San Lucas 3:14 - Triqui de San Juan Copala

¹⁴ Ga̱a ne̱ xnáꞌanj do̱j tanuu man Juan a: ―Da̱j quiꞌya̱j núj, rá so̱ꞌ ga̱ ―taj nij soꞌ rihaan Juan a. Ne̱ cataj Juan rihaan nij soꞌ a: ―Se̱ rquee̱ soj man yuvii̱ rque̱ yuvii̱ saꞌanj rihaan soj a̱ maꞌ. Se̱ caꞌmii ne̱ soj cheꞌé yuvii̱ ne̱ caꞌne̱e̱ soj saꞌanj man nij yuvii̱ a̱ maꞌ. Veé do̱j saꞌanj vaa tuꞌvee soj roꞌ, gu̱un niha̱ꞌ rá soj ni̱caj soj na̱nj á ―da̱nj cataj Juan rihaan nij tanuu a.

San Lucas 3:14 ပူးပေါင်းရင်းမြစ်များ

San Mateo 8:5

Dan me se catúj Jesús chumanꞌ Capernaum, ne̱ cuchiꞌ ꞌo̱ tanuu capitán romanó ꞌni̱j raꞌa cientó tanuu rihaan soꞌ a. Dan me se cachíín niꞌya̱j soꞌ rihaan Jesús,

San Lucas 19:8

Tza̱j ne̱ canicunꞌ maꞌa̱n Zaqueo, cataj soꞌ rihaan Síí ꞌNi̱j Raꞌa man níꞌ a: ―Ni̱ꞌyaj so̱ꞌ á. Cuano̱ nihánj me se rque̱ ꞌu̱nj yane̱j siꞌyáj rihaan nij síí nique̱, ne̱ nij síí tihaꞌ yuꞌunj ꞌu̱nj man, tza̱j ne̱ na̱quiꞌyáj ꞌó cunu̱ꞌ caꞌa̱nj narque̱ ꞌu̱nj rihaan nij soꞌ se vaa caꞌnéj ꞌu̱nj man nij soꞌ, Señor ―taj soꞌ rihaan Jesús a.

San Lucas 3:10

Ga̱a ne̱ xnáꞌanj nij yuvii̱ man Juan, cataj nij yuvii̱ a: ―Sese da̱nj vaa, ne̱ da̱j quiꞌya̱j núj, rá so̱ꞌ ga̱ ―taj nij soꞌ rihaan Juan a.

San Lucas 3:13

Ne̱ cataj Juan rihaan nij soꞌ a: ―Ina̱nj saꞌanj no̱ xcúún soj caꞌne̱e̱ soj man yuvii̱ roꞌ, caꞌve̱e caꞌne̱e̱ soj á. Se̱ caꞌnéj soj doj saꞌanj man yuvii̱ maꞌ ―taj Juan rihaan nij soꞌ a.

Hechos 10:7

Dan me se caꞌanj uún se‑mo̱zó Yaꞌanj yoꞌ, ga̱a ne̱ canacúún Cornelió caꞌna̱ꞌ vi̱j se‑mo̱zó maꞌa̱n soꞌ do̱ꞌ, ꞌo̱ tanuu nu̱u̱ rihaan soꞌ, síí noco̱ꞌ man Yaꞌanj ga̱ soꞌ do̱ꞌ a.

Filipenses 2:15

Ne̱ gu̱un soj síí sa̱ꞌ, ne̱ taj cacunꞌ tu̱mé soj rihaan Yaꞌanj maꞌ. Ne̱ nda̱ꞌ se chéé soj ga̱ yuvii̱ vaa qui̱j nimán ma̱n rihaan chumii̱ nihánj cuano̱, tza̱j ne̱ veꞌé cuno̱ soj rihaan Yaꞌanj, ne̱ ꞌo̱ ya̱ gu̱un taꞌni̱j Yaꞌanj man soj chugua̱nj. Dan me se ase vaa veꞌé ndoꞌo vaa chuguu̱n nij yatiꞌ rej xta̱ꞌ roꞌ, da̱nj veꞌé uxrá curuvi̱ꞌ soj scaꞌnúj nij yuvii̱ ma̱n rihaan chumii̱ nihánj, ne̱

Filipenses 4:11

Né cheꞌe̱ se vaa doj rasu̱u̱n achiin manj me tuꞌvaj da̱nj rihaan soj cuano̱ maꞌ. Nda̱ꞌ se do̱j rasu̱u̱n vaa rihanj, tza̱j ne̱ ne nanó rá ꞌu̱nj maꞌ. ꞌO̱ se a̱j naríꞌ ꞌu̱nj naquiꞌya̱j ina̱j ꞌu̱nj nimanj, ne̱ niha̱ꞌ ina̱nj raj na̱nj ado̱nj.

Tito 2:3

Dan me se veé da̱nj veꞌé ndoꞌo quiꞌya̱j nij chana̱ chij uún, ga̱a ne̱ caꞌve̱e xca̱j yuvii̱ cuentá se vaa chana̱ sa̱ꞌ noco̱ꞌ uxrá man Yaꞌanj me nij noꞌ a. Se̱ nanó nij chana̱ chij cuentó ne̱ cheꞌé tuviꞌ nij noꞌ maꞌ. Se̱ gaa niha̱ꞌ rá nij noꞌ gu̱un xno̱ nij noꞌ maꞌ. Tana̱nj gu̱un nij noꞌ chana̱ veꞌé tucuꞌyón man tuviꞌ,

Apocalipsis 12:10

Ga̱a ne̱ cunó ꞌu̱nj nana̱ nucua̱j caꞌmii ꞌo̱ soꞌ rej xta̱ꞌ, ne̱ cataj soꞌ a: Nihánj me se a̱j tinanii Yaꞌanj man yuvii̱ rihaan sayuun, ne̱ uun nucua̱j ndoꞌo soꞌ, ne̱ uun chij ndoꞌo soꞌ ado̱nj. Ne̱ uun chij Síí Caꞌnéé Soꞌ Ti̱nanii man Yuvii̱ rihaan Sayuun a. ꞌO̱ se síí utaꞌ cacunꞌ xráá tinúú níꞌ nuvi̱i niga̱nꞌ rihaan Yaꞌanj roꞌ, quirii yaníj nii man soꞌ na̱nj ado̱nj.