San Lucas 22:63 - Triqui de San Juan Copala

⁶³ Ga̱a ne̱ nij síí taꞌaa man Jesús roꞌ, tihaꞌ ndoꞌo nij soꞌ man soꞌ, ne̱ goꞌ nij soꞌ xráá soꞌ a.

San Lucas 22:63 ပူးပေါင်းရင်းမြစ်များ

San Lucas 22:62

Ga̱a ne̱ curiha̱nj Pedró xeꞌ, ne̱ taꞌvee xru̱ꞌ soꞌ a.

San Juan 18:19

Dan me se síí cuꞌna̱j Anás síí cayáán xrej ata̱ suun noco̱o doj asi̱j rque̱ doj roꞌ, xnáꞌanj soꞌ man Jesús cheꞌé nij síí tucuꞌyón snana̱ Jesús do̱ꞌ, cheꞌé maꞌa̱n tucuáán tucuꞌyón Jesús man nij soꞌ do̱ꞌ a.

San Juan 18:22

Quisíj caꞌmii Jesús da̱nj, ga̱a ne̱ coxro ꞌo̱ tanuu tumé nuvií noco̱o nicu̱nꞌ rej yoꞌ xruu̱ Jesús, ne̱ cataj soꞌ a: ―Me cheꞌé caꞌmii so̱ꞌ da̱nj rihaan xrej ata̱ suun noco̱o doj ―taj soꞌ, guun yuva̱a̱ soꞌ man Jesús a.

Hebreos 12:2

Ma̱an se ꞌo̱ ni̱ꞌyaj níꞌ man Jesús á. Maꞌa̱n soꞌ me se síí cuchruj tucuáán amán rá niꞌya̱j man Yaꞌanj ado̱nj. Ne̱ veé soꞌ me síí quisíj quiꞌyaj ya̱ nu̱ꞌ suun cheꞌé rej canoco̱ꞌ níꞌ man Yaꞌanj ado̱nj. Dan me se neꞌen soꞌ se vaa rej riha̱a̱n gu̱un niha̱ꞌ uxrá rá nimán soꞌ sese quiꞌya̱j soꞌ se vaa me rá Yaꞌanj, ne̱ cheꞌé dan guun nucua̱j soꞌ caviꞌ soꞌ rihaan rcutze̱, ne̱ ne cara̱yaꞌa̱nj soꞌ se vaa caꞌngaꞌ naco̱o̱ yuvii̱ niꞌya̱j yuvii̱ man soꞌ maꞌ. Síj ga̱a ne̱ caꞌanj ca̱yáán soꞌ rej nuva̱ꞌ xrúún Yaꞌanj, chruun xlá sa̱ꞌ uxrá ado̱nj.

1 Pedro 2:23

Caꞌmii chre̱e yuvii̱ cheꞌé soꞌ, tza̱j ne̱ ne caꞌmi̱i̱ chre̱e soꞌ cheꞌé nij yuvii̱ maꞌ. Quiranꞌ soꞌ sayuun, tza̱j ne̱ ne caꞌmi̱i̱ soꞌ nana̱ qui̱j maꞌ. Tana̱nj guun rá soꞌ se vaa Yaꞌanj si̱j aꞌneꞌ nica̱ cacunꞌ cheꞌé níꞌ roꞌ, soꞌ me síí caꞌne̱ꞌ cacunꞌ cheꞌé soꞌ vaa güii a.