San Marcos 1:44 - Triqui de San Juan Copala

⁴⁴ ne̱ cataj Jesús rihaan soꞌ a: ―Se̱ guun cata̱j xnaꞌanj so̱ꞌ a̱ doj nana̱ rihaan a̱ ꞌó yuvii̱ maꞌ. Ma̱an se caꞌa̱nj so̱ꞌ rihaan xrej, ne̱ ti̱haán so̱ꞌ mán so̱ꞌ rihaan xrej se vaa nahuún so̱ꞌ, quiꞌyaj Yaꞌanj, ne̱ rque̱ so̱ꞌ rihaan Yaꞌanj nda̱a vaa cataj síí cuꞌna̱j Moisés ga̱a naá nda̱a vaa no̱ xcúún so̱ꞌ rque̱ so̱ꞌ rihaan Yaꞌanj cheꞌé yan nahuún so̱ꞌ ado̱nj. Ga̱a ne̱ xca̱j nii cuentá se vaa nahuun yá yá so̱ꞌ ado̱nj ―taj Jesús a.

San Marcos 1:44 ပူးပေါင်းရင်းမြစ်များ

San Mateo 8:4

Ga̱a ne̱ cataj Jesús rihaan soꞌ a: ―Tu̱mé so̱ꞌ mán so̱ꞌ se̱ cataj xnaꞌanj so̱ꞌ rihaan yuvii̱ cheꞌé se lu̱j quiꞌyáá ꞌu̱nj cheꞌé so̱ꞌ maꞌ. Ma̱an se cuchi̱ꞌ so̱ꞌ rihaan xrej, ne̱ ti̱haán so̱ꞌ mán so̱ꞌ rihaan xrej se vaa nahuún so̱ꞌ, ne̱ rque̱ so̱ꞌ rihaan Yaꞌanj se vaa cataj síí cuꞌna̱j Moisés ga̱a naá nda̱a vaa no̱ xcúún so̱ꞌ rque̱ so̱ꞌ rihaan Yaꞌanj á. Ga̱a ne̱ xca̱j nij xrej cuentá se vaa nahuún so̱ꞌ quiꞌyáj ado̱nj ―taj Jesús rihaan síí nahuun yoꞌ a.

San Marcos 1:43

Ga̱a ne̱ caꞌmii nucua̱j Jesús ga̱ soꞌ, ne̱ quirii Jesús man soꞌ rá veꞌ,

San Lucas 17:14

Ga̱a ne̱ queneꞌen Jesús man nij soꞌ, ga̱a ne̱ cataj Jesús rihaan nij soꞌ a: ―Cavi̱i̱ soj caꞌa̱nj soj, ne̱ ti̱haa̱n soj man soj rihaan nij xrej á ―taj Jesús rihaan nij soꞌ a. Dan me se cuno nij soꞌ nana̱ caꞌmii Jesús, ne̱ cavii nij soꞌ, caꞌanj nij soꞌ, ne̱ ga̱a va̱j nij soꞌ chrej, ne̱ nahuun sa̱ꞌ cunuda̱nj nij soꞌ a.

San Lucas 5:14

Dan me se caꞌneꞌ Jesús suun rihaan síí nahuun yoꞌ se vaa se̱ cataj xnaꞌanj soꞌ rihaan a̱ ꞌó yuvii̱ cheꞌé se vaa quiranꞌ soꞌ maꞌ. Ga̱a ne̱ cataj uún Jesús rihaan soꞌ a: ―Caꞌa̱nj so̱ꞌ rihaan xrej, ne̱ ti̱haán so̱ꞌ mán so̱ꞌ rihaan xrej se vaa nahuún so̱ꞌ, ne̱ rque̱ so̱ꞌ rihaan Yaꞌanj se vaa cataj síí cuꞌna̱j Moisés ga̱a naá nda̱a vaa no̱ xcúún so̱ꞌ rque̱ so̱ꞌ rihaan Yaꞌanj cheꞌé se nahuún so̱ꞌ ado̱nj. Ga̱a ne̱ xca̱j nij xrej cuentá se vaa nahuún so̱ꞌ quiꞌyáj ado̱nj ―taj Jesús rihaan síí nahuun yoꞌ a.

Hechos 23:22

Ne̱ tanuu uun chij yoꞌ roꞌ, naꞌnéé soꞌ chrej man síí tachru̱u̱ yoꞌ a. Ne̱ caꞌneꞌ soꞌ suun rihaan síí tachru̱u̱ se vaa se̱ cataj xnaꞌanj soꞌ rihaan a̱ ꞌó yuvii̱ se vaa a̱j nataꞌ soꞌ nana̱ vaa da̱nj rihaan tanuu yoꞌ maꞌ.

Romanos 15:4

Ga̱a naá me se cachrón nii nana̱ rihaan Danj Yaꞌanj yan nari̱ꞌ maꞌa̱n níꞌ da̱j quiꞌya̱j níꞌ ga̱a ne̱ gu̱un nucua̱j níꞌ quiꞌya̱j canaán níꞌ rihaan sayuun ne̱ nari̱ꞌ nucuaj nimán níꞌ ga̱a ne̱ caꞌve̱e gu̱un ya̱ rá níꞌ se vaa vaa güii cavi̱i̱ sa̱ꞌ níꞌ a.

1 Corintios 10:11

Ina̱nj da̱nj quiranꞌ nij yuvii̱ israelitá nij síí cumán ga̱a naá, ga̱a ne̱ cachrón nii nana̱ nihánj cheꞌé nij soꞌ rihaan yanj, cheꞌé yan xca̱j níꞌ cuentá da̱j quiꞌya̱j níꞌ tiempó ya̱j, cheꞌé se nichrunꞌ quisi̱j ya̱ nu̱ꞌ se vaa ataꞌ tuꞌva Yaꞌanj cheꞌé chumii̱ a.