San Lucas 8:50 - Triqui de San Juan Copala

⁵⁰ Dan me se cuno Jesús nana̱ caꞌmii síí caꞌnaꞌ, ga̱a ne̱ cataj soꞌ rihaan Jairo a: ―Se̱ cuchuꞌvíꞌ so̱ꞌ maꞌ. Ma̱an se cuchuma̱n ya̱ rá so̱ꞌ ni̱ꞌyaj so̱ꞌ manj, ne̱ nahu̱un taꞌnij cha̱na̱ so̱ꞌ na̱nj ado̱nj ―taj Jesús rihaan soꞌ a.

San Lucas 8:50 ပူးပေါင်းရင်းမြစ်များ

San Marcos 5:36

Dan me se cuno Jesús nana̱ caꞌmii síí caꞌnaꞌ, ga̱a ne̱ cataj soꞌ rihaan Jairo a: ―Se̱ cuchuꞌvíꞌ so̱ꞌ maꞌ. Ma̱an se cuchuma̱n ya̱ rá so̱ꞌ ni̱ꞌyaj so̱ꞌ manj á ―taj Jesús a.

San Marcos 9:23

Ga̱a ne̱ cataj Jesús rihaan soꞌ a: ―Taj cheꞌé gu̱un vi̱j rá so̱ꞌ maꞌ. ꞌO̱ se síí amán rá niꞌya̱j man Yaꞌanj roꞌ, caꞌve̱e quiꞌya̱j soꞌ cunuda̱nj na̱nj ado̱nj ―taj Jesús a.

San Lucas 8:48

Ga̱a ne̱ cataj Jesús rihaan noꞌ a: ―Nahuún so̱ꞌ cheꞌé se amán rá so̱ꞌ niꞌya̱j so̱ꞌ manj, nocoj. Veꞌé caꞌa̱nj so̱ꞌ, ne̱ dínj ga̱a̱ nimán so̱ꞌ á ―taj Jesús rihaan noꞌ a.

San Lucas 8:51

Dan me se cuchiꞌ Jesús tucuá Jairo, ne̱ ne caꞌve̱j Jesús catu̱u̱ nij yuvii̱ rá veꞌ ga̱ soꞌ maꞌ. Ma̱an Pedró do̱ꞌ, Juan do̱ꞌ, Jacobo do̱ꞌ, ro̱j ni̱ca̱ Jairo do̱ꞌ, caꞌvej soꞌ catu̱u̱ rá veꞌ ga̱ soꞌ a.

San Juan 11:25

Ga̱a ne̱ cataj Jesús rihaan noꞌ a: ―Xa̱ꞌ ꞌu̱nj, tza̱j ne̱ si̱j ꞌyaj nuu iꞌna̱ꞌ uún yuvii̱ mej, ne̱ ꞌu̱nj me síí quiꞌya̱j ga̱a̱ iꞌna̱ꞌ yuvii̱ ca̱yáán yuvii̱ ga̱ Yaꞌanj nu̱ꞌ cavii nu̱ꞌ caꞌanj ado̱nj. Ne̱ xa̱ꞌ síí amán rá niꞌya̱j manj, tza̱j ne̱ caꞌve̱e se cavi̱ꞌ soꞌ, tza̱j ne̱ ꞌo̱ ga̱a̱ iꞌna̱ꞌ nimán soꞌ chugua̱nj.

San Juan 11:40

Ga̱a ne̱ cataj Jesús rihaan noꞌ a: ―A̱j cataj xnaꞌanj ꞌu̱nj rihaan so̱ꞌ se vaa sese cuchuma̱n rá so̱ꞌ ni̱ꞌyaj so̱ꞌ manj, ga̱a ne̱ que̱neꞌén so̱ꞌ se vaa niꞌndaj ya̱ nucua̱j Yaꞌanj á ―taj Jesús rihaan Marta yoꞌ a.

Romanos 4:17

ꞌO̱ se Danj Yaꞌanj taj se vaa cuneꞌ Yaꞌanj man soꞌ gu̱un soꞌ xi̱i queꞌe̱e̱ ndoꞌo xꞌneꞌ yuvii̱ aꞌmii ꞌo̱ ꞌo̱ xnaꞌánj a. Da̱nj taj Danj Yaꞌanj cheꞌé soꞌ, ne̱ dan me se xi̱i níꞌ me soꞌ rihaan Yaꞌanj á. ꞌO̱ se cuchumán rá soꞌ niꞌya̱j soꞌ Yaꞌanj, ne̱ Yaꞌanj roꞌ, me síí ꞌyaj nuu iꞌna̱ꞌ uún nij síí caviꞌ, ne̱ Yaꞌanj me síí aꞌmii cheꞌé rasu̱u̱n ataa curuvi̱ꞌ rihaan chumii̱ nihánj, ne̱ taj soꞌ se vaa a̱j guun nij rasu̱u̱n na̱nj ado̱nj.

Romanos 4:20

Ne gu̱un vi̱j rá soꞌ cheꞌé nana̱ cataꞌ tuꞌva Yaꞌanj rihaan soꞌ maꞌ. Tana̱nj cuchumán ndoꞌo doj rá soꞌ niꞌya̱j soꞌ Yaꞌanj, ga̱a ne̱ nariꞌ nucuaj doj nimán soꞌ a. Cataj soꞌ se vaa sa̱ꞌ uxrá vaa Yaꞌanj,