San Lucas 23:20 - Triqui de San Juan Copala

²⁰ Ga̱a ne̱ caꞌmii uún Pilató rihaan nij yuvii̱ a. ꞌO̱ se guun rá soꞌ quiri̱i̱ soꞌ man Jesús caꞌa̱nj u̱u̱n Jesús a.

San Lucas 23:20 ပူးပေါင်းရင်းမြစ်များ

San Mateo 27:19

Ne̱ ga̱a yáán Pilató yoꞌ rihaan xrúún soꞌ chruun xlá, ne̱ caꞌnéé nica̱ soꞌ nana̱ cuchiꞌ rihaan soꞌ, taj noꞌ a: “Se̱ quiꞌyáá so̱ꞌ sayuun man síí sa̱ꞌ yoꞌ maꞌ. ꞌO̱ se asi̱j naꞌya̱a̱n me se nanó ndoꞌo raj cheꞌé yan tucuaꞌnuꞌ snóꞌo yoꞌ manj ado̱nj”, taj nica̱ Pilató rihaan soꞌ a.

San Marcos 15:15

Ne̱ Pilató me se guun rá soꞌ quiꞌya̱j soꞌ se vaa gu̱un niha̱ꞌ rá nij yuvii̱, ne̱ cheꞌé dan quirii soꞌ man Barrabás tagaꞌ, ne̱ goꞌ nij tanuu cuartá xráá Jesús, quiꞌyaj soꞌ, ne̱ tacuachén soꞌ man Jesús rihaan nij tanuu cheꞌé rej cachro̱n nij tanuu man Jesús rihaan rcutze̱ a.

San Lucas 23:19

Ne̱ xa̱ꞌ Barrabás, tza̱j ne̱ tucuáá soꞌ ga̱ taꞌa̱j nij yuvii̱ ma̱n Jerusalén rihaan tucuá suun gobiernó, ne̱ ticaviꞌ soꞌ man yuvii̱, ne̱ cheꞌé dan caxríj nii tagaꞌ man soꞌ a.

San Lucas 23:21

Tza̱j ne̱ ꞌo̱ caguáj nij yuvii̱, cataj nij soꞌ a: ―Cavi̱ꞌ soꞌ rihaan rcutze̱ qui̱ꞌyáá so̱ꞌ á. Cavi̱ꞌ soꞌ rihaan rcutze̱ qui̱ꞌyáá so̱ꞌ á ―taj nij yuvii̱, caguáj nij yuvii̱ a.

San Juan 19:12

Quisíj cuno Pilató nana̱ caꞌmii soꞌ, ga̱a ne̱ nanoꞌ soꞌ da̱j quiꞌya̱j soꞌ, ga̱a ne̱ caꞌve̱e ti̱nanii soꞌ man Jesús a. Tza̱j ne̱ doj a̱ caguáj nij síí uun chij rihaan nij yuvii̱ israelitá, cataj nij soꞌ a: ―Sese caꞌa̱nj u̱u̱n síí nihánj, qui̱ꞌyáá so̱ꞌ, ne̱ né tuvi̱ꞌ síí nica̱j suun rey cuꞌna̱j César mé so̱ꞌ maꞌ. ꞌO̱ se síí nihánj me se si̱j me rá gu̱un síí nica̱j suun rey me soꞌ, ne̱ dan me se caꞌne̱e̱ soꞌ suun man síí cuꞌna̱j César, rá soꞌ, ne̱ si̱j ta̱j riꞌyunj man síí cuꞌna̱j César me soꞌ ado̱nj ―taj nij soꞌ, caguáj nij soꞌ a.