San Lucas 7:38 - Triqui de San Juan Copala

³⁸ Ga̱a ne̱ caꞌanj ca̱yáán ru̱j noꞌ nichru̱nꞌ tacóó Jesús, ne̱ taꞌvee uxrá noꞌ, ne̱ naꞌnuꞌ noꞌ na rihaan noꞌ tacóó Jesús a. Ga̱a ne̱ ma̱an yuvé raa̱ noꞌ naꞌve noꞌ tacóó Jesús a. Cachrón tuꞌva̱ noꞌ tacóó Jesús, ga̱a ne̱ caxríj noꞌ casté gunꞌ da̱j tacóó soꞌ uún a.

San Lucas 7:38 ပူးပေါင်းရင်းမြစ်များ

San Mateo 5:4

’Cavi̱i̱ sa̱ꞌ ta̱ranꞌ nij síí nanó ndoꞌo rá ado̱nj. ꞌO̱ se gu̱un xe̱j nimán maꞌa̱n nij soꞌ, quiꞌya̱j Yaꞌanj vaa güii ado̱nj.

San Lucas 22:62

Ga̱a ne̱ curiha̱nj Pedró xeꞌ, ne̱ taꞌvee xru̱ꞌ soꞌ a.

San Lucas 6:21

’Cavi̱i̱ sa̱ꞌ ta̱ranꞌ soj si̱j naꞌaan rque cuano̱ ado̱nj. Vaa güii quiri̱ꞌ soj se cha̱ soj nda̱a cara̱a rque soj ado̱nj. ’Cavi̱i̱ sa̱ꞌ ta̱ranꞌ soj si̱j taꞌvee cuano̱ ado̱nj. Vaa güii caꞌnga̱ꞌ ndoꞌo soj ado̱nj.

San Lucas 7:37

Ne̱ dan me se yáán ꞌo̱ chana̱ niha̱ꞌ rá ga̱ chii chumanꞌ yoꞌ, ga̱a ne̱ cuno noꞌ nana̱ se vaa cuchiꞌ Jesús tucuá síí fariseo yoꞌ chá soꞌ, ga̱a ne̱ cheꞌé dan nica̱j noꞌ ꞌo̱ agaꞌ catzi̱i̱ veꞌé ndoꞌo vaa nu̱u̱ casté gunꞌ da̱j, caꞌanj noꞌ tucuá síí fariseo yoꞌ a.

San Lucas 7:39

Dan me se ga̱a queneꞌen síí tucua̱ se vaa quiꞌyaj chana̱ man Jesús, ga̱a ne̱ guun rá soꞌ nana̱ nihánj niꞌya̱j soꞌ man Jesús a: “Sese ya̱ si̱j nataꞌ snana̱ Yaꞌanj me síí nihánj, ne̱ a̱j neꞌen soꞌ da̱j cha̱na̱ me chana̱ nihánj, se vaa chana̱ ata̱ cacunꞌ me noꞌ, ne̱ se̱ caꞌvej rá soꞌ quiꞌya̱j noꞌ da̱nj ga̱ soꞌ tza̱j maan ado̱nj”, guun rá síí tucua̱ yoꞌ a.

San Juan 11:2

Ne̱ chana̱ cuꞌna̱j Mariá yoꞌ me se noꞌ me chana̱ caxríj casté gunꞌ da̱j tacóó Síí ꞌNi̱j Raꞌa man níꞌ, ne̱ yuvé raa̱ maꞌa̱n noꞌ tanacoo̱ noꞌ tacóó soꞌ a. Dan me se raꞌvij noꞌ me síí cuꞌna̱j Lázaro síí ranꞌ yoꞌ a.

Santiago 4:9

Se̱ gaa niha̱ꞌ rá soj caꞌnga̱ꞌ soj maꞌ. Vaa cheꞌé nano̱ rá soj ne̱ taꞌve̱e soj cheꞌé cacunꞌ tumé soj á.