San Lucas 5:13 - Triqui de San Juan Copala

¹³ Ga̱a ne̱ naxca̱j Jesús raꞌa soꞌ ne̱ canó raꞌa soꞌ man síí ranꞌ, ne̱ cataj Jesús a: ―Me raj qui̱ꞌyáj da̱nj á. Na̱huún so̱ꞌ, qui̱ꞌyáj ado̱nj ―taj Jesús rihaan soꞌ a. Nu̱ꞌ da̱nj cataj Jesús, ne̱ nu̱ꞌ navij luj xráá síí ranꞌ a.

San Lucas 5:13 ပူးပေါင်းရင်းမြစ်များ

San Mateo 8:3

Ga̱a ne̱ cutaꞌ Jesús raꞌa Jesús raa̱ síí ranꞌ, ne̱ cataj Jesús a: ―Me raj qui̱ꞌyáj da̱nj á. Na̱huún so̱ꞌ, qui̱ꞌyáj ado̱nj ―taj Jesús rihaan soꞌ a. Nu̱ꞌ cataj Jesús da̱nj, ne̱ nu̱ꞌ navij luj riꞌyuj xráá síí ranꞌ a.

San Lucas 4:39

Ga̱a ne̱ caꞌanj Jesús canicunꞌ soꞌ rej na̱j noꞌ, ne̱ caꞌneꞌ soꞌ suun rihaan chiꞌii̱ se vaa xꞌne̱e̱ chiꞌii̱ xráá noꞌ a. Ga̱a ne̱ nu̱ꞌ xꞌnéj chiꞌii̱ xráá noꞌ, quiꞌyaj Jesús a. Ne̱ veé ma̱an orá dan naxaga̱a̱ noꞌ, ne̱ quiꞌyaj chuvi̱i noꞌ cha̱ nij soꞌ na̱nj ado̱nj.

San Lucas 5:12

Dan me se ꞌo̱ güii caranꞌ Jesús ꞌo̱ chumanꞌ, ne̱ cuchiꞌ ꞌo̱ síí ranꞌ ndoꞌo luj riꞌyuj rihaan soꞌ a. Ga̱a queneꞌen síí ranꞌ yoꞌ man Jesús, ga̱a ne̱ caꞌanj ca̱yáán ru̱j soꞌ rihaan Jesús nda̱a canó rihaan soꞌ rihaan yoꞌóó, ne̱ cachíín niꞌya̱j soꞌ rihaan Jesús, cataj soꞌ a: ―Sese me rá so̱ꞌ, ne̱ caꞌve̱e naquiꞌya̱j sa̱ꞌ so̱ꞌ manj, Señor ―taj soꞌ rihaan Jesús a.

San Lucas 5:14

Dan me se caꞌneꞌ Jesús suun rihaan síí nahuun yoꞌ se vaa se̱ cataj xnaꞌanj soꞌ rihaan a̱ ꞌó yuvii̱ cheꞌé se vaa quiranꞌ soꞌ maꞌ. Ga̱a ne̱ cataj uún Jesús rihaan soꞌ a: ―Caꞌa̱nj so̱ꞌ rihaan xrej, ne̱ ti̱haán so̱ꞌ mán so̱ꞌ rihaan xrej se vaa nahuún so̱ꞌ, ne̱ rque̱ so̱ꞌ rihaan Yaꞌanj se vaa cataj síí cuꞌna̱j Moisés ga̱a naá nda̱a vaa no̱ xcúún so̱ꞌ rque̱ so̱ꞌ rihaan Yaꞌanj cheꞌé se nahuún so̱ꞌ ado̱nj. Ga̱a ne̱ xca̱j nij xrej cuentá se vaa nahuún so̱ꞌ quiꞌyáj ado̱nj ―taj Jesús rihaan síí nahuun yoꞌ a.