San Marcos 11:25 - Triqui de San Juan Copala

²⁵ Ne̱ ga̱a nicunꞌ soj achíín niꞌya̱j soj rihaan Yaꞌanj, ne̱ sese vaa cacunꞌ quiꞌyaj ꞌo̱ soꞌ rihaan soj, ne̱ cara̱a̱ xꞌnaa soj cheꞌé cacunꞌ tumé tuviꞌ soj, ga̱a ne̱ caꞌve̱e tinavi̱j Rej soj síí nicu̱nꞌ xta̱ꞌ cacunꞌ tumé maꞌa̱n soj ado̱nj.

San Marcos 11:25 ပူးပေါင်းရင်းမြစ်များ

San Mateo 5:23

’Cheꞌé dan me sese caꞌa̱nj ni̱caj so̱ꞌ rasu̱u̱n rihaan chraan altar, rque̱ so̱ꞌ rasu̱u̱n rihaan Yaꞌanj, rá so̱ꞌ, ne̱ sese ninuj rá so̱ꞌ se vaa cutaꞌ ꞌo̱ tinúú so̱ꞌ cacunꞌ xráá so̱ꞌ,

San Mateo 6:12

Ti̱navíí so̱ꞌ cacunꞌ tumé núj, da̱j se vaa aráj xꞌnaa núj cheꞌé cacunꞌ quiꞌyaj tuviꞌ núj rihaan núj na̱nj ado̱nj.

San Mateo 6:5

’Ne̱ ga̱a achíín niꞌya̱j soj rihaan Yaꞌanj, ne̱ se̱ quiꞌyaj soj se vaa ꞌyaj nij síí nucuiꞌ rá maꞌ. ꞌO̱ se niha̱ꞌ rá nij soꞌ canicu̱nꞌ nij soꞌ rá veꞌ tucuꞌyón yuvii̱ israelitá stucua̱nj Moisés do̱ꞌ, rej nuná tuviꞌ chrej caꞌa̱a̱n noco̱o do̱ꞌ, ne̱ achíín niꞌya̱j nij soꞌ rihaan Yaꞌanj, cheꞌé se ina̱nj me rá nij soꞌ queneꞌe̱n yuvii̱ man nij soꞌ, ne̱ veꞌé caꞌmi̱i̱ yuvii̱ cheꞌé nij soꞌ, rá nij soꞌ ado̱nj. Ya̱ ya̱ cata̱j xnaꞌanj ꞌu̱nj rihaan soj se vaa a̱j veꞌé caꞌmii yuvii̱ cheꞌé nij soꞌ, ne̱ a̱j navij quiriꞌ nij soꞌ tuꞌvee nij soꞌ vaa ga̱a na̱nj ado̱nj.

San Lucas 18:11

’Dan me se nicunꞌ síí fariseo yoꞌ, ne̱ cachíín niꞌya̱j soꞌ, ne̱ cataj soꞌ nana̱ nihánj rihaan Yaꞌanj a. ꞌO̱ se caꞌmii soꞌ rihaan maꞌa̱n soꞌ, cataj soꞌ a: “Guun niꞌya̱j uxrá níꞌ, Ata̱j Yaꞌanj. Guun niꞌya̱j uxrá níꞌ se vaa ne ꞌyáá ꞌu̱nj nda̱a vaa ꞌyaj ꞌó nij yuvii̱ maꞌ. Dan me se xa̱ꞌ nij soꞌ, tza̱j ne̱ si̱j itu̱u̱ do̱ꞌ, si̱j tumé cacunꞌ do̱ꞌ, si̱j otoj ga̱ nica̱ ꞌó yuvii̱ do̱ꞌ, me nij soꞌ, ne̱ ne ꞌyáá ꞌu̱nj da̱nj maꞌ. Ne̱ guun niꞌya̱j níꞌ se vaa ne ꞌyáá ꞌu̱nj nda̱a vaa ꞌyaj síí nihánj síí tihaꞌ yuꞌunj man yuvii̱ cheꞌé impuestó a.

San Lucas 18:13

’Ne̱ ga̱nꞌ do̱j tzínꞌ nicunꞌ síí aꞌnéj impuestó man yuvii̱ yoꞌ, ne̱ ne caꞌve̱j rá soꞌ na̱xcaj soꞌ rihaan soꞌ ni̱ꞌyaj soꞌ rej nicu̱nꞌ Yaꞌanj a. Tza̱j ne̱ goꞌ soꞌ se‑cuxru̱ꞌ soꞌ rucua̱a̱ maꞌa̱n soꞌ, ne̱ cataj soꞌ a: “Cunu̱u ꞌe̱e̱ rá so̱ꞌ ni̱ꞌyaj so̱ꞌ manj, Ata̱j Yaꞌanj. ꞌO̱ se si̱j tumé cacunꞌ mej ado̱nj”, taj soꞌ rihaan Yaꞌanj a.

San Lucas 6:37

Ne̱ canica̱j Jesús cataj soꞌ a: ―Se̱ guun niha̱ꞌ rá soj cuta̱ꞌ soj cacunꞌ xráá tinúú soj, ga̱a ne̱ taj cacunꞌ cuta̱ꞌ Yaꞌanj xráá maꞌa̱n soj maan ado̱nj. Cara̱a̱ xꞌnaa soj rihaan tinúú soj, ne̱ veé da̱nj quiꞌya̱j gue̱e̱ Yaꞌanj ga̱ maꞌa̱n soj uún ado̱nj.

Efesios 4:32

Dan me se veꞌé quiꞌya̱j soj rihaan tinúú soj á. Ga̱a̱ ꞌe̱e̱ rá soj ni̱ꞌyaj soj tinúú soj á. Neꞌen soj se vaa tinavij Yaꞌanj cacunꞌ tumé níꞌ, cheꞌé se caviꞌ Cristó cheꞌé níꞌ a. Cheꞌé dan no̱ xcúún ya̱ soj cara̱a̱ xꞌnaa soj ni̱ꞌyaj soj tinúú soj ado̱nj.

Colosenses 3:13

Sese quiꞌyaj chiꞌi̱i̱ tuviꞌ soj rihaan soj, ne̱ cara̱a̱ xꞌnaa ꞌo̱ ꞌo̱ soj rihaan tuviꞌ soj á. Da̱nj quiꞌyaj Síí ꞌNi̱j Raꞌa man níꞌ cheꞌé soj, tinavij soꞌ cacunꞌ tumé soj, ne̱ cheꞌé dan cara̱a̱ xꞌnaa soj rihaan tuviꞌ soj ado̱nj.

Santiago 2:13

ꞌO̱ se asa̱ꞌ caꞌne̱ꞌ Yaꞌanj cacunꞌ cheꞌé yuvii̱, ne̱ se̱ gaa ꞌe̱e̱ rá Yaꞌanj ni̱ꞌyaj Yaꞌanj man síí ne ꞌe̱e̱ rá man tuviꞌ maꞌ. Tza̱j ne̱ se niꞌya̱nj rá me se yoꞌ me quiꞌya̱j canaán rihaan sayuun ado̱nj.

Apocalipsis 11:4

Ro̱j soꞌ roꞌ, me ro̱j chruun ma̱n chruj olivó raa̱ do̱ꞌ, ro̱j agaꞌ ta̱j agaꞌ yaꞌan nicu̱nꞌ rihaan Yaꞌanj Si̱j ꞌNi̱j Raꞌa chumii̱ nihánj do̱ꞌ a.