San Marcos 10:41 - Triqui de San Juan Copala

⁴¹ Ga̱a ne̱ cuno ꞌó chi̱ꞌ nij síí tucuꞌyón snana̱ Jesús se vaa cataj Jacobo ga̱ Juan rihaan Jesús, ga̱a ne̱ guun cheꞌe̱ nij soꞌ caꞌmaan rá nij soꞌ niꞌya̱j nij soꞌ man ro̱j soꞌ a.

San Marcos 10:41 ပူးပေါင်းရင်းမြစ်များ

San Mateo 20:24

Ga̱a cuno ꞌó chi̱ꞌ nij síí tucuꞌyón snana̱ Jesús se vaa caꞌmii ro̱j tinu̱j ro̱j soꞌ rihaan Jesús, ne̱ caꞌmaan rá nij soꞌ niꞌya̱j nij soꞌ man ro̱j soꞌ a.

San Marcos 10:42

Ga̱a ne̱ canacúún Jesús man cunuda̱nj nij soꞌ se vaa caꞌna̱ꞌ nij soꞌ rihaan soꞌ, ne̱ cataj soꞌ a: ―Neꞌen soj se vaa nij síí ata̱ suun rihaan nij síí yaníj rá yuvii̱ roꞌ, rii taꞌngaꞌ uxrá nij soꞌ rihaan tuviꞌ nij soꞌ, ne̱ uun niha̱ꞌ rá nij síí noco̱o doj uun chij nij soꞌ rihaan yuvii̱ ado̱nj.

San Lucas 22:24

Ga̱a ne̱ caꞌmii cunuꞌ cunuda̱nj nij síí tucuꞌyón snana̱ Jesús me nij soꞌ me síí gu̱un chij doj a.

San Lucas 22:25

Ga̱a ne̱ cataj Jesús rihaan nij soꞌ a: ―Nij síí nica̱j suun rey uun chij rihaan nij yuvii̱ yaníj roꞌ, rii taꞌngaꞌ uxrá nij soꞌ rihaan tuviꞌ nij soꞌ, ne̱ tucuꞌnáj nii “síí nica̱j yuꞌunj man níꞌ” man nij soꞌ na̱nj á.

Romanos 12:10

Ga̱a̱ ꞌe̱e̱ ndoꞌo rá soj man tinúú soj síí noco̱ꞌ man Cristó, ne̱ gu̱un niha̱ꞌ rá soj cara̱a̱ cochro̱j soj rihaan tinúú soj á.

Filipenses 2:3

Se̱ guun xco̱j ruva̱a̱ rá soj ni̱ꞌyaj soj tinúú soj maꞌ. Se̱ guun rá soj se vaa cata̱j tinúú soj se vaa sa̱ꞌ uxrá vaa maꞌa̱n soj maꞌ. Tza̱j ne̱ ga̱a̱ nica̱ꞌ nimán soj, cata̱j soj se vaa sa̱ꞌ doj vaa tinúú soj rihaan maꞌa̱n soj á.

Santiago 4:5

Ne̱ xca̱j soj cuentá se vaa ne tuꞌva rmaꞌa̱n nana̱ nihánj nana̱ aꞌmii Danj Yaꞌanj maꞌ: “Yaꞌanj quiꞌyaj nimán níꞌ, ne̱ me uxrá rá Yaꞌanj canoco̱ꞌ nimán níꞌ man o̱rúnꞌ soꞌ a”, taj Danj Yaꞌanj ado̱nj.