San Marcos 1:24 - Triqui de San Juan Copala

²⁴ ―Jesús si̱j cavii Nazaret, me cheꞌé raꞌyunj so̱ꞌ man núj ga̱. ꞌNáꞌ so̱ꞌ ti̱ríꞌ so̱ꞌ man núj naꞌ. Neꞌenj mán so̱ꞌ se vaa Síí Sa̱ꞌ Ina̱nj cavii rihaan Yaꞌanj mé so̱ꞌ ado̱nj ―taj soꞌ quiꞌyaj nana̱ chre̱e nu̱u̱ nimán soꞌ a.

San Marcos 1:24 ပူးပေါင်းရင်းမြစ်များ

San Mateo 2:23

ne̱ cuchiꞌ soꞌ chumanꞌ Nazaret, ne̱ cayáán soꞌ chumanꞌ yoꞌ a. Veé dan quisíj ya̱ nu̱ꞌ nana̱ cataj nij síí nataꞌ snana̱ Yaꞌanj ga̱a naá a: “Síí cavii Nazaret me Síí Caꞌne̱j Yaꞌanj ado̱nj”, taj nij soꞌ a.

San Mateo 8:29

Dan me se caguáj ro̱j soꞌ rihaan Jesús, cataj ro̱j soꞌ a: ―Ya̱ neꞌen núj se vaa Taꞌni̱j Yaꞌanj mé so̱ꞌ á. Me cheꞌé caꞌnáꞌ so̱ꞌ rej ma̱n núj ga̱. Caꞌnáꞌ so̱ꞌ qui̱ꞌyáá so̱ꞌ sayuun man núj naꞌ. ꞌO̱ se ataa doj quisi̱j güii qui̱ꞌyáá so̱ꞌ sayuun man núj ado̱nj ―taj ro̱j soꞌ rihaan Jesús a.

San Marcos 1:23

Ne̱ dan me se ꞌo̱ güii naránj rá yáán ꞌo̱ síí nu̱u̱ nana̱ chre̱e nimán rá veꞌ yoꞌ, ne̱ caguáj soꞌ a:

San Marcos 1:25

Ga̱a ne̱ caxríj yuva̱a̱ Jesús man nana̱ chre̱e nu̱u̱ nimán snóꞌo yoꞌ, cataj soꞌ a: ―Dínj tuꞌvá so̱ꞌ, cu̱riha̱nj so̱ꞌ cuaj nimán síí nihánj á ―taj Jesús a.

San Marcos 10:47

Ga̱a ne̱ xcaj soꞌ cuentá se vaa Jesús síí cavii chumanꞌ Nazaret me síí cache̱n rej ya̱nj soꞌ, ne̱ cheꞌé dan guun cheꞌe̱ soꞌ caguáj soꞌ, ne̱ cataj soꞌ a: ―Taꞌníí Taꞌnij Siꞌno̱ David síí cayáán ga̱a naá mé so̱ꞌ, Jesús. Cunu̱u ꞌe̱e̱ rá so̱ꞌ ni̱ꞌyaj so̱ꞌ manj rugua̱nj ―taj soꞌ a.

San Marcos 14:67

ne̱ queneꞌen noꞌ man Pedró ga̱a nuguu̱n soꞌ rihaan yaꞌan a. Ga̱a ne̱ niꞌya̱j uxrá mozó cha̱na̱ yoꞌ man Pedró, ga̱a ne̱ cataj noꞌ a: ―Ne̱ ma̱ꞌán so̱ꞌ me ꞌo̱ síí cachéé ga̱ Jesús síí cavii chumanꞌ Nazaret ado̱nj ―taj noꞌ a.

San Marcos 16:6

Ga̱a ne̱ cataj síí ya̱a̱n rihaan nij chana̱ a: ―Taj cheꞌé cuchuꞌvi̱ꞌ nij soj maꞌ. Nihánj me nanoꞌ nij soj man Jesús síí cavii chumanꞌ Nazaret síí cachrón nii rihaan rcutze̱ a. A̱j cunuu iꞌna̱ꞌ uún soꞌ na̱nj ado̱nj. Ne̱ ni̱ꞌyaj soj rej cuchruj nii man soꞌ, ne̱ xca̱j soj cuentá se vaa nuviꞌ soꞌ naj nihánj a̱ mado̱nj.

San Marcos 5:7

ne̱ nucua̱j ndoꞌo caguáj soꞌ rihaan Jesús, ne̱ cataj soꞌ a: ―A̱j neꞌén ꞌu̱nj se vaa Taꞌni̱j Yaꞌanj Si̱j Uun Chij Doj mé so̱ꞌ, Jesús. Me cheꞌé ꞌnáꞌ so̱ꞌ rej né ꞌu̱nj ga̱. Rqueé ꞌu̱nj man so̱ꞌ niꞌya̱j Yaꞌanj se vaa se̱ quiꞌyáá so̱ꞌ sayuun manj maꞌ ―taj síí nu̱u̱ nana̱ chre̱e nimán a.

San Lucas 1:35

Ga̱a ne̱ cataj se‑mo̱zó Yaꞌanj rihaan Mariá a: ―Nani̱j Nimán Yaꞌanj catu̱u̱ soꞌ nimán so̱ꞌ, ne̱ ca̱ráán se‑nucua̱j Yaꞌanj Si̱j Uun Chij Doj mán so̱ꞌ ga̱ scachu̱nꞌ soꞌ, ne̱ cheꞌé dan cuchru̱j so̱ꞌ neꞌej sa̱ꞌ ina̱nj rihaan Yaꞌanj, ne̱ Taꞌníí Yaꞌanj me neꞌej cuchru̱j so̱ꞌ, cata̱j yuvii̱ a.

San Lucas 24:19

Ga̱a ne̱ cataj Jesús a: ―Da̱j guun chumanꞌ Jerusalén ga̱ ―taj Jesús, xnáꞌanj soꞌ man ro̱j soꞌ a. Ga̱a ne̱ cataj ro̱j soꞌ rihaan Jesús a: ―Nu̱ꞌ se vaa quiranꞌ Jesús síí cavii chumanꞌ Nazaret a. Ne̱ soꞌ me síí guun síí nataꞌ snana̱ Yaꞌanj rihaan nij yuvii̱ a. Ne̱ síí uun nucua̱j ndoꞌo quiꞌyaj suun sa̱ꞌ noco̱o me soꞌ, ne̱ síí cavii ndoꞌo nana̱ sa̱ꞌ tuꞌva cheꞌé Yaꞌanj me soꞌ rihaan cunuda̱nj nij yuvii̱ a.

San Lucas 4:34

―Jesús si̱j cavii Nazaret, me cheꞌé raꞌyunj so̱ꞌ man núj ga̱. ꞌNáꞌ so̱ꞌ ti̱ríꞌ so̱ꞌ man núj naꞌ. Neꞌenj mán so̱ꞌ se vaa Síí Sa̱ꞌ Ina̱nj cavii rihaan Yaꞌanj mé so̱ꞌ ado̱nj ―taj soꞌ quiꞌyaj nana̱ chre̱e nu̱u̱ nimán soꞌ a.

San Lucas 8:28

Dan me se caꞌneꞌ Jesús suun rihaan nana̱ chre̱e se vaa cu̱riha̱nj nana̱ chre̱e nimán soꞌ a. ꞌO̱ se quisíj queꞌe̱e̱ canó nana̱ chre̱e man soꞌ a. Dan me se nda̱a agaꞌ ne̱ꞌ numíj nii raꞌa soꞌ do̱ꞌ, tacóó soꞌ do̱ꞌ, tza̱j ne̱ xuun soꞌ, ne̱ xꞌneꞌ yoꞌ, quiꞌyaj soꞌ, ga̱a ne̱ nica̱j nana̱ chre̱e man soꞌ caꞌanj nij soꞌ tacaan naco̱o̱ na̱nj ado̱nj. Dan me se ga̱a queneꞌen soꞌ man Jesús, ne̱ caguáj soꞌ, ne̱ quinij ru̱j soꞌ rihaan Jesús, ne̱ nucua̱j caꞌmii soꞌ, cataj soꞌ a: ―Veé neꞌén ꞌu̱nj se vaa Taꞌni̱j Yaꞌanj Si̱j Uun Chij Doj mé so̱ꞌ, Jesús. Me cheꞌé ꞌnáꞌ so̱ꞌ rej ya̱nj ꞌu̱nj ga̱. Rqueé ꞌu̱nj mán so̱ꞌ se vaa se̱ quiꞌyáá so̱ꞌ sayuun manj maꞌ ―taj soꞌ rihaan Jesús a.

San Lucas 8:37

Cheꞌé dan cuchuꞌviꞌ ndoꞌo nij síí ma̱n chumanꞌ Gadara ga̱ ꞌó nij chumanꞌ na̱j nu̱ꞌ anica̱j rej yoꞌ, ne̱ cheꞌé dan rquee̱ ta̱ranꞌ nij soꞌ rihaan Jesús se vaa caꞌa̱nj yaníj Jesús rihaan nij soꞌ a. Dan me se catúj Jesús rque rihoo, ne̱ guun cheꞌe̱ soꞌ canica̱j soꞌ caꞌa̱nj soꞌ a.

San Juan 6:69

Ne̱ cuchumán rá núj ne̱ neꞌen núj se vaa Síí Sa̱ꞌ Ina̱nj cavii rihaan Yaꞌanj mé so̱ꞌ ado̱nj ―taj Simón Pedró rihaan Jesús a.

Hechos 2:27

ꞌO̱ se se̱ tanáj so̱ꞌ nimanj rej ma̱n nimán nij síí caviꞌ maꞌ. Ne̱ se̱ riꞌyuj nee̱ man Síí Sa̱ꞌ Ina̱nj rihaan so̱ꞌ, qui̱ꞌyáá so̱ꞌ maꞌ.

Hechos 24:5

’Dan me se xcaj núj cuentá se vaa xa̱ꞌ síí nihánj, tza̱j ne̱ ase vaa yuvee xíj man naa̱ vaa soꞌ, ne̱ soꞌ me síí ꞌyaj se vaa ino̱ vaa rá cunuda̱nj nij síí israelitá ya̱nj rihaan chumii̱ nihánj ne̱ xraꞌ taꞌa̱j nij soꞌ a. Ne̱ soꞌ me síí uun chij rihaan nij síí noco̱ꞌ ꞌo̱ tucuáán ne̱ stucua̱nj síí cavii chumanꞌ Nazaret a.

Hechos 3:14

’Dan me se cataj soj se vaa ne gu̱un rá soj ni̱ꞌyaj soj man Síí Sa̱ꞌ Ina̱nj do̱ꞌ, Síí Nica̱ Ina̱nj Nimán do̱ꞌ maꞌ. Ma̱an se cachíín niꞌya̱j soj rihaan Pilató se vaa quiri̱i̱ soꞌ tagaꞌ man ꞌo̱ síí ticaviꞌ man yuvii̱ a.

Hechos 4:27

’Dan me se ya̱ ya̱ cunuu chre̱ꞌ rey cuꞌna̱j Herodes do̱ꞌ, síí cuꞌna̱j Poncio Pilató do̱ꞌ, nij síí yaníj do̱ꞌ, nij yuvii̱ israelitá do̱ꞌ, rque chumanꞌ nihánj, cheꞌé rej quiꞌya̱j nij soꞌ sayuun man Taꞌníí so̱ꞌ síí sa̱ꞌ ina̱nj cuꞌna̱j Jesús, síí cunéꞌ so̱ꞌ man ti̱nanii man núj rihaan sayuun a.

Santiago 2:19

Dan me se cuna̱j ꞌyáá so̱ꞌ se vaa amán rá so̱ꞌ se vaa o̱rúnꞌ Yaꞌanj, tza̱j ne̱ da̱nj ꞌyaj gue̱e̱ nij nana̱ chre̱e uún, ne̱ cheꞌé dan chuꞌviꞌ nij soꞌ nda̱a riꞌíj maꞌa̱n man nij soꞌ cheꞌé sayuun quiꞌya̱j Yaꞌanj man nij soꞌ vaa güii a.

1 Juan 2:20

Ne̱ xa̱ꞌ soj, tza̱j ne̱ nu̱u̱ Nimán Yaꞌanj nimán soj, ne̱ xcaj soj cuentá ne̱ neꞌen cunuda̱nj soj nana̱ ya̱ ꞌyaj Nimán Yaꞌanj ado̱nj.

Apocalipsis 3:7

Ga̱a ne̱ cataj uún soꞌ rihanj a: ―Nana̱ nihánj me nana̱ cachro̱n so̱ꞌ caꞌne̱j so̱ꞌ rihaan síí caꞌnéé Yaꞌanj ni̱caj yuꞌunj man xꞌneꞌ nij síí noco̱ꞌ manj ya̱nj chumanꞌ Filadelfia a: “Dan me se nihánj me nana̱ aꞌmii ꞌu̱nj Si̱j Sa̱ꞌ Ina̱nj, Si̱j Aꞌmii Ina̱nj Nana̱ Ya̱ cuno̱ soj a. Ne̱ ꞌu̱nj roꞌ, me síí uun chij ndoꞌo nda̱a vaa guun chij rey cuꞌna̱j David ga̱a naá ado̱nj. Dan me se ga̱a aꞌnúj ꞌu̱nj taꞌyaa, ne̱ taj síí quisi̱j na̱ráán taꞌyaa yoꞌ maꞌ. Ne̱ ga̱a aráán ꞌu̱nj taꞌyaa, ne̱ taj síí quisi̱j caꞌnu̱u̱ uún taꞌyaa yoꞌ maꞌ.