San Lucas 22:55 - Triqui de San Juan Copala

⁵⁵ Dan me se naranꞌ nii yaꞌan rihaan veꞌ, ne̱ yáán tacuachriin ta̱ranꞌ nii rihaan yaꞌan, ne̱ yáán Pedró scaꞌnúj nij soꞌ a.

San Lucas 22:55 ပူးပေါင်းရင်းမြစ်များ

San Mateo 26:3

Ga̱a ne̱ cunuu chre̱ꞌ nij xrej ata̱ suun noco̱o do̱ꞌ, nij síí uun chij do̱ꞌ, rihaan veꞌ xi̱j tucuá xrej ata̱ suun noco̱o doj síí cuꞌna̱j Caifás a.

San Lucas 22:44

Ne̱ nanó ndoꞌo rá nimán soꞌ, ne̱ nucua̱j ndoꞌo cachíín niꞌya̱j soꞌ rihaan Yaꞌanj, ne̱ cavii ndoꞌo nihaa̱ rihaan soꞌ, ne̱ ase vaa ton vaa nihaa̱ cavii rihaan soꞌ cayanj rihaan yoꞌóó a.

San Lucas 22:56

Dan me se yáán soꞌ rej chuguu̱n yaꞌan rihaan nij tuviꞌ xrej, ne̱ queneꞌen ꞌo̱ mozó cha̱na̱ man soꞌ, ne̱ niꞌya̱j uxrá chana̱ yoꞌ man soꞌ a. Ga̱a ne̱ cataj mozó cha̱na̱ yoꞌ rihaan tuviꞌ noꞌ síí ma̱n ga̱ noꞌ a: ―Síí nihánj roꞌ, me ꞌo̱ síí cachéé ga̱ Jesús a ―taj chana̱ yoꞌ, niꞌya̱j yoꞌ man Pedró a.

1 Corintios 15:33

Caꞌne̱ꞌ rá soj ga̱ suun tihaꞌ yuꞌunj man maꞌa̱n na̱nj á. Nda̱ꞌ se sa̱ꞌ vaa nimán soj, tza̱j ne̱ sese cache̱e̱ soj ga̱ síí chiꞌi̱i̱, ne̱ nu̱u chiꞌi̱i̱ nimán soj, quiꞌya̱j nij soꞌ ado̱nj.