San Lucas 24:4 - Triqui de San Juan Copala

⁴ Dan me se caráyaꞌa̱nj ndoꞌo nij chana̱, ne̱ ta̱j niꞌyo̱n canicunꞌ vi̱j snóꞌo xꞌnúú nij chana̱, ne̱ ro̱j snóꞌo yoꞌ me se yatzíj chuguu̱n uxrá nuû ro̱j soꞌ a.

San Lucas 24:4 ပူးပေါင်းရင်းမြစ်များ

San Marcos 16:5

Ga̱a ne̱ catúj nij noꞌ rque yuꞌuj, ga̱a ne̱ queneꞌen nij noꞌ se vaa ya̱nj ꞌo̱ síí ya̱a̱n rej nuva̱ꞌ nij noꞌ, ne̱ nuû soꞌ yatzíj xca̱a̱n catzi̱i̱, ne̱ cuchuꞌviꞌ ndoꞌo nij noꞌ a.

San Lucas 2:9

Ga̱a ne̱ ta̱j niꞌyo̱n curuviꞌ ꞌo̱ se‑mo̱zó Yaꞌanj Si̱j ꞌNi̱j Raꞌa man níꞌ rihaan nij soꞌ, ne̱ cuchuguu̱n uxrá nu̱ꞌ anica̱j man nij soꞌ, quiꞌyaj Yaꞌanj Si̱j ꞌNi̱j Raꞌa man níꞌ, ga̱a ne̱ cuchuꞌviꞌ ndoꞌo nij soꞌ a.

San Lucas 24:5

Dan me se cuchuꞌviꞌ uxrá nij chana̱, ne̱ caꞌanj ca̱yáán ru̱j nij chana̱, ne̱ cuchruj nij chana̱ rihaan nij noꞌ rihaan yoꞌóó a. Ga̱a ne̱ cataj ro̱j snóꞌo rihaan nij noꞌ a: ―Taj cheꞌé nano̱ꞌ soj man síí vaa iꞌna̱ꞌ rej na̱j nij síí caviꞌ maꞌ.

Hechos 1:10

Dan me se niꞌya̱j uxrá nij síí cuneꞌ Jesús rej xta̱ꞌ rej va̱j Jesús, ne̱ curuviꞌ vi̱j síí nu̱u̱ yatzíj catzi̱i̱ xꞌnúú nij soꞌ na̱nj ado̱nj.

Hechos 12:7

Ne̱ ta̱j niꞌyo̱n curiha̱nj ꞌo̱ se‑mo̱zó Yaꞌanj rá veꞌ na̱j Pedró, ne̱ chuguu̱n ndoꞌo rá tagaꞌ yoꞌ a. Ga̱a ne̱ tinasquiꞌ se‑mo̱zó Yaꞌanj xꞌnúú Pedró, tinanuû soꞌ man Pedró, ne̱ cataj soꞌ a: ―ꞌO̱ na̱xaga̱a̱ so̱ꞌ cuaj, Pedro ―taj soꞌ rihaan Pedró a. Dan me se naxaga̱a̱ Pedró, ne̱ agaꞌ ne̱ꞌ numi̱i raꞌa soꞌ roꞌ, naxraꞌ yoꞌ, ne̱ quinij yoꞌ rihaan yoꞌóó a.

1 Timoteo 3:16

Neꞌen cunuda̱nj níꞌ se vaa noco̱o uxrá vaa nana̱ sa̱ꞌ yuve̱ tihaa̱n naca̱ Yaꞌanj man níꞌ nana̱ canocoꞌ níꞌ, ne̱ nihánj me nana̱ yoꞌ a: Curiha̱nj Yaꞌanj rihaan chumii̱, ne̱ guun soꞌ yuvii̱ a. Veꞌé ndoꞌo quiꞌyaj soꞌ, cataj Nimán Yaꞌanj a. Queneꞌen nij se‑mo̱zó Yaꞌanj man soꞌ a. Nataꞌ nii cheꞌé soꞌ rihaan nij yuvii̱ yaníj a. Cuchumán rá taꞌa̱j nij síí ma̱n rihaan chumii̱ nihánj niꞌya̱j nij soꞌ man soꞌ a. Quinanꞌ soꞌ xta̱ꞌ, ne̱ niꞌndaj ya̱ veꞌé nacaj nij síí ma̱n xta̱ꞌ man soꞌ a. Yoꞌ me nana̱ noco̱ꞌ níꞌ a.