San Lucas 21:37 - Triqui de San Juan Copala

³⁷ Dan me se rej ranga̱ꞌ roꞌ, tucuꞌyón Jesús man nij yuvii̱ rej ya̱nj nuvií noco̱o, ne̱ rej tiꞌnuu me se curiha̱nj soꞌ rque chumanꞌ, ne̱ rej cuꞌna̱j Tacaan ma̱n Chruun Olivó aranꞌ soꞌ a.

San Lucas 21:37 ပူးပေါင်းရင်းမြစ်များ

San Mateo 21:1

Ga̱a ne̱ cuchiꞌ Jesús cuchiꞌ nij síí tucuꞌyón snana̱ soꞌ cuchiꞌ tuꞌva chumanꞌ cuꞌna̱j Betfagé a. Na̱j chumanꞌ yoꞌ tacóó tacaan cuꞌna̱j Tacaan ma̱n Chruun Olivó, ne̱ nichru̱nꞌ naj chumanꞌ Jerusalén ga̱ chumanꞌ cuꞌna̱j Betfagé yoꞌ a. Ga̱a ne̱ caꞌnéé Jesús man vi̱j nij síí tucuꞌyón snana̱ soꞌ caꞌa̱nj ro̱j soꞌ rque chumanꞌ yoꞌ,

San Mateo 21:17

Ga̱a ne̱ tanáj Jesús man nij soꞌ, ne̱ curiha̱nj soꞌ chumanꞌ Jerusalén, ne̱ caꞌanj soꞌ chumanꞌ Betania, ne̱ caranꞌ soꞌ ꞌo̱ yanꞌ a.

San Mateo 26:30

Ga̱a ne̱ cachráá ta̱ranꞌ nij soꞌ chraꞌ rihaan Yaꞌanj, ne̱ cavii nij soꞌ, caꞌanj nij soꞌ tacaan cuꞌna̱j Tacaan ma̱n Chruun Olivó a.

San Mateo 26:55

Ne̱ cataj Jesús rihaan nij yuvii̱ a: ―Me cheꞌé nica̱j soj neê espadá nica̱j soj chruun nica̱j soj, caꞌnaꞌ soj ga̱. Síí itu̱u̱ mé ꞌu̱nj, rá soj naꞌ. Ne̱ ꞌo̱ se guun queꞌe̱e̱ güii cayáán ꞌu̱nj rihaan rej ya̱nj nuvií noco̱o, tucuꞌyón ꞌu̱nj snana̱j rihaan nij yuvii̱, tza̱j ne̱ ne ta̱ꞌaa soj manj a.

San Marcos 11:12

Ne̱ ꞌó güii me se curiha̱nj uún nij soꞌ chumanꞌ Betania, ne̱ naꞌaan rque Jesús a.

San Marcos 11:19

Tza̱j ne̱ caꞌanj güii, ne̱ nichrunꞌ gu̱un rmi̱ꞌ, ne̱ curiha̱nj uún Jesús ga̱ nij síí tucuꞌyón snana̱ soꞌ chumanꞌ Jerusalén caꞌanj nij soꞌ a.

San Marcos 14:49

ꞌO̱ se guun queꞌe̱e̱ güii cayáán ꞌu̱nj rihaan rej ya̱nj nuvií noco̱o, tucuꞌyón ꞌu̱nj snana̱j rihaan soj, tza̱j ne̱ ne ta̱ꞌaa soj manj maꞌ. Tza̱j ne̱ nihánj me se qui̱ránꞌ ꞌu̱nj nu̱ꞌ se vaa taj nana̱ no̱ rihaan Danj Yaꞌanj a ―taj Jesús a.

San Lucas 19:29

Dan me se nichrunꞌ Jesús ro̱j chumanꞌ cuꞌna̱j Betfagé ga̱ Betania a. Na̱j ro̱j chumanꞌ yoꞌ tacóó tacaan cuꞌna̱j Tacaan ma̱n Chruun Olivó a. Ga̱a ne̱ caꞌnéé Jesús man vi̱j nij síí tucuꞌyón snana̱ soꞌ caꞌa̱nj ro̱j soꞌ rque chumanꞌ na̱j rej rihaan nij soꞌ,

San Lucas 19:37

Dan me se nichrunꞌ Jesús chumanꞌ Jerusalén, ne̱ va̱j soꞌ tacóó Tacaan ma̱n Chruun Olivó rej va̱j ni̱j chrej, ne̱ guun cheꞌe̱ cunuda̱nj nij síí ri̱i̱ tucuꞌyón snana̱ soꞌ guun niha̱ꞌ rá nimán nij soꞌ, ne̱ aguáj nij soꞌ, veꞌé uxrá caꞌmii nij soꞌ cheꞌé Yaꞌanj cheꞌé nu̱ꞌ nij suun sa̱ꞌ noco̱o quiꞌyaj Jesús queneꞌen nij soꞌ a.

San Lucas 19:47

Ne̱ dan me se da̱j a̱ güii nicunꞌ Jesús rej ya̱nj nuvií noco̱o, tucuꞌyón Jesús snana̱ soꞌ rihaan yuvii̱ a. Tza̱j ne̱ nij xrej ata̱ suun noco̱o do̱ꞌ, nij síí naquiꞌyaj cu̱u stucua̱nj Moisés do̱ꞌ, nij síí uun chij rihaan nij yuvii̱ israelitá do̱ꞌ, nanoꞌ uxrá nij soꞌ da̱j quiꞌya̱j nij soꞌ ga̱a ne̱ caꞌve̱e cavi̱ꞌ Jesús a.

San Lucas 22:39

Ga̱a ne̱ cavii soꞌ rque chumanꞌ caꞌanj soꞌ tacaan cuꞌna̱j Tacaan ma̱n Chruun Olivó, nda̱a vaa uꞌyón ina̱nj soꞌ ꞌyaj soꞌ a. Ne̱ canocoꞌ nij síí tucuꞌyón snana̱ soꞌ rej xco̱ soꞌ a.

San Juan 12:1

Dan me se achiin ꞌó vata̱nꞌ güii ca̱nuû Chaꞌanj Pascuá, ne̱ caꞌanj Jesús chumanꞌ Betania a. Chumanꞌ Betania roꞌ, yáán síí cuꞌna̱j Lázaro síí cunuu iꞌna̱ꞌ uún quiꞌyaj Jesús a.

San Juan 18:2

Ne̱ síí cuꞌna̱j Judas síí ta̱cuachén man Jesús rihaan nij síí ta̱j riꞌyunj man Jesús me se a̱j neꞌen soꞌ rej yoꞌ a. ꞌO̱ se a̱j guun queꞌe̱e̱ ndoꞌo cunuu chre̱ꞌ Jesús rej yoꞌ ga̱ nij síí tucuꞌyón snana̱ soꞌ a.

Hechos 1:12

Dan me se tanáj nij síí cuneꞌ Jesús caꞌa̱nj nata̱ꞌ snana̱ soꞌ tacaan cuꞌna̱j Tacaan ma̱n Chruun Olivó, ne̱ caꞌanj nij soꞌ, ne̱ namán uún nij soꞌ chumanꞌ Jerusalén a. Dan me se ꞌo̱ kilómetro caꞌanj nij soꞌ a.