San Marcos 10:42 - Triqui de San Juan Copala

⁴² Ga̱a ne̱ canacúún Jesús man cunuda̱nj nij soꞌ se vaa caꞌna̱ꞌ nij soꞌ rihaan soꞌ, ne̱ cataj soꞌ a: ―Neꞌen soj se vaa nij síí ata̱ suun rihaan nij síí yaníj rá yuvii̱ roꞌ, rii taꞌngaꞌ uxrá nij soꞌ rihaan tuviꞌ nij soꞌ, ne̱ uun niha̱ꞌ rá nij síí noco̱o doj uun chij nij soꞌ rihaan yuvii̱ ado̱nj.

San Marcos 10:42 ပူးပေါင်းရင်းမြစ်များ

San Mateo 20:25

Ga̱a ne̱ canacúún Jesús man cunuda̱nj nij soꞌ se vaa caꞌna̱ꞌ nij soꞌ rihaan soꞌ, ne̱ cataj soꞌ a: ―Neꞌen soj se vaa nij síí ata̱ suun ma̱n rihaan chumii̱ nihánj me se rii taꞌngaꞌ uxrá nij soꞌ rihaan tuviꞌ nij soꞌ na̱nj ado̱nj. Ne̱ nij síí ata̱ suun noco̱o me se niha̱ꞌ rá nij soꞌ gu̱un chij nij soꞌ rihaan tuviꞌ nij soꞌ a.

San Marcos 10:41

Ga̱a ne̱ cuno ꞌó chi̱ꞌ nij síí tucuꞌyón snana̱ Jesús se vaa cataj Jacobo ga̱ Juan rihaan Jesús, ga̱a ne̱ guun cheꞌe̱ nij soꞌ caꞌmaan rá nij soꞌ niꞌya̱j nij soꞌ man ro̱j soꞌ a.

San Marcos 10:43

Tza̱j ne̱ se̱ gaa da̱nj scaꞌnúj soj quiꞌya̱j soj maꞌ. ꞌO̱ se sese me rá ꞌo̱ soj gu̱un chij soꞌ rihaan soj, ne̱ gu̱un soꞌ da̱j se vaa síí nu̱u̱ rihaan tuviꞌ,

San Lucas 22:25

Ga̱a ne̱ cataj Jesús rihaan nij soꞌ a: ―Nij síí nica̱j suun rey uun chij rihaan nij yuvii̱ yaníj roꞌ, rii taꞌngaꞌ uxrá nij soꞌ rihaan tuviꞌ nij soꞌ, ne̱ tucuꞌnáj nii “síí nica̱j yuꞌunj man níꞌ” man nij soꞌ na̱nj á.

1 Pedro 5:3

Ne̱ se̱ guun niha̱ꞌ rá soj quiri̱i̱ taꞌngaꞌ soj rihaan nij síí nica̱j yuꞌunj soj man maꞌ. Ina̱nj veꞌé quiꞌya̱j soj ga̱ nij soꞌ, ne̱ queneꞌe̱n nij soꞌ da̱j ꞌyaj soj, ga̱a ne̱ xca̱j nij soꞌ cuentá da̱j quiꞌya̱j maꞌa̱n nij soꞌ uún a.