San Lucas 23:27 - Triqui de San Juan Copala

²⁷ Ne̱ nocoꞌ ri̱i̱ uxrá yuvii̱ man Jesús, ne̱ taꞌa̱j nij yuvii̱ me chana̱, ne̱ dan me se goꞌ nij chana̱ se‑cuxru̱ꞌ nij noꞌ rucua̱a̱ nij noꞌ, ne̱ taꞌvee ndoꞌo nij chana̱ niꞌya̱j nij chana̱ man Jesús a.

San Lucas 23:27 ပူးပေါင်းရင်းမြစ်များ

San Mateo 11:17

ne̱ aguáj nij xnii rihaan tuviꞌ xnii, taj nij xnii a: “Nica̱j núj se‑rihu̱u̱ núj, caꞌyánj núj chraꞌ choco̱ꞌ, tza̱j ne̱ me cheꞌé ne raꞌa̱nj soj ga̱. Ne̱ caꞌyánj núj chraꞌ xnangá, tza̱j ne̱ me cheꞌé ne taꞌve̱e soj ga̱”, taj nij xnii rihaan tuviꞌ nij soꞌ a.

San Mateo 27:55

Ne̱ ga̱nꞌ doj nicunꞌ queꞌe̱e̱ chana̱, niꞌya̱j u̱u̱n nij chana̱ man Jesús a. Chana̱ noco̱ꞌ man Jesús asi̱j cavii Jesús estadó Galilea me nij chana̱ yoꞌ, ne̱ racuíj nij chana̱ yoꞌ man Jesús a.

San Marcos 15:40

Ne̱ ga̱nꞌ doj nicunꞌ queꞌe̱e̱ chana̱, niꞌya̱j nij chana̱ man Jesús a. ꞌO̱ noꞌ me Mariá Magdalena, ne̱ ꞌó noꞌ me Mariá nii síí cuꞌna̱j Jacobo síí cuni̱j ga̱ José a. Ne̱ ꞌó noꞌ me chana̱ cuꞌna̱j Salomé a.

San Lucas 23:28

Ga̱a ne̱ canica̱j Jesús, cataj Jesús rihaan nij chana̱ yoꞌ a: ―Cuno̱ soj cha̱na̱ taꞌni̱j chumanꞌ Jerusalén caꞌmi̱j á. Se̱ taꞌvee nij soj ni̱ꞌyaj soj mán ꞌu̱nj a̱ maꞌ. Tana̱nj taꞌve̱e soj ni̱ꞌyaj soj man maꞌa̱n soj do̱ꞌ, man taꞌníí soj do̱ꞌ á.

San Lucas 23:55

Ne̱ canocoꞌ nij chana̱ cavii estadó Galilea ga̱ Jesús rej xco̱ José, ne̱ queneꞌen nij chana̱ yuꞌuj rej caxríj José cúú man Jesús do̱ꞌ, da̱j vaa cuchruj José cúú xnangá man Jesús do̱ꞌ a.

San Lucas 8:2

ne̱ caꞌanj do̱j chana̱ nahuun sa̱ꞌ quiꞌyaj Jesús ga̱ nij soꞌ uún a. Dan me se taꞌa̱j noꞌ me níí nahuun quiꞌyaj Jesús, ne̱ ꞌó taꞌa̱j noꞌ me níí curiha̱nj nana̱ chre̱e nimán quiꞌyaj Jesús a. Chana̱ cuꞌna̱j Mariá Magdalena me ꞌo̱ noꞌ, ne̱ noꞌ me níí curiha̱nj chi̱j nana̱ chre̱e nimán quiꞌyaj Jesús a.

San Lucas 8:52

Dan me se taꞌvee ndoꞌo nij síí cunuu chre̱ꞌ rá veꞌ cheꞌé chala̱ cunii caviꞌ, ne̱ nanó uxrá rá nij soꞌ, ne̱ goꞌ nij soꞌ cuxruꞌ rucua̱a̱ nij soꞌ a. Tza̱j ne̱ cataj Jesús rihaan nij soꞌ a: ―Se̱ taꞌvee soj maꞌ. ꞌO̱ se ne cavi̱ꞌ noꞌ maꞌ. Ma̱an se otoj u̱u̱n noꞌ na̱nj á ―taj Jesús rihaan nij soꞌ a.

San Juan 16:20

Cuano̱ nihánj me cata̱j yá yá ꞌu̱nj rihaan soj se vaa taꞌve̱e soj ne̱ nano̱ ndoꞌo rá soj, tza̱j ne̱ gu̱un niha̱ꞌ rá nij síí noco̱ꞌ se‑chre̱j chumii̱ nihánj ado̱nj. Nda̱ꞌ se nano̱ ndoꞌo rá soj, tza̱j ne̱ cache̱n doj, ga̱a ne̱ gu̱un niha̱ꞌ uxrá rá nimán soj na̱nj ado̱nj.