San Marcos 1:23 - Triqui de San Juan Copala

²³ Ne̱ dan me se ꞌo̱ güii naránj rá yáán ꞌo̱ síí nu̱u̱ nana̱ chre̱e nimán rá veꞌ yoꞌ, ne̱ caguáj soꞌ a:

San Marcos 1:23 ပူးပေါင်းရင်းမြစ်များ

San Mateo 12:43

’Ne̱ ga̱a tiha̱j yu̱u̱n avii ꞌo̱ nana̱ chre̱e nimán snóꞌo, ne̱ chéé rmaꞌa̱n nana̱ chre̱e yoꞌ nanoꞌ soꞌ rej ca̱yáán soꞌ, tza̱j ne̱ taj se qui̱ꞌyáꞌ quiri̱ꞌ nana̱ chre̱e yoꞌ rej ca̱yáán soꞌ, ga̱a ne̱ me rá uún nana̱ chre̱e yoꞌ ca̱nica̱j soꞌ rej cavii soꞌ ga̱a naá a.

San Marcos 1:22

Ne̱ caráyaꞌa̱nj nij yuvii̱ cheꞌé stucua̱nj soꞌ, cheꞌé se cu̱u doj tucuꞌyón soꞌ rihaan nij síí naquiꞌyaj cu̱u stucua̱nj Moisés a. ꞌO̱ se ase vaa aꞌmii ꞌo̱ síí uun chij ndoꞌo roꞌ, da̱nj caꞌmii soꞌ a.

San Marcos 1:24

―Jesús si̱j cavii Nazaret, me cheꞌé raꞌyunj so̱ꞌ man núj ga̱. ꞌNáꞌ so̱ꞌ ti̱ríꞌ so̱ꞌ man núj naꞌ. Neꞌenj mán so̱ꞌ se vaa Síí Sa̱ꞌ Ina̱nj cavii rihaan Yaꞌanj mé so̱ꞌ ado̱nj ―taj soꞌ quiꞌyaj nana̱ chre̱e nu̱u̱ nimán soꞌ a.

San Marcos 1:29

Dan me se curiha̱nj nij tuvi̱ꞌ Jesús rá veꞌ tucuꞌyón nii stucua̱nj Moisés, ga̱a ne̱ catúj ta̱ranꞌ nij soꞌ rá veꞌ tucuá Simón ga̱ Andrés, ne̱ ꞌnaꞌ Juan ga̱ Jacobo ga̱ nij soꞌ a.

San Marcos 1:34

Ga̱a ne̱ nahuun sa̱ꞌ queꞌe̱e̱ ndoꞌo nij síí ranꞌ da̱j a̱ chiꞌii̱, quiꞌyaj Jesús, ne̱ quirii ndoꞌo soꞌ nana̱ chre̱e nimán nij yuvii̱, ne̱ caꞌneꞌ soꞌ suun rihaan nij nana̱ chre̱e se vaa se̱ caꞌmii nij nana̱ chre̱e a̱ doj nana̱ cheꞌé se vaa neꞌen nij nana̱ chre̱e me si̱j me Jesús a.

San Marcos 1:39

Ga̱a ne̱ caꞌanj soꞌ nu̱ꞌ nij chumanꞌ na̱j estadó Galilea, ne̱ caꞌmii natáj soꞌ rá veꞌ tucuꞌyón nij síí israelitá ma̱n nij chumanꞌ yoꞌ stucua̱nj Moisés, ne̱ quirii soꞌ man nij nana̱ chre̱e nu̱u̱ nimán yuvii̱ a.

San Marcos 5:2

Dan me se nanij Jesús ga̱ nij síí tucuꞌyón snana̱ soꞌ rque rihoo, ne̱ nu̱ꞌ curiha̱nj ꞌo̱ snóꞌo nu̱u̱ nana̱ chre̱e nimán rque yuꞌuj yuvej rej achinꞌ nii xnangá ta̱j rej yoꞌ, ne̱ cuchiꞌ soꞌ rihaan Jesús a.

San Marcos 7:25

Tana̱nj raꞌya̱nj cuchiꞌ nana̱ rihaan ꞌo̱ chana̱ me rej yáán soꞌ, ne̱ taꞌníí chana̱ roꞌ, me níí nu̱u̱ nana̱ chre̱e nimán, ne̱ caꞌnaꞌ chana̱, ne̱ quinij ru̱j chana̱ yoꞌ rihaan Jesús a.

San Marcos 9:25

Dan me se queneꞌen Jesús se vaa cunánj ndoꞌo yuvii̱ caꞌna̱ꞌ nij yuvii̱ rej nicu̱nꞌ soꞌ, ne̱ cheꞌé dan nucua̱j caꞌmii Jesús rihaan nana̱ chre̱e yoꞌ a: ―Rihaan so̱ꞌ na̱na̱ chre̱e quiꞌyaj yaꞌmi̱i ne̱ quiꞌyaj soꞌo̱ man xnii nihánj aꞌmij, ne̱ aꞌnéꞌ ꞌu̱nj suun rihaan so̱ꞌ se vaa cu̱riha̱nj so̱ꞌ cuaj nimán soꞌ cuano̱, ne̱ daj chiha̱a̱ míj se̱ catúj uún so̱ꞌ nimán soꞌ a̱ maꞌ ―taj Jesús a.