌ tumé yuvii̱ ma̱n rihaan chumii̱ ado̱nj.

San Juan 1:34

Ga̱a ne̱ queneꞌen ma̱ꞌán ꞌu̱nj man Jesús nihánj, se vaa nanij Nimán Yaꞌanj xráá soꞌ, ne̱ a̱j cataj yá ꞌu̱nj rihaan soj se vaa Taꞌni̱j Yaꞌanj me soꞌ ado̱nj ―taj Juan a.

San Juan 1:36

Ne̱ niꞌya̱j uxrá Juan man Jesús ga̱a chéé Jesús, ne̱ cataj Juan a: ―Ni̱ꞌyaj ro̱j so̱j á. Daán Yaꞌanj Matzinj Leꞌe̱j cavi̱ꞌ cheꞌé yuvii̱ me síí nihánj á ―taj Juan a.