San Marcos 10:27 - Triqui de San Juan Copala

²⁷ Niꞌya̱j Jesús man nij soꞌ, ne̱ cataj soꞌ a: ―Se̱ guun nucua̱j yuvii̱ nani̱i̱ maꞌa̱n nij yuvii̱ rihaan sayuun maꞌ. Sayu̱u̱n uxrá vaa rihaan nij soꞌ na̱nj ado̱nj. Tza̱j ne̱ xa̱ꞌ rihaan Yaꞌanj me se ne sayu̱u̱n a̱ doj vaa rihaan soꞌ a̱ maꞌ. Me maꞌa̱n rasu̱u̱n caꞌve̱e quiꞌya̱j soꞌ na̱nj ado̱nj ―taj Jesús a.

San Marcos 10:27 ပူးပေါင်းရင်းမြစ်များ

San Mateo 19:26

Niꞌya̱j Jesús man nij soꞌ, ne̱ cataj soꞌ a: ―Se̱ guun nucua̱j yuvii̱ nani̱i̱ maꞌa̱n nij yuvii̱ rihaan sayuun maꞌ. Sayu̱u̱n uxrá vaa rihaan nij soꞌ na̱nj ado̱nj. Tza̱j ne̱ xa̱ꞌ Yaꞌanj me se ne sayu̱u̱n a̱ doj vaa rihaan soꞌ a̱ maꞌ. Me maꞌa̱n rasu̱u̱n caꞌve̱e quiꞌya̱j soꞌ na̱nj ado̱nj ―taj soꞌ a.

San Marcos 10:26

Ga̱a ne̱ caꞌanj ndoꞌo rá nij soꞌ, ne̱ cataj nij soꞌ rihaan tuviꞌ nij soꞌ a: ―Cheꞌé dan me se me síí gu̱un nucua̱j nani̱i̱ rihaan sayuun ga̱ ―taj nij soꞌ rihaan tuviꞌ nij soꞌ a.

San Lucas 1:37

ꞌO̱ se Yaꞌanj me síí aꞌvee ꞌyaj cunuda̱nj a ―taj se‑mo̱zó Yaꞌanj rihaan Mariá a.

San Lucas 18:27

Ga̱a ne̱ cataj Jesús rihaan nij soꞌ a: ―Xa̱ꞌ rasu̱u̱n naꞌvee quiꞌya̱j maꞌa̱n ina̱nj yuvii̱, tza̱j ne̱ Yaꞌanj me síí uun nucua̱j quiꞌya̱j cunuda̱nj ado̱nj ―taj Jesús rihaan nij soꞌ a.

Filipenses 3:21

ne̱ ni̱caj soꞌ man níꞌ, ne̱ nda̱ꞌ se ninaj uxrá nee̱ man níꞌ cuano̱, tza̱j ne̱ natuna̱ soꞌ man yoꞌ, ne̱ ase vaa nee̱ man soꞌ nee̱ niꞌndaj ya̱ sa̱ꞌ roꞌ, da̱nj ina̱nj ga̱a̱ nee̱ man níꞌ, quiꞌya̱j soꞌ ado̱nj. Dan me se cheꞌé se me soꞌ síí gu̱un nucua̱j quiꞌya̱j canaán rihaan cunuda̱nj rasu̱u̱n, ne̱ quiri̱i̱ taꞌngaꞌ soꞌ rihaan cunuda̱nj rasu̱u̱n roꞌ, cheꞌé dan neꞌen níꞌ se vaa gu̱un nucua̱j soꞌ natuna̱ soꞌ man nee̱ man níꞌ ado̱nj.

Hebreos 11:19

Ne̱ nda̱ꞌ se guun ndoꞌo rá Abraham caꞌnga̱a̱ taꞌníí taꞌnij siꞌno̱ soꞌ, tza̱j ne̱ caꞌvej rá soꞌ ticavi̱ꞌ soꞌ man Isaac rihaan Yaꞌanj na̱nj chugua̱nj. ꞌO̱ se guun rá soꞌ se vaa gu̱un nucua̱j Yaꞌanj cunu̱u iꞌna̱ꞌ uún yuvii̱ quiꞌya̱j Yaꞌanj asa̱ꞌ caviꞌ yuvii̱ a. Dan me se ya̱ uxrá, ne̱ da̱j doj se caviꞌ Isaac, quiꞌyaj Abraham, tza̱j ne̱ caráán Yaꞌanj rihaan soꞌ, ne̱ tanáj uún Yaꞌanj man Isaac rihaan Abraham a.

Hebreos 7:25

Dan me se ꞌo̱ vaa iꞌna̱ꞌ Jesús, ne̱ uun nucua̱j soꞌ ti̱nanii soꞌ rihaan sayuun nu̱ꞌ cavii nu̱ꞌ caꞌanj man nij síí uchiꞌ rihaan Yaꞌanj cheꞌé soꞌ ado̱nj. Da̱nj quiꞌya̱j soꞌ cheꞌé se ꞌo̱ vaa iꞌna̱ꞌ soꞌ, ne̱ achíín niꞌya̱j soꞌ rihaan Yaꞌanj cheꞌé nij soꞌ nu̱ꞌ cavii nu̱ꞌ caꞌanj ado̱nj.