San Marcos 10:14 - Triqui de San Juan Copala

¹⁴ Tza̱j ne̱ xcaj Jesús cuentá da̱j quiꞌyaj nij síí tucuꞌyón snana̱ soꞌ, ga̱a ne̱ caꞌmaan rá Jesús, ne̱ cataj soꞌ rihaan nij soꞌ a: ―Caꞌne̱ꞌ rá soj caꞌna̱ꞌ nij xnii leꞌe̱j rihanj á. Se̱ caráán soj chrej rihaan nij xnii leꞌe̱j a̱ maꞌ. ꞌO̱ se nij síí vaa da̱j se vaa xnii leꞌe̱j roꞌ, síí aꞌvej rá gu̱un chij Yaꞌanj nimán me nij soꞌ na̱nj ado̱nj.

San Marcos 10:14 ပူးပေါင်းရင်းမြစ်များ

San Mateo 18:10

’Tu̱mé soj man soj se̱ cataj soj se vaa taj yuꞌvee nó ꞌo̱ tuviꞌ soj síí nica̱ꞌ nimán maꞌ. ꞌO̱ se cata̱j xnaꞌanj ꞌu̱nj rihaan soj cuano̱ se vaa vaa se‑mo̱zó Réé ꞌu̱nj síí nicu̱nꞌ xta̱ꞌ tumé man ꞌo̱ ꞌo̱ nij soꞌ na̱nj ado̱nj. Ne̱ niga̱nj nicunꞌ nij soꞌ rihaan Réj, ne̱ uno Réj nu̱ꞌ nana̱ nataꞌ nij soꞌ rihaan Réj a.

San Mateo 18:4

Dan me se sese naquiꞌya̱j nica̱ꞌ ꞌo̱ soꞌ nimán soꞌ ase vaa nimán xnii leꞌe̱j nihánj, ne̱ gu̱un soꞌ síí noco̱o doj rej uun chij Yaꞌanj na̱nj ado̱nj.

San Mateo 19:14

Tza̱j ne̱ cataj Jesús a: ―Caꞌne̱ꞌ rá soj caꞌna̱ꞌ nij xnii leꞌe̱j rihanj á. Se̱ caráán soj chrej rihaan nij soꞌ a̱ maꞌ. ꞌO̱ se nij síí vaa da̱j se vaa xnii leꞌe̱j roꞌ, síí aꞌvej rá gu̱un chij Yaꞌanj nimán me nij soꞌ na̱nj ado̱nj ―taj Jesús a.

San Mateo 5:10

’Cavi̱i̱ sa̱ꞌ ta̱ranꞌ nij síí ranꞌ sayuun ꞌyaj tuviꞌ cheꞌé se veꞌé sa̱ꞌ ꞌyaj nij soꞌ ado̱nj. ꞌO̱ se a̱j uun chij Yaꞌanj nimán nij soꞌ ado̱nj.

San Mateo 5:3

―Cavi̱i̱ sa̱ꞌ ta̱ranꞌ nij síí vaa nica̱ꞌ nimán ado̱nj. ꞌO̱ se a̱j uun chij Yaꞌanj nimán nij soꞌ ado̱nj.

San Marcos 3:5

Ga̱a ne̱ caꞌmaan rá Jesús, ne̱ niꞌya̱j soꞌ man nij síí fariseo yoꞌ a. ꞌO̱ se nanó ndoꞌo rá soꞌ cheꞌé se síí nichra̱j ndoꞌo nimán me nij soꞌ a. Ga̱a ne̱ cataj Jesús rihaan síí nacoo̱ raꞌa yoꞌ a: ―Tu̱cuá so̱ꞌ raꞌá so̱ꞌ á ―taj Jesús a. Ne̱ tucuá soꞌ raꞌa soꞌ, ne̱ cunuu sa̱ꞌ raꞌa soꞌ na̱nj ado̱nj.

San Marcos 8:33

Ga̱a ne̱ canica̱j Jesús, ne̱ niꞌya̱j soꞌ man nij síí tucuꞌyón snana̱ soꞌ, ne̱ nucua̱j caꞌmii soꞌ rihaan Pedró a: ―Naxu̱u̱n so̱ꞌ mán so̱ꞌ rihanj á. ꞌO̱ se ase tuꞌva Síí Chre̱e roꞌ, da̱nj tuꞌvá so̱ꞌ asânj. Da̱nj tuꞌvá so̱ꞌ, cheꞌé se ne acaj so̱ꞌ cuentá da̱j me rá Yaꞌanj ado̱nj. Ma̱an se ina̱nj acaj so̱ꞌ cuentá da̱j me rá yuvii̱ na̱nj ado̱nj ―taj Jesús a.

San Juan 3:3

Ga̱a ne̱ cataj Jesús rihaan soꞌ a: ―Ya̱ ya̱ cata̱j xnaꞌanj ꞌu̱nj rihaan so̱ꞌ cuano̱ se vaa síí se̱ caꞌngaa naca̱ uún roꞌ, daj chiha̱a̱ míj se̱ caꞌvee queneꞌe̱n soꞌ se vaa uun chij Yaꞌanj a̱ maꞌ ―taj Jesús rihaan soꞌ a.

San Juan 3:5

Ga̱a ne̱ cataj uún Jesús a: ―Ya̱ ya̱ cata̱j xnaꞌanj ꞌu̱nj rihaan so̱ꞌ se vaa sese se̱ caꞌngaa ꞌo̱ soꞌ quiꞌya̱j na, ne̱ sese se̱ caꞌngaa naca̱ nimán soꞌ, ne̱ se̱ caꞌvee catu̱u̱ soꞌ rej uun chij Yaꞌanj a̱ maꞌ.

Hechos 2:39

Dan me se cataꞌ tuꞌva Yaꞌanj se vaa quiꞌya̱j soꞌ da̱nj cheꞌé nij soj do̱ꞌ, cheꞌé taꞌníí soj do̱ꞌ, cheꞌé nij síí ya̱nj ga̱nꞌ do̱ꞌ a. Dan me se me maꞌa̱n síí nacu̱nj Yaꞌanj Si̱j ꞌNi̱j Raꞌa man níꞌ canoco̱ꞌ man soꞌ me se quiꞌya̱j Yaꞌanj da̱nj cheꞌé soꞌ ado̱nj ―taj Pedró rihaan nij yuvii̱ israelitá yoꞌ a.

Hechos 3:25

’Ne̱ rihaan maꞌa̱n nij soj caꞌmii nij síí nataꞌ snana̱ Yaꞌanj, ne̱ maꞌa̱n nij soj me nij síí cavi̱i̱ sa̱ꞌ quiꞌya̱j Yaꞌanj, nda̱a vaa cataꞌ tuꞌva Yaꞌanj rihaan xi̱i níꞌ ga̱a naá na̱nj á. Dan me se rihaan xi̱i níꞌ síí cuꞌna̱j Abraham cataj Yaꞌanj a: “Dan me se cavi̱i̱ sa̱ꞌ ta̱ranꞌ nij xꞌneꞌ yuvii̱ ino̱ vaa stucua̱nj ma̱n rihaan chumii̱, quiꞌya̱j taꞌníí taꞌnij siꞌno̱ so̱ꞌ a”, taj Yaꞌanj rihaan Abraham a.

Romanos 11:16

Ya̱ naca̱j uún Yaꞌanj man nij yuvii̱ israelitá na̱nj á. ꞌO̱ se neꞌen níꞌ se vaa sese rque̱ nii cunj ꞌnúú trigó rii nii asino ya̱a̱n rihaan Yaꞌanj, ne̱ cunu̱u sa̱ꞌ cunu̱ꞌ cunj a. Ne̱ sese sa̱ꞌ vaa yáá chruun rihaan Yaꞌanj, ne̱ sa̱ꞌ vaa cunu̱ꞌ chruun yoꞌ ado̱nj. Cheꞌé dan neꞌen níꞌ se vaa sese cunu̱u sa̱ꞌ taꞌa̱j nij yuvii̱ israelitá rihaan Yaꞌanj, ne̱ cunu̱u sa̱ꞌ cunuda̱nj nij yuvii̱ israelitá ado̱nj.

Romanos 11:28

Dan me se ne gu̱un ya̱ rá nij yuvii̱ israelitá nana̱ sa̱ꞌ cheꞌé Cristó maꞌ. Cheꞌé dan guun yaníj nij soꞌ rihaan Yaꞌanj, ne̱ vaa yaꞌnúj rihaan Yaꞌanj catu̱u̱ soj si̱j yaníj a. Tza̱j ne̱ asi̱j naá narii Yaꞌanj man nij xi̱i nij yuvii̱ israelitá, ne̱ cheꞌé dan ꞌo̱ ꞌe̱e̱ rá Yaꞌanj man nij soꞌ nda̱a cuano̱ ado̱nj.

1 Corintios 14:20

Ga̱a̱ sca̱ꞌ raa̱ nij soj, tinu̱j, nocoj. Se̱ gaa raa̱ soj ase vaa raa̱ ꞌo̱ xnii maꞌ. Dan me se ase vaa neꞌej ataa nari̱ꞌ quiꞌya̱j cacunꞌ roꞌ, da̱nj ga̱a̱ soj, tza̱j ne̱ ga̱a̱ sca̱ꞌ raa̱ soj á.

1 Corintios 7:14

Yaꞌanj me se niꞌya̱j soꞌ man nica̱ chana̱ noco̱ꞌ man Cristó, snóꞌo ne nocoꞌ man Cristó, da̱j se vaa nica̱ ya̱ noꞌ me soꞌ a. Ne̱ niꞌya̱j Yaꞌanj man nica̱ snóꞌo noco̱ꞌ man Cristó, chana̱ ne nocoꞌ man Cristó, da̱j se vaa nica̱ ya̱ soꞌ me noꞌ a. Se taj, ne̱ xnii scu̱ꞌ me taꞌníí ro̱j soꞌ, tza̱j ne̱ né da̱nj vaa maꞌ. Xnii sa̱ꞌ me taꞌníí ro̱j soꞌ ado̱nj.

Efesios 4:26

Nda̱ꞌ se aꞌmaan ndoꞌo rá soj, tza̱j ne̱ se̱ quiꞌyaj soj cacunꞌ maꞌ. Ne̱ raꞌya̱nj naꞌma̱a̱n rá uún soj cuaj na̱nj á. Se̱ caꞌvej rá soj ꞌo̱ ga̱a̱ yuva̱a̱ nimán soj cunu̱ꞌ güii maꞌ.

2 Timoteo 1:5

Dan me se achíín ni̱ꞌyáá ꞌu̱nj cheꞌé so̱ꞌ cheꞌé se nuû rá ꞌu̱nj se vaa ya̱ nocóꞌ so̱ꞌ Yaꞌanj ne̱ ne tihaꞌ yuꞌunj so̱ꞌ maꞌ. Dan me se tucuáán nica̱j nií so̱ꞌ chana̱ cuꞌna̱j Eunice ga̱ xcua̱ꞌáán so̱ꞌ chana̱ cuꞌna̱j Loida roꞌ, nica̱j ma̱ꞌán so̱ꞌ uún, raj a.

2 Timoteo 3:15

Ne̱ a̱j neꞌén so̱ꞌ se vaa asi̱j neꞌej mé so̱ꞌ, ne̱ queneꞌén so̱ꞌ da̱j taj Danj Yaꞌanj Yanj Gue̱e̱, ne̱ yanj yoꞌ me se aꞌvee ꞌyaj mé so̱ꞌ síí cu̱u raa̱, ne̱ cheꞌé dan cuchumán rá so̱ꞌ niꞌya̱j so̱ꞌ man Cristó Jesús, ne̱ nani̱i̱ so̱ꞌ rihaan sayuun ne̱ cavi̱i̱ sa̱ꞌ so̱ꞌ na̱nj ado̱nj.

1 Pedro 2:2

Ase vaa me ndoꞌo rá leé no̱ cutzi̱i leé no̱ too roꞌ, da̱nj gu̱un ndoꞌo rá soj tu̱cuꞌyón soj snana̱ Yaꞌanj nana̱ ya̱ na̱nj á. Ase vaa racuíj too man leé no̱ achij leé no̱ roꞌ, da̱nj ga̱a̱ ra̱cuíj snana̱ Yaꞌanj man soj cunu̱u sca̱ꞌ nimán soj chugua̱nj. Dan, ga̱a ne̱ nani̱i̱ soj rihaan sayuun ne̱ cavi̱i̱ sa̱ꞌ ndoꞌo soj, quiꞌya̱j Yaꞌanj ado̱nj.

Apocalipsis 14:5

Ne̱ dan me se taj va̱j a̱ doj nana̱ ne̱ ne caꞌmi̱i̱ nij soꞌ maꞌ. ꞌO̱ se si̱j vaa sa̱ꞌ ina̱nj me nij soꞌ na̱nj ado̱nj.