San Marcos 10:18 - Triqui de San Juan Copala

¹⁸ Ga̱a ne̱ cataj Jesús rihaan soꞌ a: ―Me cheꞌé cataj so̱ꞌ se vaa síí sa̱ꞌ ina̱nj mej ga̱. ꞌO̱ se o̱rúnꞌ Yaꞌanj me síí sa̱ꞌ ado̱nj.

San Marcos 10:18 ပူးပေါင်းရင်းမြစ်များ

San Mateo 19:17

Ga̱a ne̱ cataj Jesús a: ―Me cheꞌé xnáꞌanj so̱ꞌ manj cheꞌé se sa̱ꞌ ga̱. ꞌO̱ se o̱rúnꞌ Yaꞌanj me síí sa̱ꞌ ado̱nj. Tza̱j ne̱ sese me rá so̱ꞌ ca̱yáán so̱ꞌ ga̱ Yaꞌanj nu̱ꞌ cavii nu̱ꞌ caꞌanj, ne̱ cu̱nó so̱ꞌ nij suun noco̱o ya̱ ya̱ caꞌneꞌ Yaꞌanj cuno̱ níꞌ á ―taj Jesús a.

San Marcos 10:17

Dan me se ga̱a nayón Jesús chrej, ne̱ dan me se cunánj ꞌo̱ síí tachru̱u̱ caꞌnaꞌ soꞌ rihaan Jesús, ne̱ caꞌanj ca̱yáán ru̱j síí tachru̱u̱ yoꞌ rihaan Jesús, ne̱ xnáꞌanj soꞌ man Jesús a: ―Maestro, síí sa̱ꞌ ina̱nj mé so̱ꞌ ado̱nj. Da̱j qui̱ꞌyáj ga̱a ne̱ caꞌve̱e ca̱yánj ga̱ Yaꞌanj nu̱ꞌ cavii nu̱ꞌ caꞌanj ga̱ ―taj síí tachru̱u̱ yoꞌ a.

San Marcos 10:19

Ne̱ a̱j neꞌén so̱ꞌ nij suun noco̱o caꞌneꞌ Yaꞌanj cuno̱ níꞌ á. Dan me se nihánj me nij suun yoꞌ a: “Se̱ ticavíꞌ so̱ꞌ yuvii̱ maꞌ. Se̱ cotoj so̱ꞌ ga̱ ꞌó yuvii̱ sese né ni̱ca̱ so̱ꞌ me maꞌ. Se̱ quiꞌyaj itu̱u̱ so̱ꞌ siꞌyaj ꞌó yuvii̱ maꞌ. Se̱ nanó so̱ꞌ cuentó ne̱ cheꞌé yuvii̱ maꞌ. Se̱ tihaꞌ yuꞌunj so̱ꞌ man yuvii̱ cheꞌé saꞌanj maꞌ. Cara̱a̱ co̱chróó so̱ꞌ rihaan réé so̱ꞌ do̱ꞌ, rihaan nií so̱ꞌ do̱ꞌ á” ―taj Jesús a.

San Lucas 18:19

Ga̱a ne̱ cataj Jesús rihaan soꞌ a: ―Me cheꞌé cataj so̱ꞌ se vaa síí sa̱ꞌ ina̱nj mej ga̱. ꞌO̱ se o̱rúnꞌ Yaꞌanj me síí sa̱ꞌ ina̱nj ado̱nj.

Romanos 3:12

Tanáj cunuda̱nj yuvii̱ stucua̱nj Yaꞌanj, ne̱ taj se gúnꞌ man nij yuvii̱ a̱ maꞌ. A̱ ꞌó yuvii̱ ne ꞌyaj se sa̱ꞌ maꞌ.

Santiago 1:17

Xca̱j soj cuentá se vaa da̱j a̱ se sa̱ꞌ vaa rihaan níꞌ roꞌ, Yaꞌanj me síí rqué nij yoꞌ, ne̱ dan me se ma̱an rej ya̱nj maꞌa̱n ya̱ síí ꞌyaj avii yaꞌan chuguu̱n roꞌ, ma̱an dan ꞌnaꞌ nu̱ꞌ se sa̱ꞌ do̱ꞌ, se lu̱j do̱ꞌ, se niꞌya̱nj do̱ꞌ á. Dan me se se̱ caꞌvee natuna̱ snana̱ soꞌ nana̱ sa̱ꞌ nana̱ nica̱ ya̱ ya̱ maꞌ. ꞌO̱ vaa rá soꞌ, ne̱ se̱ caꞌvee cunu̱u ino̱ Yaꞌanj a̱ maꞌ. ꞌO̱ sa̱ꞌ ꞌyaj soꞌ ga̱ níꞌ na̱nj ado̱nj.

1 Juan 4:16

Ne̱ a̱j neꞌen núj se vaa ꞌe̱e̱ rá Yaꞌanj man níꞌ, ne̱ amán rá núj se vaa ꞌe̱e̱ rá soꞌ man níꞌ ado̱nj. Yaꞌanj me síí ꞌe̱e̱ rá man níꞌ na̱nj á. Ne̱ síí ꞌo̱ ꞌe̱e̱ rá man tuviꞌ roꞌ, soꞌ me síí ꞌo̱ nocoꞌ man Yaꞌanj, ne̱ ꞌo̱ ne Yaꞌanj nimán soꞌ ado̱nj.

1 Juan 4:8

Ne̱ síí ne ꞌe̱e̱ rá man tuviꞌ me se ataa xca̱j soꞌ cuentá cheꞌé Yaꞌanj na̱nj ado̱nj. ꞌO̱ se ataa xca̱j soꞌ cuentá se vaa Yaꞌanj me síí ꞌe̱e̱ ina̱nj rá man níꞌ ado̱nj.