San Marcos 10:17 - Triqui de San Juan Copala

¹⁷ Dan me se ga̱a nayón Jesús chrej, ne̱ dan me se cunánj ꞌo̱ síí tachru̱u̱ caꞌnaꞌ soꞌ rihaan Jesús, ne̱ caꞌanj ca̱yáán ru̱j síí tachru̱u̱ yoꞌ rihaan Jesús, ne̱ xnáꞌanj soꞌ man Jesús a: ―Maestro, síí sa̱ꞌ ina̱nj mé so̱ꞌ ado̱nj. Da̱j qui̱ꞌyáj ga̱a ne̱ caꞌve̱e ca̱yánj ga̱ Yaꞌanj nu̱ꞌ cavii nu̱ꞌ caꞌanj ga̱ ―taj síí tachru̱u̱ yoꞌ a.

San Marcos 10:17 ပူးပေါင်းရင်းမြစ်များ

San Mateo 17:14

Ga̱a ne̱ caꞌanj nij soꞌ rej va̱j ndoꞌo yuvii̱, ne̱ cuchiꞌ ꞌo̱ snóꞌo rihaan Jesús, ne̱ caꞌanj ca̱yáán ru̱j soꞌ rihaan Jesús, ne̱ cataj soꞌ a:

San Mateo 25:34

’Ne̱ guún ꞌu̱nj síí nica̱j suun rey, quiri̱i̱ taꞌngáꞌ ꞌu̱nj rihaan nij soꞌ, ne̱ dan me se caꞌmi̱i̱ ꞌu̱nj rihaan nij síí nicu̱nꞌ rej nuva̱ꞌ ꞌu̱nj, cata̱j ꞌu̱nj a: “Caꞌna̱ꞌ soj si̱j ꞌyaj Réé ꞌu̱nj se lu̱j rihaan á. Ni̱caj soj rej sa̱ꞌ ndoꞌo ca̱yáán soj rej quiꞌyaj chuvi̱i Réé ꞌu̱nj asi̱j güii quiꞌyaj soꞌ chumii̱ á.

San Mateo 28:8

Veé dan, ne curiha̱nj ro̱j chana̱ caꞌanj ro̱j noꞌ a. Veé ro̱j noꞌ cuchuꞌviꞌ, ne̱ veé ro̱j noꞌ guun niha̱ꞌ rá uún a. Veé dan me se cunánj ndoꞌo ro̱j noꞌ, cata̱j xnaꞌanj ro̱j noꞌ rihaan nij síí tucuꞌyón snana̱ Jesús nu̱ꞌ se vaa queneꞌen ro̱j noꞌ do̱ꞌ, nu̱ꞌ nana̱ cataj xnaꞌanj se‑mo̱zó Yaꞌanj rihaan ro̱j noꞌ do̱ꞌ a.

San Marcos 1:40

Ga̱a ne̱ caꞌnaꞌ ꞌo̱ síí ranꞌ luj riꞌyuj, ne̱ caꞌanj ca̱yáán ru̱j soꞌ tacóó Jesús, ne̱ cachíín niꞌya̱j soꞌ rihaan Jesús a: ―Sese me rá so̱ꞌ, ne̱ caꞌve̱e naquiꞌya̱j sa̱ꞌ so̱ꞌ manj á ―taj soꞌ a.

San Marcos 10:18

Ga̱a ne̱ cataj Jesús rihaan soꞌ a: ―Me cheꞌé cataj so̱ꞌ se vaa síí sa̱ꞌ ina̱nj mej ga̱. ꞌO̱ se o̱rúnꞌ Yaꞌanj me síí sa̱ꞌ ado̱nj.

San Marcos 12:14

Dan me se cuchiꞌ nij síí tihaꞌ yuꞌunj yoꞌ rihaan Jesús, ne̱ cataj nij soꞌ rihaan soꞌ a: ―Neꞌen núj se vaa nana̱ ya̱ ina̱nj aꞌmii so̱ꞌ, maestro. Ne̱ ne chuꞌvíꞌ so̱ꞌ niꞌya̱j so̱ꞌ man nij yuvii̱ da̱j cata̱j nij yuvii̱ maꞌ. Ne̱ ꞌo̱ cuya̱a̱n vaa nu̱ꞌ yuvii̱ rihaan so̱ꞌ chugua̱nj. Ma̱an se ya̱ tucuꞌyón so̱ꞌ rihaan yuvii̱ da̱j quiꞌya̱j yuvii̱ canoco̱ꞌ yuvii̱ man Yaꞌanj ado̱nj. Ne̱ no̱ xcúún yuvii̱ rque̱ yuvii̱ impuestó rihaan síí nica̱j suun emperador César naꞌ. Ase se̱ rqué yuvii̱ xa̱ꞌ. Dan me se rque̱ núj naꞌ. Se̱ rqué núj xa̱ꞌ ―taj nij soꞌ a.

San Marcos 9:25

Dan me se queneꞌen Jesús se vaa cunánj ndoꞌo yuvii̱ caꞌna̱ꞌ nij yuvii̱ rej nicu̱nꞌ soꞌ, ne̱ cheꞌé dan nucua̱j caꞌmii Jesús rihaan nana̱ chre̱e yoꞌ a: ―Rihaan so̱ꞌ na̱na̱ chre̱e quiꞌyaj yaꞌmi̱i ne̱ quiꞌyaj soꞌo̱ man xnii nihánj aꞌmij, ne̱ aꞌnéꞌ ꞌu̱nj suun rihaan so̱ꞌ se vaa cu̱riha̱nj so̱ꞌ cuaj nimán soꞌ cuano̱, ne̱ daj chiha̱a̱ míj se̱ catúj uún so̱ꞌ nimán soꞌ a̱ maꞌ ―taj Jesús a.

San Lucas 10:25

Dan me se canicunꞌ caya̱ ꞌo̱ síí naquiꞌyaj cu̱u stucua̱nj Moisés, ne̱ guun rá soꞌ quiri̱ꞌ soꞌ rej cara̱a soꞌ cacunꞌ xráá Jesús a. Cheꞌé dan xnáꞌanj soꞌ ꞌo̱ nana̱ man Jesús a: ―Da̱j qui̱ꞌyáj, ga̱a ne̱ caꞌve̱e ca̱yánj ga̱ Yaꞌanj nu̱ꞌ cavii nu̱ꞌ caꞌanj, ga̱a maestro̱ꞌ ―taj soꞌ rihaan Jesús a.

San Juan 3:2

Dan me se rej nii̱ caꞌnaꞌ soꞌ rihaan Jesús, ne̱ cataj soꞌ a: ―Neꞌen núj se vaa si̱j caꞌnéé Yaꞌanj tu̱cuꞌyón man yuvii̱ mé so̱ꞌ, maestro. ꞌO̱ se sese nuviꞌ Yaꞌanj racuíj mán so̱ꞌ, ne̱ se̱ guun nu̱cuáá so̱ꞌ qui̱ꞌyáá so̱ꞌ nij suun sa̱ꞌ noco̱o nda̱a vaa ꞌyáá so̱ꞌ nihánj cuano̱ asuun maꞌ ―taj soꞌ rihaan Jesús a.

San Juan 5:39

Dan me se ya̱nj uxrá nayaa soj Danj Yaꞌanj, cheꞌé se me rá soj xca̱j soj cuentá da̱j quiꞌya̱j soj ne̱ caꞌve̱e ca̱yáán soj ga̱ Yaꞌanj nu̱ꞌ cavii nu̱ꞌ caꞌanj na̱nj á. Ne̱ veé maꞌa̱n Danj Yaꞌanj taj xnaꞌanj cheꞌé ꞌu̱nj a.

San Juan 6:40

ꞌO̱ se nihánj me se vaa me rá Réj Yaꞌanj na̱nj á. Me rá soꞌ ꞌo̱ ga̱a̱ iꞌna̱ꞌ ta̱ranꞌ nij síí amán rá niꞌya̱j manj nu̱ꞌ cavii nu̱ꞌ caꞌanj ga̱ soꞌ a. Ne̱ ꞌu̱nj me síí quiꞌya̱j cunu̱u iꞌna̱ꞌ uún nij soꞌ asa̱ꞌ quisíj güii caꞌa̱nj niꞌya̱ chumii̱ nihánj ado̱nj ―taj Jesús rihaan nij yuvii̱ a.

Hechos 16:30

Dan me se caꞌanj nica̱j soꞌ man ro̱j soꞌ xeꞌ, ne̱ xnáꞌanj soꞌ man ro̱j soꞌ, cataj soꞌ a: ―Da̱j qui̱ꞌyáj, ga̱a ne̱ caꞌve̱e nani̱i̱ ꞌu̱nj rihaan sayuun qui̱ránꞌ ꞌu̱nj ga̱ ―taj soꞌ, xnáꞌanj soꞌ man ro̱j soꞌ a.

Hechos 2:37

Dan me se ga̱a cuno nij yuvii̱ nana̱ yoꞌ, ne̱ quinanó ndoꞌo rá nimán nij soꞌ, ne̱ xnáꞌanj nij soꞌ man Pedró ga̱ ꞌó nij síí ata̱ suun caꞌa̱nj nata̱ꞌ snana̱ Jesús, cataj nij soꞌ a: ―Ne̱ da̱j quiꞌya̱j núj, ga̱ tinu̱ꞌ ―taj nij soꞌ, xnáꞌanj nij soꞌ man nij tuvi̱ꞌ Pedró a.

Hechos 20:32

’Ne̱ cuano̱ nihánj me se nucua̱j rá ꞌu̱nj man maꞌa̱n Yaꞌanj se vaa tu̱mé Yaꞌanj man soj, ne̱ nucua̱j rá ꞌu̱nj man snana̱ Yaꞌanj se vaa cuno̱ soj nana̱ yoꞌ ne̱ caꞌve̱e quiꞌya̱j ndoꞌo Yaꞌanj se lu̱j ga̱ soj a. Dan me se sa̱ꞌ doj canoco̱ꞌ soj man Yaꞌanj, quiꞌya̱j snana̱ Yaꞌanj yoꞌ, ne̱ gu̱un tuvi̱ꞌ soj ga̱ cunuda̱nj ꞌó nij síí cunuu sa̱ꞌ nimán rihaan Yaꞌanj, ne̱ caꞌve̱e quiri̱ꞌ soj xnaꞌanj niꞌya̱j cataꞌ tuꞌva Yaꞌanj ga̱a rque̱ ado̱nj.

Hechos 9:6

Tza̱j ne̱ na̱xaga̱a̱ so̱ꞌ caꞌa̱nj so̱ꞌ nda̱a chumanꞌ Damasco, ga̱a ne̱ cata̱j nii rihaan so̱ꞌ da̱j qui̱ꞌyáá so̱ꞌ á ―taj Jesús rihaan Saulo a.

Romanos 2:7

Dan me se taꞌa̱j yuvii̱ racuíj man tuviꞌ nij soꞌ, ne̱ ina̱nj ꞌyaj nij soꞌ se sa̱ꞌ cheꞌé tuviꞌ nij soꞌ, cheꞌé rej niꞌndaj ya̱ sa̱ꞌ quiꞌya̱j Yaꞌanj ga̱ nij soꞌ ne̱ caꞌmi̱i̱ cochro̱j Yaꞌanj cheꞌé nij soꞌ a. Me rá nij soꞌ ca̱yáán nij soꞌ ga̱ Yaꞌanj nu̱ꞌ cavii nu̱ꞌ caꞌanj, ne̱ ya̱ uxrá da̱nj ga̱a̱ quiꞌya̱j Yaꞌanj á.

Romanos 6:23

Dan me se cheꞌé cacunꞌ ꞌyaj yuvii̱ me se ꞌo̱ gu̱un yaníj nimán nij yuvii̱ rihaan Yaꞌanj nu̱ꞌ cavii nu̱ꞌ caꞌanj, tza̱j ne̱ quiꞌyaj maꞌa̱n Yaꞌanj se lu̱j ga̱ níꞌ cheꞌé Cristó Jesús Si̱j ꞌNi̱j Raꞌa man níꞌ se vaa caꞌve̱e ca̱yáán níꞌ ga̱ soꞌ nu̱ꞌ cavii nu̱ꞌ caꞌanj ado̱nj.

Efesios 1:18

Dan me se sa̱ꞌ doj xca̱j soj cuentá, ne̱ queneꞌe̱n soj me cheꞌé nacúún Yaꞌanj man soj, ne̱ queneꞌe̱n soj nu̱ꞌ se vaa quiꞌya̱j Yaꞌanj cheꞌé soj, ne̱ gu̱un ya̱ rá soj se vaa vaa cheꞌé ndoꞌo nocoꞌ soj man Cristó ado̱nj. Queneꞌe̱n soj se vaa niꞌndaj ya̱ sa̱ꞌ vaa se quiꞌya̱j Yaꞌanj cheꞌé ta̱ranꞌ níꞌ si̱j noco̱ꞌ man soꞌ,

Tito 3:7

Se lu̱j quiꞌyaj soꞌ me se tinavij soꞌ cacunꞌ xráá níꞌ, ne̱ cunuu sa̱ꞌ nimán níꞌ, quiꞌyaj soꞌ, ne̱ ma̱an cheꞌé dan rque̱ ndoꞌo Yaꞌanj se sa̱ꞌ rihaan níꞌ ne̱ caꞌa̱nj níꞌ ca̱yáán níꞌ ga̱ soꞌ nu̱ꞌ cavii nu̱ꞌ caꞌanj nda̱a vaa naꞌvi̱j ya̱ níꞌ na̱nj ado̱nj.

Hebreos 1:14

Dan me se xa̱ꞌ nij se‑mo̱zó Yaꞌanj, tza̱j ne̱ nana̱ u̱u̱n me nij soꞌ a. Síí nu̱u̱ rihaan Yaꞌanj me nij soꞌ, ne̱ aꞌnéé Yaꞌanj man nij soꞌ ra̱cuíj nij soꞌ man níꞌ si̱j nani̱i̱ rihaan sayuun ne̱ cavi̱i̱ sa̱ꞌ na̱nj ado̱nj.

1 Pedro 1:4

Ne̱ dan me se vaa se sa̱ꞌ nica̱j Yaꞌanj rque̱ Yaꞌanj man soj asa̱ꞌ nucuiꞌ soj rihaan soꞌ, ne̱ daj chiha̱a̱ míj se̱ quiriꞌ se sa̱ꞌ yoꞌ, ne̱ ꞌo̱ ga̱a̱ sa̱ꞌ yoꞌ nu̱ꞌ cavii nu̱ꞌ caꞌanj na̱nj ado̱nj.

1 Juan 2:25

Ne̱ nihánj me nana̱ cataꞌ tuꞌva maꞌa̱n Cristó rihaan níꞌ, se vaa caꞌve̱e ca̱yáán níꞌ ga̱ Yaꞌanj nu̱ꞌ cavii nu̱ꞌ caꞌanj ya̱ ado̱nj.