San Lucas 9:50 - Triqui de San Juan Copala

⁵⁰ Tza̱j ne̱ cataj Jesús rihaan soꞌ a: ―Se̱ raꞌaan soj quiꞌya̱j soꞌ da̱nj maꞌ. ꞌO̱ se xa̱ꞌ síí ne unuꞌ ga̱ soj, tza̱j ne̱ tuviꞌ soj me soꞌ ado̱nj ―taj Jesús rihaan Juan do̱ꞌ, rihaan ꞌó nij síí tucuꞌyón snana̱ soꞌ do̱ꞌ a.

San Lucas 9:50 ပူးပေါင်းရင်းမြစ်များ

San Mateo 12:30

’Síí naꞌvej rá gu̱un tuvi̱ꞌ ga̱ ꞌu̱nj roꞌ, síí ta̱j riꞌyunj manj me soꞌ a. Ne̱ síí ne racuíj manj naquiꞌya̱j chre̱ꞌ ꞌu̱nj man yuvii̱ canoco̱ꞌ man Yaꞌanj roꞌ, soꞌ me síí tichaꞌnuu̱ man nij yuvii̱, ne̱ aráán soꞌ rihaan nij yuvii̱ se̱ canocoꞌ nij yuvii̱ man Yaꞌanj ado̱nj.

San Mateo 17:24

Catúj nij soꞌ chumanꞌ Capernaum, ga̱a ne̱ cuchiꞌ nij síí caꞌnéj impuestó cheꞌé nuvií rihaan síí cuꞌna̱j Pedró, ne̱ xnáꞌanj nij soꞌ man Pedró, cataj nij soꞌ a: ―Síí tucuꞌyón nana̱ rihaan soj roꞌ, oꞌ soꞌ impuestó cheꞌé nuvií noco̱o naꞌ ―taj nij soꞌ a.

San Mateo 17:26

―Rihaan ꞌó yuvii̱ ado̱nj ―taj Pedró rihaan Jesús a. Ga̱a ne̱ cataj Jesús a: ―Cheꞌé dan taj cheꞌé go̱ꞌ taꞌníí síí nica̱j suun impuestó maꞌ.

San Marcos 9:38

Cataj Juan rihaan Jesús a: ―Queneꞌen núj man ꞌo̱ síí ataꞌ tuꞌva se‑chu̱vií so̱ꞌ, ne̱ uriha̱nj nana̱ chre̱e nimán nij yuvii̱, ꞌyaj soꞌ, na̱nj maestro. Tza̱j ne̱ caráán núj chrej caꞌmi̱i̱ soꞌ ne̱ se̱ quiꞌyaj soꞌ da̱nj, cheꞌé se né si̱j chéé ga̱ níꞌ me soꞌ, taj núj, na̱nj maestro ―taj Juan rihaan Jesús a.

San Marcos 9:41

ꞌO̱ se a̱ me maꞌa̱n ꞌo̱ síí rqué do̱j na coꞌo̱ nij soj cheꞌé se noco̱ꞌ soꞌ manj Si̱j Caꞌnéé Yaꞌanj Ti̱nanii man Yuvii̱ rihaan Sayuun, ne̱ ya̱ ya̱ cata̱j xnaꞌanj ꞌu̱nj rihaan soj se vaa daj chiha̱a̱ míj se̱ navij se sa̱ꞌ rque̱ Yaꞌanj rihaan síí rqué do̱j na yoꞌ coꞌo soj maꞌ.

San Lucas 11:23

’Síí naꞌvej rá gu̱un tuvi̱ꞌ ga̱ ꞌu̱nj roꞌ, síí ta̱j riꞌyunj manj me soꞌ a. Ne̱ síí ne racuíj manj naquiꞌya̱j chre̱ꞌ ꞌu̱nj man yuvii̱ canoco̱ꞌ man Yaꞌanj roꞌ, soꞌ me síí tichaꞌnuu̱ man nij yuvii̱, ne̱ aráán soꞌ rihaan nij yuvii̱ se̱ canocoꞌ nij yuvii̱ man Yaꞌanj maꞌ ―taj Jesús rihaan nij yuvii̱ a.

San Lucas 16:13

’Taj va̱j síí gu̱un nucua̱j tu̱mé sa̱ꞌ siꞌyaj vi̱j ruꞌvee maꞌ. Sese quiꞌya̱j suun níꞌ rihaan vi̱j ruꞌvee, ne̱ nachri̱ꞌ níꞌ ni̱ꞌyaj níꞌ man ꞌo̱ ruꞌvee yoꞌ, ne̱ cara̱nꞌ rá níꞌ ni̱ꞌyaj níꞌ man ꞌó ruꞌvee yoꞌ a. Se̱ guun nucua̱j níꞌ cara̱nꞌ rá níꞌ ni̱ꞌyaj níꞌ man vi̱j ruꞌvee maꞌ. Ne̱ xa̱ꞌ soj, tza̱j ne̱ se̱ caꞌvee quiꞌya̱j suun soj cheꞌé Yaꞌanj ne̱ quiꞌya̱j suun soj cheꞌé nij rasu̱u̱n ma̱n rihaan chumii̱ nihánj a̱ maꞌ ―taj Jesús rihaan nij síí tucuꞌyón snana̱ soꞌ a.

1 Corintios 12:3

Cheꞌé dan xa̱ꞌ níꞌ si̱j noco̱ꞌ man Cristó nihánj me se ino̱ ꞌyaj níꞌ, ne̱ cheꞌé dan cata̱j xnaꞌanj ꞌu̱nj rihaan soj se vaa nda̱ꞌ se cata̱j ꞌo̱ soꞌ se vaa qui̱j ndoꞌo vaa Jesús, tza̱j ne̱ né na̱na̱ rqué Nimán Yaꞌanj rihaan soꞌ me nana̱ aꞌmii soꞌ a̱ maꞌ. Tza̱j ne̱ sese cata̱j ꞌo̱ soꞌ se vaa Síí ꞌNi̱j Raꞌa man níꞌ me Jesús, ne̱ nana̱ yoꞌ me nana̱ rqué Nimán Yaꞌanj rihaan soꞌ, dan aꞌvee aꞌmii soꞌ da̱nj ado̱nj.