Ga̱a ne̱ xnáꞌanj nij síí tucuꞌyón snana̱ Jesús man soꞌ a: ―Ne̱ me rej caꞌna̱ꞌ so̱ꞌ, ga̱a Seño̱rꞌ ―taj nij soꞌ, xnáꞌanj nij soꞌ a. Ga̱a ne̱ cataj Jesús rihaan nij soꞌ a: ―Da̱j se vaa nuu chre̱ꞌ yachrúú me rej maꞌa̱n naj nee̱ riꞌyuj roꞌ, da̱nj caꞌne̱j Yaꞌanj sayuun me rej maꞌa̱n yáán yuvii̱ ꞌyaj se chiꞌi̱i̱ ado̱nj ―taj Jesús rihaan nij soꞌ a.
San Lucas 21:35 - Triqui de San Juan Copala35 ꞌO̱ se nda̱a rá se vaa ꞌo̱ lazó ne̱ꞌ taꞌaa man xcuu roꞌ, da̱nj ga̱a̱ caꞌna̱ꞌ xráá cunuda̱nj chumii̱ nihánj ado̱nj. အခန်းကိုကြည့်ပါ။ |
San Lucas 21:35
10 ပူးပေါင်းရင်းမြစ်များ
Ne̱ cataj uún Jesús a: ―Dan me se tu̱mé soj man soj se̱ gaa na̱nj ꞌo̱ nano̱ rá nimán soj cheꞌé se cache̱n ndoꞌo cha̱ soj do̱ꞌ, cheꞌé se gu̱un xno̱ soj do̱ꞌ, cheꞌé nu̱ꞌ sayuun ranꞌ soj rihaan chumii̱ nihánj do̱ꞌ maꞌ. Se quiꞌya̱j soj da̱nj, ta̱dó soj se̱ ta̱j niꞌyo̱n caꞌna̱j, ne̱ se̱ queneꞌen soj caꞌna̱j a.
Cheꞌé dan ꞌo̱ ni̱ꞌyaj soj, ne̱ xca̱j soj cuentá da̱j a̱ güii, ne̱ ina̱nj cachi̱nj niꞌya̱j soj rihaan Yaꞌanj se vaa caꞌve̱e nani̱i̱ soj rihaan nu̱ꞌ sayuun nihánj asa̱ꞌ gu̱un da̱nj rihaan chumii̱ nihánj a. Ga̱a ne̱ caꞌve̱e canicu̱nꞌ soj rihaan ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ á ―taj Jesús a.
Ne̱ o̱rúnꞌ snóꞌo quiꞌyaj soꞌ asi̱j rque̱ roꞌ, veé ton dan quiꞌyaj soꞌ man da̱j a̱ xꞌneꞌ nij yuvii̱ aꞌmii ꞌo̱ ꞌo̱ xnaꞌánj, cheꞌé rej ca̱yáán nij yuvii̱ rihaan nu̱ꞌ cachra̱ꞌ chumii̱ ado̱nj. Ne̱ a̱j neꞌen Yaꞌanj me daj yoꞌ ca̱yáán ꞌo̱ ꞌo̱ xꞌneꞌ nij yuvii̱ rihaan chumii̱, ne̱ a̱j neꞌen Yaꞌanj me rej gu̱un ranꞌ toꞌóó ꞌo̱ ꞌo̱ xꞌneꞌ nij yuvii̱ na̱nj á.
Ne̱ nihánj me snana̱ Síí ꞌNi̱j Raꞌa man níꞌ a: “Dan me se ase vaa ꞌnaꞌ yuve̱ síí itu̱u̱ roꞌ, da̱nj ga̱a̱ cuchi̱ꞌ ꞌu̱nj rihaan soj ado̱nj. Ne̱ cavi̱i̱ sa̱ꞌ síí ne otoj, ne̱ niꞌya̱j ranga̱ꞌ nij soꞌ, ne̱ tumé sa̱ꞌ nij soꞌ saga̱nꞌ nij soꞌ yatzéj catzi̱i̱ ado̱nj. Dan me se se̱ gaa ca̱nj nij soꞌ cache̱e̱ nij soꞌ, ne̱ se̱ cunó chrej naꞌa̱j rihaan nij soꞌ ni̱ꞌyaj yuvii̱ man nij soꞌ maꞌ.” Da̱nj taj Síí ꞌNi̱j Raꞌa man níꞌ niꞌya̱j soꞌ man nij síí ne tumé cacunꞌ a.
ကြော်ငြာတွေ