San Lucas 6:11 - Triqui de San Juan Copala

¹¹ Tza̱j ne̱ cuyanj rá nij síí naquiꞌyaj cu̱u stucua̱nj Moisés ga̱ nij síí fariseo, ne̱ caꞌmii nij soꞌ ga̱ tuviꞌ nij soꞌ da̱j ga̱a̱ quiꞌya̱j chiꞌi̱i̱ nij soꞌ man Jesús a.

San Lucas 6:11 ပူးပေါင်းရင်းမြစ်များ

San Mateo 16:7

Ne̱ nuchruj ra̱a̱ ndoꞌo nij síí tucuꞌyón snana̱ Jesús cheꞌé nana̱ caꞌmii soꞌ, ne̱ cataj nij soꞌ a: ―Cheꞌé se taj rachrúún nica̱j níꞌ, ne̱ cheꞌé dan aꞌmii soꞌ cheꞌé levadura se ꞌyaj naraa nana̱ rque rachrúún na̱nj ado̱nj ―taj nij soꞌ rihaan tuviꞌ nij soꞌ a.

San Mateo 21:45

Dan me se cuno nij xrej ata̱ suun noco̱o cuno nij síí fariseo cuno cuentó nanó Jesús, ne̱ xcaj nij soꞌ cuentá se vaa cheꞌe̱ maꞌa̱n nij soꞌ me cuentó nanó Jesús a. Ase vaa nij síí nu̱u̱ tumé naa̱ vaa maꞌa̱n nij soꞌ niꞌya̱j Jesús a.

San Lucas 4:28

Cuno nij yuvii̱ nda̱a vaa cavii sa̱ꞌ nij síí ma̱n chumanꞌ yaníj, ne̱ guun xco̱j ruva̱a̱ rá nij soꞌ, ne̱ cuyanj rá nij soꞌ niꞌya̱j nij soꞌ man Jesús a.

San Lucas 6:10

Ga̱a ne̱ niꞌya̱j Jesús man cunuda̱nj nij yuvii̱ ma̱n nu̱ꞌ anica̱j rque veꞌ yoꞌ, ga̱a ne̱ cataj soꞌ rihaan síí nacoo̱ raꞌa a: ―Tu̱cuá so̱ꞌ raꞌá so̱ꞌ á ―taj Jesús rihaan soꞌ a. Ne̱ tucuá soꞌ raꞌa soꞌ, ne̱ cunuu sa̱ꞌ raꞌa soꞌ ado̱nj.

San Lucas 6:12

Dan me se cachén do̱j güii, ga̱a ne̱ caꞌanj Jesús rej tacaan, caꞌanj cachi̱nj niꞌya̱j soꞌ rihaan Yaꞌanj a. Niga̱nꞌ quináj soꞌ tacaan cachíín niꞌya̱j soꞌ rihaan Yaꞌanj a.

San Juan 11:47

Cheꞌé dan naquiꞌyaj chre̱ꞌ nij xrej ata̱ suun noco̱o do̱ꞌ, nij síí fariseo do̱ꞌ, man Xꞌneꞌ Nij Síí Ata̱ Suun Noco̱o Doj, ga̱a ne̱ cataj nij soꞌ a: ―Da̱j quiꞌya̱j níꞌ, rá soj ga̱. ꞌO̱ se xa̱ꞌ snóꞌo nihánj, tza̱j ne̱ ꞌyaj uxrá soꞌ suun sa̱ꞌ noco̱o ado̱nj.

San Juan 7:1

Quisíj caꞌmii Jesús nu̱ꞌ nana̱ dan, ga̱a ne̱ cachéé Jesús estadó Galilea a. ꞌO̱ se ne caꞌve̱j rá soꞌ cache̱e̱ soꞌ estadó Judea, cheꞌé se nanoꞌ nij síí uun chij rihaan nij yuvii̱ israelitá man soꞌ, ne̱ ticavi̱ꞌ nij soꞌ man Jesús, rá nij soꞌ a.

Hechos 26:11

Ne̱ guun queꞌe̱e̱ ndoꞌo caꞌanj ꞌu̱nj cunuda̱nj nij veꞌ tucuꞌyón níꞌ si̱j israelitá stucua̱nj Moisés, ne̱ quiꞌyáá ꞌu̱nj sayuun man nij síí noco̱ꞌ man Jesucristó, ne̱ nda̱a rqueé ꞌu̱nj man nij soꞌ caꞌmi̱i̱ qui̱j nij soꞌ cheꞌé Jesucristó a. Ne̱ cheꞌé se cuyanj ndoꞌo rá ꞌu̱nj niꞌya̱j ꞌu̱nj man nij soꞌ, ne̱ nda̱a canocóꞌ ꞌu̱nj man nij soꞌ nda̱a ꞌó chumanꞌ na̱j ga̱nꞌ cheꞌé rej qui̱ꞌyáá ꞌu̱nj doj sayuun man nij soꞌ ado̱nj.

Hechos 4:15

Ga̱a ne̱ caꞌneꞌ nij síí uun chij suun rihaan Pedró ga̱ Juan ga̱ síí nahuun sa̱ꞌ yoꞌ se vaa cu̱riha̱nj vaꞌnu̱j nij soꞌ xeꞌ, ga̱a ne̱ caꞌve̱e nuchru̱j ra̱a̱ xꞌneꞌ nij síí ata̱ suun noco̱o doj da̱j quiꞌya̱j nij soꞌ, rá nij soꞌ a.

Hechos 4:19

Ga̱a ne̱ canica̱j Pedró ga̱ Juan cataj ro̱j soꞌ rihaan nij soꞌ a: ―Nuchru̱j ra̱a̱ nij soj sese gu̱un rá Yaꞌanj cuno̱ núj rihaan soj ne̱ ta̱náj xco̱ núj snana̱ Yaꞌanj na̱nj á.

Hechos 5:33

Dan me se ga̱a cuno nij síí uun chij nana̱ nihánj, ga̱a ne̱ cuyanj rá nij soꞌ, ga̱a ne̱ guun rá nij soꞌ ticavi̱ꞌ nij soꞌ man nij síí cuneꞌ Jesús a.

Hechos 7:54

Dan me se ga̱a cuno nij síí uun chij rihaan nij yuvii̱ israelitá nana̱ vaa da̱nj, ga̱a ne̱ cuyanj rá nij soꞌ, ne̱ nda̱a chá ru̱j maꞌa̱n nij soꞌ cúú yanꞌ nij soꞌ niꞌya̱j nij soꞌ man Esteban a.

2 Timoteo 3:9

Tza̱j ne̱ se̱ quisíj nij soꞌ xnaꞌa̱nj nana̱ chiꞌi̱i̱ yoꞌ nda̱a ga̱nꞌ ndoꞌo quiꞌya̱j nij soꞌ maꞌ. ꞌO̱ se cunuda̱nj nij yuvii̱ xca̱j cuentá se vaa si̱j nij snúú rmaꞌa̱n me nij soꞌ, ne̱ a̱ doj se̱ cuchumán rá nij yuvii̱ caꞌmi̱i̱ nij soꞌ a̱ maꞌ. ꞌO̱ se nda̱ꞌ rá se vaa quiranꞌ ro̱j síí cuꞌna̱j Janes ga̱ síí cuꞌna̱j Jambres ga̱a ne cuchuma̱n rá yuvii̱ caꞌmii ro̱j soꞌ roꞌ, da̱nj quira̱nꞌ nij síí chiꞌi̱i̱ yoꞌ ado̱nj.