San Marcos 10:26 - Triqui de San Juan Copala

²⁶ Ga̱a ne̱ caꞌanj ndoꞌo rá nij soꞌ, ne̱ cataj nij soꞌ rihaan tuviꞌ nij soꞌ a: ―Cheꞌé dan me se me síí gu̱un nucua̱j nani̱i̱ rihaan sayuun ga̱ ―taj nij soꞌ rihaan tuviꞌ nij soꞌ a.

San Marcos 10:26 ပူးပေါင်းရင်းမြစ်များ

San Marcos 10:25

Dan me se neꞌen soj se vaa sayu̱u̱n ndoꞌo vaa cache̱n xcuu camelló rihaan yuꞌuj ta̱j tacúún cúú nuvá, tza̱j ne̱ caꞌve̱e a̱ doj cache̱n xcuu yoꞌ yuꞌuj ta̱j tacúún cúú nuvá se vaa caꞌve̱j rá ꞌo̱ síí ruꞌvee gu̱un chij Yaꞌanj nimán soꞌ ado̱nj ―taj Jesús a.

San Marcos 10:27

Niꞌya̱j Jesús man nij soꞌ, ne̱ cataj soꞌ a: ―Se̱ guun nucua̱j yuvii̱ nani̱i̱ maꞌa̱n nij yuvii̱ rihaan sayuun maꞌ. Sayu̱u̱n uxrá vaa rihaan nij soꞌ na̱nj ado̱nj. Tza̱j ne̱ xa̱ꞌ rihaan Yaꞌanj me se ne sayu̱u̱n a̱ doj vaa rihaan soꞌ a̱ maꞌ. Me maꞌa̱n rasu̱u̱n caꞌve̱e quiꞌya̱j soꞌ na̱nj ado̱nj ―taj Jesús a.

San Marcos 6:51

Ga̱a ne̱ catúj soꞌ rque rihoo rej nu̱u̱ nij síí tucuꞌyón snana̱ soꞌ, ga̱a ne̱ canicunꞌ nana̱ yoꞌ, ne̱ caꞌanj ndoꞌo rá nij soꞌ a.

San Marcos 7:37

Ga̱a ne̱ caꞌanj uxrá rá nij yuvii̱ xcaj cuentá da̱j quiꞌyaj Jesús, ne̱ cataj nij yuvii̱ se vaa sa̱ꞌ uxrá vaa nu̱ꞌ se vaa quiꞌyaj Jesús, ne̱ nda̱a nachuguu̱n xréé nij síí soꞌo̱ do̱ꞌ, nda̱a aꞌmii sa̱ꞌ nij síí yaꞌmi̱i do̱ꞌ, ꞌyaj Jesús, taj nij yuvii̱ yoꞌ a.

San Lucas 13:23

Ne̱ xnáꞌanj ꞌo̱ soꞌ man Jesús, cataj soꞌ a: ―Ne̱ do̱j nij síí nani̱i̱ rihaan sayuun, quiꞌya̱j Yaꞌanj a̱ naꞌ ―taj soꞌ, xnáꞌanj soꞌ man Jesús a. Ga̱a ne̱ cataj Jesús rihaan nij yuvii̱ a:

San Lucas 18:26

Ga̱a ne̱ xnáꞌanj nij síí cuno nana̱ nihánj man Jesús, cataj nij soꞌ a: ―Cheꞌé dan me se me síí gu̱un nucua̱j nani̱i̱ rihaan sayuun ga̱ ―taj nij soꞌ, xnáꞌanj nij soꞌ man Jesús a.

Hechos 16:31

Ga̱a ne̱ cataj ro̱j soꞌ a: ―Cuchuma̱n rá so̱ꞌ ni̱ꞌyaj so̱ꞌ man Jesucristó Si̱j ꞌNi̱j Raꞌa man níꞌ, ga̱a ne̱ nani̱i̱ so̱ꞌ rihaan sayuun ne̱ cavi̱i̱ sa̱ꞌ so̱ꞌ, quiꞌya̱j Yaꞌanj á. Ne̱ da̱nj ina̱nj quiꞌya̱j Yaꞌanj ga̱ nij tucua̱ soj á ―taj ro̱j soꞌ rihaan síí tumé tagaꞌ yoꞌ a.

2 Corintios 11:23

ꞌYaj nij soꞌ se‑su̱u̱n Cristó, taj nij soꞌ naꞌ. ꞌO̱ se nihánj me nana̱ snu̱j cata̱j ꞌu̱nj rihaan soj se vaa ꞌu̱nj me síí ꞌyaj doj se‑su̱u̱n Cristó rihaan nij soꞌ na̱nj ado̱nj. Dan me se ꞌu̱nj nihánj roꞌ, me síí quiꞌnij doj tagaꞌ cheꞌé Cristó rihaan nij soꞌ do̱ꞌ, uxrá goꞌ nii cuartá xráá ꞌu̱nj cheꞌé Cristó do̱ꞌ, queꞌe̱e̱ güii da̱j doj se cavíꞌ ꞌu̱nj cheꞌé Cristó do̱ꞌ,