San Marcos 11:22 - Triqui de San Juan Copala

²² Ga̱a ne̱ cataj Jesús rihaan ta̱ranꞌ nij soꞌ a: ―Cuchuma̱n rá soj ni̱ꞌyaj soj Yaꞌanj á.

San Marcos 11:22 ပူးပေါင်းရင်းမြစ်များ

San Mateo 14:29

―Caꞌve̱e caꞌna̱ꞌ so̱ꞌ á ―taj Jesús rihaan Pedró a. Ne̱ nanij Pedró rá rihoo, ne̱ cachéé soꞌ rihaan na, ne̱ caꞌanj soꞌ rihaan Jesús a.

San Mateo 17:20

Ga̱a ne̱ cataj Jesús a: ―Cheꞌé se do̱j amán rá soj, cheꞌé dan ne caꞌve̱e gu̱un nucua̱j soj maꞌ. Tza̱j ne̱ neꞌen soj se vaa caân ma̱n raa̱ cuêj mostazá xlá, ne̱ nda̱ꞌ se tzínꞌ vaa yoꞌ, tza̱j ne̱ asa̱ꞌ achij yoꞌ, ne̱ ase vaa chruun vaa yoꞌ a. Ne̱ ase vaa caân cuêj mostazá xlá yoꞌ roꞌ, da̱nj ga̱a̱ maꞌa̱n soj ado̱nj. Ya̱ ya̱ cata̱j xnaꞌanj ꞌu̱nj rihaan soj se vaa sese ya̱ amán rá soj ne̱ sese cata̱j soj rihaan ꞌo̱ quij se vaa cu̱riha̱nj quij yoꞌ rej nicu̱nꞌ yoꞌ, ne̱ cavi̱i̱ quij yoꞌ ne̱ caꞌa̱nj yoꞌ níchrej ado̱nj. Ne̱ gu̱un nucua̱j soj quiꞌya̱j soj cunuda̱nj na̱nj ado̱nj.

San Mateo 21:21

Ga̱a ne̱ cataj Jesús rihaan nij soꞌ a: ―Ya̱ ya̱ cata̱j xnaꞌanj ꞌu̱nj rihaan soj cuano̱ se vaa sese se̱ guun vi̱j rá soj ne̱ ꞌo̱ cuchuma̱n rá soj, ne̱ doj a̱ quiꞌya̱j soj vaa güii, se vaa quiꞌyáá ꞌu̱nj man chruun nihánj ado̱nj. Dan me se cata̱j xnaꞌanj nij soj rihaan quij xca̱a̱n yoꞌ se vaa cu̱riha̱nj quij rej nicu̱nꞌ quij ne̱ caꞌa̱nj ni̱j quij rque na yaꞌa̱nj, ne̱ ya̱ caꞌa̱nj ni̱j yoꞌ rque na yaꞌa̱nj, quiꞌya̱j soj ado̱nj.

San Marcos 9:23

Ga̱a ne̱ cataj Jesús rihaan soꞌ a: ―Taj cheꞌé gu̱un vi̱j rá so̱ꞌ maꞌ. ꞌO̱ se síí amán rá niꞌya̱j man Yaꞌanj roꞌ, caꞌve̱e quiꞌya̱j soꞌ cunuda̱nj na̱nj ado̱nj ―taj Jesús a.

San Juan 14:1

Ga̱a ne̱ cataj Jesús rihaan ta̱ranꞌ nij soꞌ a: ―Caꞌne̱ꞌ rá soj ga̱ suun ꞌnaꞌ xruꞌ nimán á. Cuchuma̱n rá soj ni̱ꞌyaj soj Yaꞌanj, ne̱ cuchuma̱n rá soj ni̱ꞌyaj soj manj á.

Colosenses 2:12

ꞌO̱ se ga̱a cataꞌ ne soj, ne̱ ase vaa cachinꞌ nii man Cristó ne̱ naꞌnúj uún soꞌ roꞌ, da̱nj vaa soj, cheꞌé se cuchumán rá soj se vaa veé ya̱ Yaꞌanj si̱j nucua̱j ndoꞌo quiꞌyaj ya̱ cunuu iꞌna̱ꞌ uún Cristó ado̱nj.

Tito 1:1

ꞌU̱nj roꞌ, me síí cuꞌna̱j Pabló nu̱u̱ rihaan Yaꞌanj, ne̱ cuneꞌ Jesucristó mán ꞌu̱nj caꞌa̱nj nata̱ꞌ ꞌu̱nj rihaan nij yuvii̱ narii Yaꞌanj cheꞌé rej nari̱ꞌ nij soꞌ stucua̱nj Cristó, ne̱ nari̱ꞌ nij soꞌ snana̱ Yaꞌanj nana̱ ya̱, ne̱ veꞌé uxrá canoco̱ꞌ nij soꞌ man Yaꞌanj, quiꞌya̱j nana̱ ya̱ yoꞌ a.