San Marcos 10:50 - Triqui de San Juan Copala

⁵⁰ Ga̱a ne̱ tanáj soꞌ yatzíj ta̱j xráá soꞌ, ne̱ güéj soꞌ, ne̱ caꞌnaꞌ soꞌ rihaan Jesús a.

San Marcos 10:50 ပူးပေါင်းရင်းမြစ်များ

San Mateo 4:18

ꞌO̱ güii cachén Jesús tuꞌva na laguaná cuꞌna̱j na Galilea, ne̱ queneꞌen soꞌ man ro̱j tinu̱j ro̱j soꞌ a. ꞌO̱ soꞌ me síí cuꞌna̱j Simón, ne̱ Pedró me ꞌó se‑chuvi̱i soꞌ a. Ne̱ tinúú soꞌ me síí cuꞌna̱j Andrés a. Dan me se ga̱a queneꞌen Jesús man ro̱j soꞌ, ne̱ nicu̱nꞌ ro̱j soꞌ tuꞌva na laguaná, ne̱ tiguíj ro̱j soꞌ nanj rque na, ne̱ dan me se síí rii xcuaj me ro̱j soꞌ a.

San Marcos 10:49

Ga̱a ne̱ canicunꞌ Jesús, ne̱ caꞌneꞌ Jesús suun rihaan nij síí nicu̱nꞌ ga̱ soꞌ se vaa caꞌa̱nj nacu̱nj nij soꞌ man síí tuchri̱i yoꞌ a. Ga̱a ne̱ caꞌanj canacu̱nj nij soꞌ man síí tuchri̱i, ne̱ cataj nij soꞌ a: ―ꞌO̱ caꞌne̱j nucuaj nimán so̱ꞌ á. Nacúún soꞌ mán so̱ꞌ, ne̱ na̱xuma̱a̱n so̱ꞌ, caꞌa̱nj níꞌ á ―taj nij soꞌ rihaan síí tuchri̱i cuꞌna̱j Bartimeo a.

San Marcos 10:51

Ga̱a ne̱ xnáꞌanj Jesús man soꞌ a: ―Da̱j qui̱ꞌyáj mán so̱ꞌ, rá so̱ꞌ ga̱ ―taj Jesús a. Ga̱a ne̱ cataj soꞌ a: ―Nachugu̱u̱n rihanj, raj, maestro ―taj soꞌ rihaan Jesús a.

Hebreos 12:1

Ri̱i̱ uxrá nij síí amán rá niꞌya̱j man Yaꞌanj, nij síí ma̱n ga̱a naá, ne̱ nicu̱nꞌ nij soꞌ nu̱ꞌ anica̱j rej ma̱n níꞌ tihaa̱n nij soꞌ man níꞌ suun noco̱ꞌ xraan man Yaꞌanj a. Cheꞌé dan ta̱náj xco̱ níꞌ nu̱ꞌ se vaa ca̱ráán chrej rihaan níꞌ, ne̱ ta̱náj xco̱ níꞌ nu̱ꞌ chrej chiꞌi̱i̱ na̱nj á. ꞌO̱ se sayu̱u̱n ndoꞌo vaa ta̱náj xco̱ níꞌ chrej chiꞌi̱i̱ yoꞌ ado̱nj. Ne̱ dan me se ꞌo̱ quiꞌya̱j níꞌ nu̱ꞌ suun vaa rihaan níꞌ á. Dan me se ase vaa síí unánj tico tuviꞌ roꞌ, da̱nj ga̱a̱ níꞌ, ne̱ se̱ caꞌneꞌ rá níꞌ caꞌa̱nj níꞌ rej rihaan níꞌ maꞌ.