San Lucas 3:22 - Triqui de San Juan Copala

²² Ga̱a ne̱ nanij Nimán Yaꞌanj xráá Jesús, ne̱ ase vaa ruviꞌ ꞌo̱ chaꞌaa̱n roꞌ, da̱nj vaa curuviꞌ Nimán Yaꞌanj a. Ga̱a ne̱ caꞌmii Yaꞌanj si̱j nicu̱nꞌ xta̱ꞌ, cataj Yaꞌanj a: ―Taꞌníí ꞌu̱nj síí ꞌe̱e̱ ndoꞌo raj man mé so̱ꞌ, ne̱ aranꞌ ndoꞌo raj niꞌya̱j ꞌu̱nj mán so̱ꞌ ado̱nj ―taj Yaꞌanj a.

San Lucas 3:22 ပူးပေါင်းရင်းမြစ်များ

San Mateo 12:18

Ni̱ꞌyaj soj man síí nihánj á. Síí nu̱u̱ rihaan ꞌu̱nj do̱ꞌ, síí narii ꞌu̱nj do̱ꞌ, me soꞌ ado̱nj. ꞌE̱e̱ rá ꞌu̱nj do̱ꞌ, aranꞌ rá nimán ꞌu̱nj do̱ꞌ, niꞌya̱j ꞌu̱nj man soꞌ a. Caꞌne̱j ꞌu̱nj Nimán ꞌu̱nj nimán soꞌ, ne̱ nata̱ꞌ soꞌ rihaan nij síí yaníj se vaa veꞌé caꞌne̱ꞌ ꞌu̱nj cacunꞌ cheꞌé nij soꞌ a.

San Mateo 17:5

Ataa quisi̱j caꞌmii Pedró, ne̱ caꞌnaꞌ ꞌo̱ ngaa chuguu̱n ndoꞌo, ne̱ caráán ngaa chuguu̱n yoꞌ man ta̱ranꞌ nij soꞌ a. Dan me se Yaꞌanj roꞌ, caꞌmii nana̱ cuno nij soꞌ rque ngaa yoꞌ, ne̱ cataj Yaꞌanj a: ―Síí nihánj me Taꞌníj ado̱nj. ꞌE̱e̱ raj niꞌya̱j man soꞌ, ne̱ aranꞌ rá nimanj niꞌya̱j ꞌu̱nj man soꞌ ado̱nj. Cuno̱ soj rihaan soꞌ á ―taj Yaꞌanj cuno nij soꞌ a.

San Mateo 27:43

Dan me se nucua̱j rá soꞌ man Yaꞌanj se vaa cavi̱i̱ sa̱ꞌ soꞌ, quiꞌya̱j Yaꞌanj a. Caꞌve̱e ti̱nanii Yaꞌanj man soꞌ cuano̱, sese si̱j ꞌe̱e̱ rá Yaꞌanj man me soꞌ á. ꞌO̱ se maꞌa̱n soꞌ taj se vaa Taꞌni̱j Yaꞌanj me maꞌa̱n soꞌ ado̱nj ―taj nij soꞌ, caꞌmii chiꞌi̱i̱ ndoꞌo nij soꞌ niꞌya̱j nij soꞌ man Jesús a.

San Mateo 3:13

Ga̱a ne̱ curiha̱nj Jesús estadó Galilea caꞌanj soꞌ chráá cuꞌna̱j Jordán rihaan síí cuꞌna̱j Juan, ne̱ cuta̱ꞌ ne Juan man Jesús, rá soꞌ a. Dan me se cuchiꞌ Jesús rihaan Juan,

San Mateo 3:16

Quisíj cataꞌ ne Jesús, ga̱a ne̱ naxuma̱a̱n soꞌ rque na, ga̱a ne̱ ta̱j niꞌyo̱n naxraꞌ rej xta̱ꞌ, ne̱ queneꞌen soꞌ se vaa nanij Nimán Yaꞌanj rej xta̱ꞌ, ne̱ ase vaa chaꞌaa̱n roꞌ, vaa Nimán Yaꞌanj, curuviꞌ yoꞌ rej xta̱ꞌ nanij yoꞌ xráá Jesús a.

San Mateo 3:17

Ga̱a ne̱ rej xta̱ꞌ caꞌmii Yaꞌanj, ne̱ cuno nij síí nicu̱nꞌ ga̱ Jesús nana̱ caꞌmii Yaꞌanj, ne̱ dan me se cataj Yaꞌanj a: ―Taꞌníí ꞌu̱nj síí ꞌe̱e̱ ndoꞌo raj man me síí nihánj, ne̱ aranꞌ ndoꞌo raj niꞌya̱j ꞌu̱nj man soꞌ ado̱nj ―taj nana̱ cavii rej xta̱ꞌ caꞌmii Yaꞌanj a.

San Marcos 1:11

Ga̱a ne̱ rej xta̱ꞌ caꞌmii Yaꞌanj ga̱ Jesús ne̱ cataj soꞌ a: ―Taꞌníí ꞌu̱nj síí ꞌe̱e̱ ndoꞌo raj man mé so̱ꞌ, ne̱ aranꞌ ndoꞌo raj niꞌya̱j ꞌu̱nj mán so̱ꞌ ado̱nj ―taj nana̱ cavii rej xta̱ꞌ a.

San Marcos 1:9

Ne̱ güii yoꞌ ta̱ꞌ asuun me se cavii Jesús chumanꞌ Nazaret chumanꞌ na̱j estadó Galilea caꞌanj soꞌ rej caꞌmii natáj Juan, ne̱ cataꞌ ne soꞌ rá chráá Jordán, quiꞌyaj Juan a.

San Marcos 9:7

Ga̱a ne̱ caꞌnaꞌ ꞌo̱ ngaa, ne̱ caráán ngaa man ta̱ranꞌ nij soꞌ a. Ga̱a ne̱ Yaꞌanj roꞌ, caꞌmii nana̱ cuno nij soꞌ rque ngaa yoꞌ, ne̱ cataj Yaꞌanj a: ―Síí nihánj me taꞌníj ado̱nj. ꞌE̱e̱ raj niꞌya̱j man soꞌ ado̱nj. Cuno̱ soj rihaan soꞌ na̱nj á ―taj Yaꞌanj cuno nij soꞌ a.

San Lucas 2:14

Niꞌndaj ya̱ sa̱ꞌ veꞌé vaa Yaꞌanj, cata̱j nij síí ma̱n xta̱ꞌ, ne̱ ga̱a̱ xe̱j nimán nij yuvii̱ si̱j sa̱ꞌ nimán ma̱n rihaan chumii̱ a, taj nij se‑mo̱zó Yaꞌanj rihaan nij síí tumé matzinj a.

San Lucas 4:21

ne̱ guun cheꞌe̱ soꞌ caꞌmii soꞌ, cataj soꞌ a: ―Veé cuano̱ nihánj me se a̱j quisíj ya̱ nu̱ꞌ nana̱ nihánj, ne̱ ꞌu̱nj si̱j nayaa nana̱ nihánj cuno soj me síí quiꞌya̱j nu̱ꞌ se vaa taj nana̱ nihánj ado̱nj ―taj Jesús rihaan nij soꞌ a.

San Juan 1:32

Ga̱a ne̱ cataj xnaꞌanj ya̱ Juan cheꞌé se vaa queneꞌen maꞌa̱n soꞌ a: ―Queneꞌén ꞌu̱nj se vaa nanij Nimán Yaꞌanj rej xta̱ꞌ, ne̱ ase vaa ꞌo̱ chaꞌaa̱n vaa Nimán Yaꞌanj yoꞌ, ne̱ caꞌnaꞌ yoꞌ, cayáán yoꞌ ga̱ Jesús ado̱nj.

San Juan 12:28

Ga̱a ne̱ cachíín niꞌya̱j Jesús rihaan Yaꞌanj, cataj soꞌ a: ―Qui̱ꞌyáá so̱ꞌ se vaa sa̱ꞌ uxrá caꞌmi̱i̱ yuvii̱ cheꞌé so̱ꞌ, Ata̱j ―taj Jesús, cachíín niꞌya̱j soꞌ a. Ga̱a ne̱ cavii ꞌo̱ nana̱ rej xta̱ꞌ caꞌmii Yaꞌanj cuno nij soꞌ a: ―A̱j sa̱ꞌ uxrá caꞌmii yuvii̱ cheꞌé ꞌu̱nj, ne̱ sa̱ꞌ uxrá doj caꞌmi̱i̱ uún yuvii̱ cheꞌé ꞌu̱nj, qui̱ꞌyáj ado̱nj ―taj nana̱ cavii rej xta̱ꞌ caꞌmii Yaꞌanj cuno nij soꞌ a.

San Juan 5:37

Ne̱ Réj síí caꞌnéé manj roꞌ, maꞌa̱n soꞌ cataj xnaꞌanj da̱j si̱j mej, tza̱j ne̱ taj snana̱ soꞌ cuno soj maꞌ. Ne̱ ne queneꞌe̱n soj da̱j vaa Réj maꞌ.

Hechos 10:38

Ne̱ nana̱ yoꞌ taj se vaa cuneꞌ Yaꞌanj man Jesús síí cavii chumanꞌ Nazaret, ne̱ rqué ndoꞌo Yaꞌanj Nimán Yaꞌanj man soꞌ, ne̱ rqué ndoꞌo Yaꞌanj rej nucua̱j man soꞌ a. Ne̱ dan me se cachéé Jesús, ne̱ quiꞌyaj ndoꞌo soꞌ suun sa̱ꞌ, ne̱ cunuda̱nj nij síí ranꞌ sayuun ꞌyaj Síí Chre̱e cheꞌé se quirii taꞌngaꞌ Síí Chre̱e rihaan nij soꞌ roꞌ, nahuun sa̱ꞌ nij soꞌ, quiꞌyaj Jesús a. ꞌO̱ se Yaꞌanj roꞌ, racuíj ndoꞌo man Jesús ꞌyaj soꞌ da̱nj ado̱nj.

Colosenses 1:13

Asino ya̱a̱n me se guun chij Síí Chre̱e rihaan níꞌ, ne̱ ase vaa síí chéé rej rmi̱ꞌ roꞌ, da̱nj vaa níꞌ ga̱a rque̱ a. Tza̱j ne̱ ya̱j me se tinanii Yaꞌanj man níꞌ rihaan Síí Chre̱e, ne̱ ya̱j uun chij Taꞌníí Yaꞌanj rihaan níꞌ quiꞌyaj Yaꞌanj ado̱nj. Dan me se ꞌe̱e̱ ndoꞌo rá Yaꞌanj man Taꞌníí soꞌ,

1 Pedro 2:4

Caꞌna̱ꞌ soj rihaan Cristó á. Ase vaa ꞌo̱ yuvej xi̱j sa̱ꞌ uchruj nii asino ya̱a̱n tacóó veꞌ ga̱a nachráj nii veꞌ roꞌ, da̱nj vaa soꞌ na̱nj ado̱nj. Tza̱j ne̱ nij síí ma̱n rihaan chumii̱ nihánj me se nachriꞌ nij soꞌ niꞌya̱j nij soꞌ yuvej yoꞌ, tza̱j ne̱ síí vaa ndoꞌo yuꞌvee nó narii Yaꞌanj me soꞌ na̱nj ado̱nj.