San Lucas 24:20 - Triqui de San Juan Copala

²⁰ Ne̱ dan me se caꞌneꞌ nij xrej ata̱ suun noco̱o caꞌneꞌ nij síí nica̱j suun caꞌneꞌ suun se vaa cavi̱ꞌ soꞌ, ga̱a ne̱ cachrón nii man soꞌ rihaan rcutze̱ a.

San Lucas 24:20 ပူးပေါင်းရင်းမြစ်များ

San Mateo 23:33

’Ase vaa xcuáá yuva̱a̱ vaa soj, ne̱ taj se qui̱ꞌyáꞌ nani̱i̱ soj rihaan sayuun quiꞌya̱j Yaꞌanj man soj maꞌ. Caca̱a̱ soj rihaan yaꞌan ado̱nj.

San Mateo 27:20

Tza̱j ne̱ cataj xnaꞌanj nij xrej ata̱ suun noco̱o do̱ꞌ, nij síí uun chij do̱ꞌ, rihaan ri̱i̱ nij yuvii̱ se vaa caꞌmi̱i̱ nij yuvii̱ cheꞌé síí cuꞌna̱j Barrabás rihaan Pilató, ne̱ cata̱j nij yuvii̱ se vaa cavi̱ꞌ Jesús a. Ne̱ cuchumán rá nij yuvii̱ a.

San Marcos 15:1

Ga̱a ne̱ rej ranga̱ꞌ cunuu chre̱ꞌ nij xrej ata̱ suun noco̱o do̱ꞌ, nij síí uun chij do̱ꞌ, nij síí naquiꞌyaj cu̱u stucua̱nj Moisés do̱ꞌ, nu̱ꞌ Xꞌneꞌ Nij Síí Ata̱ Suun Noco̱o Doj do̱ꞌ, quiꞌyaj nij soꞌ juntá, ga̱a ne̱ numíj nij soꞌ man Jesús, ne̱ nica̱j nij soꞌ man Jesús caꞌanj nij soꞌ rihaan Pilató, ne̱ tacuachén nij soꞌ man Jesús rihaan soꞌ a.

San Lucas 22:66

Ne̱ ga̱a ranga̱ꞌ me se cunuu chre̱ꞌ nij síí uun chij do̱ꞌ, nij xrej ata̱ suun noco̱o do̱ꞌ, nij síí naquiꞌyaj cu̱u stucua̱nj Moisés do̱ꞌ, ne̱ caꞌanj nica̱j nij soꞌ man Jesús rihaan Xꞌneꞌ Nij Síí Ata̱ Suun Noco̱o Doj rihaan nij yuvii̱ israelitá a. Ga̱a ne̱ xnáꞌanj nij soꞌ man Jesús, ne̱ cataj nij soꞌ a:

San Lucas 23:13

Dan me se canacúún síí cuꞌna̱j Pilató man nij xrej ata̱ suun noco̱o do̱ꞌ, man nij síí uun chij rihaan nij yuvii̱ israelitá do̱ꞌ, man maꞌa̱n nij yuvii̱ do̱ꞌ, se vaa caꞌna̱ꞌ nij soꞌ cunu̱u chre̱ꞌ nij soꞌ rihaan soꞌ a.

Hechos 2:23

Dan me se tacuachén nii man soꞌ rihaan nij síí ta̱j riꞌyunj man soꞌ, ne̱ cachrón nij síí ne nocoꞌ man Yaꞌanj man soꞌ rihaan rcutze̱, ne̱ caviꞌ soꞌ, quiꞌyaj maꞌa̱n soj a. Ne̱ nu̱ꞌ nihánj me se vaa ꞌo̱ guun rá Yaꞌanj quira̱nꞌ soꞌ, ne̱ a̱j queneꞌen Yaꞌanj se vaa quira̱nꞌ soꞌ da̱nj na̱nj ado̱nj.

1 Tesalonicenses 2:15

Ne̱ nij síí israelitá yoꞌ roꞌ, nij soꞌ me síí ticaviꞌ man Jesús Si̱j ꞌNi̱j Raꞌa man níꞌ do̱ꞌ, man nij síí nataꞌ snana̱ Yaꞌanj ga̱a naá do̱ꞌ, ne̱ nda̱a quirii nij soꞌ man núj rque queꞌe̱e̱ chumanꞌ na̱nj ado̱nj. Nij ndoꞌo ꞌyaj nij soꞌ niꞌya̱j Yaꞌanj, ne̱ ta̱j riꞌyunj nij soꞌ man cunuda̱nj yuvii̱ uún ado̱nj.