San Marcos 10:19 - Triqui de San Juan Copala

¹⁹ Ne̱ a̱j neꞌén so̱ꞌ nij suun noco̱o caꞌneꞌ Yaꞌanj cuno̱ níꞌ á. Dan me se nihánj me nij suun yoꞌ a: “Se̱ ticavíꞌ so̱ꞌ yuvii̱ maꞌ. Se̱ cotoj so̱ꞌ ga̱ ꞌó yuvii̱ sese né ni̱ca̱ so̱ꞌ me maꞌ. Se̱ quiꞌyaj itu̱u̱ so̱ꞌ siꞌyaj ꞌó yuvii̱ maꞌ. Se̱ nanó so̱ꞌ cuentó ne̱ cheꞌé yuvii̱ maꞌ. Se̱ tihaꞌ yuꞌunj so̱ꞌ man yuvii̱ cheꞌé saꞌanj maꞌ. Cara̱a̱ co̱chróó so̱ꞌ rihaan réé so̱ꞌ do̱ꞌ, rihaan nií so̱ꞌ do̱ꞌ á” ―taj Jesús a.

San Marcos 10:19 ပူးပေါင်းရင်းမြစ်များ

San Marcos 10:18

Ga̱a ne̱ cataj Jesús rihaan soꞌ a: ―Me cheꞌé cataj so̱ꞌ se vaa síí sa̱ꞌ ina̱nj mej ga̱. ꞌO̱ se o̱rúnꞌ Yaꞌanj me síí sa̱ꞌ ado̱nj.

San Lucas 18:20

Ne̱ a̱j neꞌén so̱ꞌ nij suun noco̱o caꞌneꞌ Yaꞌanj cuno̱ níꞌ a. Dan me se nihánj me nij suun yoꞌ a: “Se̱ cotoj so̱ꞌ ga̱ ꞌó yuvii̱ sese né ni̱ca̱ so̱ꞌ me maꞌ. Se̱ ticavíꞌ so̱ꞌ yuvii̱ maꞌ. Se̱ quiꞌyaj itu̱u̱ so̱ꞌ siꞌyaj ꞌó yuvii̱ maꞌ. Se̱ nanó so̱ꞌ cuentó ne̱ cheꞌé yuvii̱ maꞌ. Cara̱a̱ co̱chróó so̱ꞌ rihaan réé so̱ꞌ do̱ꞌ, rihaan nií so̱ꞌ do̱ꞌ á” ―taj Jesús rihaan síí nica̱j suun yoꞌ a.

Romanos 13:9

Dan me se a̱j neꞌen soj nu̱ꞌ suun caꞌneꞌ Yaꞌanj cuno̱ yuvii̱, ne̱ dan me se naꞌvej rá Yaꞌanj coto̱j ꞌo̱ soꞌ ga̱ ꞌó yuvii̱ sese né ni̱ca̱ soꞌ me, ne̱ naꞌvej rá Yaꞌanj ticavi̱ꞌ yuvii̱ man tuviꞌ yuvii̱, ne̱ naꞌvej rá Yaꞌanj quiꞌya̱j itu̱u̱ yuvii̱, ne̱ naꞌvej rá Yaꞌanj gu̱un rá yuvii̱ ni̱ꞌyaj yuvii̱ siꞌyaj tuviꞌ yuvii̱ maꞌ. Nihánj me suun noco̱o caꞌneꞌ Yaꞌanj ga̱a naá, ne̱ vaa uxrá doj suun caꞌneꞌ Yaꞌanj uún, tza̱j ne̱ vaa o̱rúnꞌ suun achiin uxrá quiꞌya̱j níꞌ cuano̱, ne̱ suun yoꞌ taj a: “A̱ se ꞌe̱e̱ rá so̱ꞌ man ma̱ꞌán so̱ꞌ roꞌ, da̱nj ga̱a̱ ꞌe̱e̱ rá so̱ꞌ man tuvíꞌ so̱ꞌ á.”

Romanos 3:20

ꞌO̱ se taj a̱ ꞌó yuvii̱ ne quisi̱j quiꞌya̱j nu̱ꞌ nda̱a vaa taj stucua̱nj Moisés, ne̱ cheꞌé dan taj se qui̱ꞌyáꞌ cunu̱u sa̱ꞌ a̱ doj yuvii̱ rihaan Yaꞌanj quiꞌya̱j tucuáán yoꞌ a̱ maꞌ. Ma̱an se nariꞌ yuvii̱ stucua̱nj Moisés, ne̱ xcaj yuvii̱ cuentá se vaa ya̱ ya̱ si̱j tumé cacunꞌ me maꞌa̱n nij yuvii̱ rihaan Yaꞌanj na̱nj ado̱nj.

Gálatas 4:21

Me rá ꞌu̱nj cata̱j ya̱ soj ꞌo̱ nana̱ rihanj á: Me rá nij soj canoco̱ꞌ soj stucua̱nj Moisés, tza̱j ne̱ neꞌen soj da̱j taj nana̱ cachrón Moisés rihaan yanj yoꞌ naꞌ.

Gálatas 5:14

Dan me se ꞌo̱ cuya̱a̱n ya̱ vaa nu̱ꞌ stucua̱nj Moisés ga̱ o̱rúnꞌ nana̱ nihánj chugua̱nj: “Adi̱ꞌ se ꞌe̱e̱ rá so̱ꞌ man ma̱ꞌán so̱ꞌ roꞌ, taꞌngaꞌ da̱nj ga̱a̱ ꞌe̱e̱ rá so̱ꞌ man tuvíꞌ so̱ꞌ á.” A̱ ꞌó nana̱ se̱ cachiin cuno̱ uún níꞌ, sese da̱nj quiꞌya̱j níꞌ a̱ maꞌ.

1 Tesalonicenses 4:6

Sese cuno̱ soj nana̱ nihánj, ne̱ se̱ guun soj síí tihaꞌ yuꞌunj man tinúú níꞌ cheꞌé chana̱ maꞌ. ꞌO̱ se a̱j cataj ya̱ núj rihaan soj se vaa quiꞌya̱j Síí ꞌNi̱j Raꞌa man níꞌ sayuun man yuvii̱ tihaꞌ yuꞌunj man tinúú na̱nj ado̱nj.

Santiago 2:11

ꞌO̱ se cataj Yaꞌanj se vaa se̱ cotoj ꞌo̱ soꞌ ga̱ ꞌó yuvii̱ sese né nica̱ soꞌ me, ne̱ veé cataj uún Yaꞌanj se vaa se̱ ticaviꞌ níꞌ tuviꞌ níꞌ a. Vaa síí ne otoj ga̱ ꞌó yuvii̱ sese né ni̱ca̱ soꞌ me, tza̱j ne̱ ticaviꞌ soꞌ tuviꞌ soꞌ, ga̱a ne̱ síí ꞌyaj da̱nj roꞌ, yu̱u̱n cheꞌe̱ tiriꞌ soꞌ stucua̱nj Yaꞌanj tucuáán noco̱ꞌ soꞌ ga̱a na̱nj ado̱nj.